ᑖᓂᐁᓬ 6
6
1ᑭ ᐃᑌᔨᑕᒼ ᑌᕒᐋᔭᐢ ᑭᑕ ᐅᔭᑭᒫᐟ ᒥᑖᑕᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑭᐦᒋ ᐅᑭᒫᑳᓇ, ᑭᑕ ᐊᔮᔨᐟ ᒥᓯᐁᐧ ᐅ ᑭᐦᒋ ᐅᑭᒫᐃᐧᐃᐧᓂᕽ; 2ᐁᑯᓯ ᓂᐢᑐ ᐁ ᓂᑳᓀᔨᑖᑯᓯᒋᐠ ᑭᑕ ᑎᐯᔨᒫᒋᐠ, ᑖᓂᐁᓬ, ᒫᑲ ᐁᐊᐧᑯ ᐯᔭᐠ; ᐅᑭ ᑭᐦᒋ ᐅᑭᒫᑳᓇᐠ ᐁᐊᐧᑯᓂ ᑭᑕ ᐋᒋᒧᐢᑕᐋᐧᒋᐠ, ᐁᑳ ᒫᑲ ᑭᐦᒋ ᐅᑭᒫᐤ ᑭᑕ ᐊᐧᓂᒋᑫᐟ. 3ᐁᑲᐧ ᐊᐊᐧ ᑖᓂᐁᓬ ᑭ ᐊᔨᐋᐧᑫᔨᑖᑯᓯᐤ ᐃᔨᑯᕽ ᐊᓂᑭ ᑳ ᓂᑳᓀᔨᑖᑯᓯᒋᐠ ᒥᓇ ᑭᐦᒋ ᐅᑭᒫᑳᓇᐠ, ᒋᑫᒫ ᐊᔨᐋᐧᐠ ᒫᒥᑐᓀᔨᒋᑲᐣ ᐁ ᑭᑭᐢᑳᑯᐟ; ᑭᐦᒋ ᐅᑭᒫᐤ ᒫᑲ ᑭ ᐃᑌᔨᑕᒼ ᑭᑕ ᐅᔭᑭᒫᐟ ᑭᑕ ᑎᐯᔨᐦᑕᒥᔨᐟ ᒥᓯᐁᐧ ᐅᐟ ᐊᐢᑭ.
4ᐁᑲᐧ ᐊᓂᑭ ᑳ ᓂᑳᓀᔨᑖᑯᓯᒋᐠ ᒥᓇ ᑭᐦᒋ ᐅᑭᒫᑳᓇᐠ ᑭ ᓇᑐᓇᒪᐧᐠ ᓈᐣᑕᐤ ᑭᑕ ᑭ ᐃᓯ ᒪᒥᓯᒫᒋᐠ ᑖᓂᐁᓬᐊ ᑭᐦᒋ ᐅᑭᒫᐃᐧᐃᐧᐣ ᐅᐦᒋ; ᒫᑲ ᓇᒪᐃᐧᔭ ᑭ ᒥᐢᑲᒪᐧᐠ ᓈᐣᑕᐤ ᑫᑲᐧᐩ ