1 Corintios 4
4
Ja a'tijum sb'a Jesusi
1Ja we'nlexi, oj b'ob' a wil'otikonex jastal jun lom ya'tijumotikon ja Kajwaltik Jesusi, alji kab'tikon jel t'ilan oj kaltikon a wabyex ja jas nak'an chapan yuj ajyi ja Dyosi. 2Ja ma'tik a'jiyi jun a'teli, t'ilan oj sje' yuj oj k'u'axuk ja jas wa'ne sje'jeli. 3Jaxa we'nlexi, ma jun ma' jel niwan ja ya'tel b'a lu'um it waxa k'elawex ta lek ma mi lekuk ja jas wax k'u'lani, mix cham jk'ujol yuj ja mini ke'nukon mix na'a ta lek ma mi lekuk ja jas wa'non sk'u'lajeli. 4A'nima mix jak jk'ujol ta lek ma mi lekuk ja jas wa'non sk'u'lajeli. Mi ja'uk ti wa sk'ana yal yujni mey jmula, ja ma' oj b'ob' sk'el ta ay ma mey jmuli, kechan ye'nani ja Dyosi. 5Ja'yuj mok ma' a le'ex yi smul lom ja janek' mitox jak ja Kajwaltik Jesusi. Ja yajnix jak ja Ye'ni, oj ch'ak ya chiknajuk ja jas nak'an ayi, sok ja jas wa'n pensar b'a kada jujune'i. Jaxa Dyosi, ti oj ya'ki'tik ja jmajtantik ja jastalni ja sb'ej oj ya'ki'tiki.
6Ja' kala jastal Apolos sok ja ke'n, ja b'a ti oj a neb'ex ja lo'il it wax yala: —Mi oj b'ob' jk'u'luktik sok mi jel oj kaltik sok ja jastal ts'ijb'anub'al ja yab'al ja Dyosi—. Ja'yuj jun ya'tijum ja Dyos mi lom jelxa wi'ajex niwan ja jun yuj ja otro. 7Mini jun ma' oj yal mas niwanex ja we'nlex yuj tuk jumasa. Yuj ja spetsanil ja jas a wi'ojexi, ye'nani ya'oj a wi'ex ja Dyosi. Ta yuj k'a ye'n ya'oj a wi'ex ja Dyosi, ¿Jas lom waxa toyo ab'ajex lajan sok we'n a ta'unejex a tuch'ilex b'a?
8Ja ya'n nakaxa ay a wi'ojex spetsanil ja jas waxa k'anawexi: Jelxa wa jasti a b'ajexi, jach'xa waxa wa' a b'ajex jastal jun mandaranum, lajan sok yuj mixa oj makunukotikon a wujilex. —Ta yuj k'a jach' wa sk'ana ja Dyosi, ojni ochanik kulan. B'a jach' oj b'ob' kulanukotik lajana—. 9Yuj ja lajan sok ja ke'ntikon ja janek' sjekab'anumotikoni, lajan sok mixax kisawotikon ja Dyosi. Lajanotikon sok jastal jun winik lutub'al b'a ti'xax yilata tix cham kan tiwi. Ja ke'ntikoni, ixta wax yilawotikone ja kristyano jumasa ja b'a lu'um iti.— Jach' wax cho yilawotikon jastal jaw ja anjel jumasa.— 10Yuj ja wax k'u'antikon ja Kajwaltik Jesusi, lajan sok mi xnatikon k'inal wax yilawotikon ja kristyano jumasa. Sts'akatal ja Kajwaltik Jesusi, ja we'nlexi wanix ilji wanixa na'awexa. Ja ke'ntikon lajan sok mini jun kiptikon aya, jaxa we'nlexi, tsats lek ayex. Jaxa we'nlexi, wala kisjiyex, jaxa ke'ntikoni miyuk. 11Man ya'ni, jel wa'in xkab'tikon sok jel takin ja jti'tikoni, mixa jun ya'tel ja jk'utikoni, lajan sok ojxa kankotikon b'asan, ja kristyano jumasa ixta wax yilawotikone, sok mey b'a oj ajyukotikona. 12Wala k'umb'itikon a'tel sok ja jk'ab'tikoni. Wax kilatikon lek ja ma wax yutajotikoni. Yajni wax jak ja jwokoltikoni, ti wax ka'a jpasensyatikona. 13Yajni mi lek wala tajitikon ti, lek wax sututikon ja ke'ntikoni. Man yan jach' wax yilawotikone jastal ts'i'lel b'a lu'um iti.
14Mi wax ts'ijb'a a wi'ex ja it, b'a oj ka k'ixwanik. Miyuk, ja ke'n yuj ay jas wax k'ana oj je'a wi'ex, yuj ja wax yajtayex jastal kuntikil. 15Ja ma' oj sje'a wi'ex ja yab'al ja Kajwaltik Jesusi, oj b'ob' ajyuk man lajune mil, jaxa wa tatexi mey jitsan. Kechan ke'n a tatonex, yujni ke'n kal a wabyex ja tsamal yab'al ja Kajwaltik Jesusi, ja'yuj ti kuntikilexani'a. 16Ja'yuj wax k'ana a wi'ex nochowik ja jastalon ja ke'n.
17Ja'yuj jeka a wi'ex ja Timoteo, ja ma' jach' wax kila jastal kunini, ja ma' toj ay wax kila sok ja Kajwaltik Jesusi. Ja'yuj ye'n ka'a sniwanil jk'ujol ye'n oj ya jul a k'ujolex ja jas je'a a wi'exi, cho ja'ni ja jas sje'a a wi'ex ja Kajwaltik Jesusi. Yuj ja ja'ni wax cho je'a yi'e spetsanil ja jmoj aljeltik jumasa ja ke'na. 18Ay chab' oxe ja we'nlex jel tsats wa k'ujolexi, waxa walawex mi oj b'ob' waj kil'ex. 19Ta yuj ta k'a jach' wa sk'ana ja Dyosi, mi oj ek' k'ak'u oj waj kulatayex, b'a jach' ti oj kil janek' ja tsatsale ja ma' jel tsats wax ya'a sb'aje'i, ti oj kil ta wa sk'u'lane meran ja jas wax yalawe'i. 20Ja ma' tey sok ja Dyosi, ja' wa sje'a ja jas wa sk'ulani, mi kechanuk sok ja jas wax yala. 21¿Jastal waxa k'anawex oj waj kulatayex b'a? ¿Wa'n a maxa k'anawex tsats oj yam'ex ma k'un ita waxa k'ana oj k'umukex?
Iliyochaguliwa sasa
1 Corintios 4: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 4
4
Ja a'tijum sb'a Jesusi
1Ja we'nlexi, oj b'ob' a wil'otikonex jastal jun lom ya'tijumotikon ja Kajwaltik Jesusi, alji kab'tikon jel t'ilan oj kaltikon a wabyex ja jas nak'an chapan yuj ajyi ja Dyosi. 2Ja ma'tik a'jiyi jun a'teli, t'ilan oj sje' yuj oj k'u'axuk ja jas wa'ne sje'jeli. 3Jaxa we'nlexi, ma jun ma' jel niwan ja ya'tel b'a lu'um it waxa k'elawex ta lek ma mi lekuk ja jas wax k'u'lani, mix cham jk'ujol yuj ja mini ke'nukon mix na'a ta lek ma mi lekuk ja jas wa'non sk'u'lajeli. 4A'nima mix jak jk'ujol ta lek ma mi lekuk ja jas wa'non sk'u'lajeli. Mi ja'uk ti wa sk'ana yal yujni mey jmula, ja ma' oj b'ob' sk'el ta ay ma mey jmuli, kechan ye'nani ja Dyosi. 5Ja'yuj mok ma' a le'ex yi smul lom ja janek' mitox jak ja Kajwaltik Jesusi. Ja yajnix jak ja Ye'ni, oj ch'ak ya chiknajuk ja jas nak'an ayi, sok ja jas wa'n pensar b'a kada jujune'i. Jaxa Dyosi, ti oj ya'ki'tik ja jmajtantik ja jastalni ja sb'ej oj ya'ki'tiki.
6Ja' kala jastal Apolos sok ja ke'n, ja b'a ti oj a neb'ex ja lo'il it wax yala: —Mi oj b'ob' jk'u'luktik sok mi jel oj kaltik sok ja jastal ts'ijb'anub'al ja yab'al ja Dyosi—. Ja'yuj jun ya'tijum ja Dyos mi lom jelxa wi'ajex niwan ja jun yuj ja otro. 7Mini jun ma' oj yal mas niwanex ja we'nlex yuj tuk jumasa. Yuj ja spetsanil ja jas a wi'ojexi, ye'nani ya'oj a wi'ex ja Dyosi. Ta yuj k'a ye'n ya'oj a wi'ex ja Dyosi, ¿Jas lom waxa toyo ab'ajex lajan sok we'n a ta'unejex a tuch'ilex b'a?
8Ja ya'n nakaxa ay a wi'ojex spetsanil ja jas waxa k'anawexi: Jelxa wa jasti a b'ajexi, jach'xa waxa wa' a b'ajex jastal jun mandaranum, lajan sok yuj mixa oj makunukotikon a wujilex. —Ta yuj k'a jach' wa sk'ana ja Dyosi, ojni ochanik kulan. B'a jach' oj b'ob' kulanukotik lajana—. 9Yuj ja lajan sok ja ke'ntikon ja janek' sjekab'anumotikoni, lajan sok mixax kisawotikon ja Dyosi. Lajanotikon sok jastal jun winik lutub'al b'a ti'xax yilata tix cham kan tiwi. Ja ke'ntikoni, ixta wax yilawotikone ja kristyano jumasa ja b'a lu'um iti.— Jach' wax cho yilawotikon jastal jaw ja anjel jumasa.— 10Yuj ja wax k'u'antikon ja Kajwaltik Jesusi, lajan sok mi xnatikon k'inal wax yilawotikon ja kristyano jumasa. Sts'akatal ja Kajwaltik Jesusi, ja we'nlexi wanix ilji wanixa na'awexa. Ja ke'ntikon lajan sok mini jun kiptikon aya, jaxa we'nlexi, tsats lek ayex. Jaxa we'nlexi, wala kisjiyex, jaxa ke'ntikoni miyuk. 11Man ya'ni, jel wa'in xkab'tikon sok jel takin ja jti'tikoni, mixa jun ya'tel ja jk'utikoni, lajan sok ojxa kankotikon b'asan, ja kristyano jumasa ixta wax yilawotikone, sok mey b'a oj ajyukotikona. 12Wala k'umb'itikon a'tel sok ja jk'ab'tikoni. Wax kilatikon lek ja ma wax yutajotikoni. Yajni wax jak ja jwokoltikoni, ti wax ka'a jpasensyatikona. 13Yajni mi lek wala tajitikon ti, lek wax sututikon ja ke'ntikoni. Man yan jach' wax yilawotikone jastal ts'i'lel b'a lu'um iti.
14Mi wax ts'ijb'a a wi'ex ja it, b'a oj ka k'ixwanik. Miyuk, ja ke'n yuj ay jas wax k'ana oj je'a wi'ex, yuj ja wax yajtayex jastal kuntikil. 15Ja ma' oj sje'a wi'ex ja yab'al ja Kajwaltik Jesusi, oj b'ob' ajyuk man lajune mil, jaxa wa tatexi mey jitsan. Kechan ke'n a tatonex, yujni ke'n kal a wabyex ja tsamal yab'al ja Kajwaltik Jesusi, ja'yuj ti kuntikilexani'a. 16Ja'yuj wax k'ana a wi'ex nochowik ja jastalon ja ke'n.
17Ja'yuj jeka a wi'ex ja Timoteo, ja ma' jach' wax kila jastal kunini, ja ma' toj ay wax kila sok ja Kajwaltik Jesusi. Ja'yuj ye'n ka'a sniwanil jk'ujol ye'n oj ya jul a k'ujolex ja jas je'a a wi'exi, cho ja'ni ja jas sje'a a wi'ex ja Kajwaltik Jesusi. Yuj ja ja'ni wax cho je'a yi'e spetsanil ja jmoj aljeltik jumasa ja ke'na. 18Ay chab' oxe ja we'nlex jel tsats wa k'ujolexi, waxa walawex mi oj b'ob' waj kil'ex. 19Ta yuj ta k'a jach' wa sk'ana ja Dyosi, mi oj ek' k'ak'u oj waj kulatayex, b'a jach' ti oj kil janek' ja tsatsale ja ma' jel tsats wax ya'a sb'aje'i, ti oj kil ta wa sk'u'lane meran ja jas wax yalawe'i. 20Ja ma' tey sok ja Dyosi, ja' wa sje'a ja jas wa sk'ulani, mi kechanuk sok ja jas wax yala. 21¿Jastal waxa k'anawex oj waj kulatayex b'a? ¿Wa'n a maxa k'anawex tsats oj yam'ex ma k'un ita waxa k'ana oj k'umukex?
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021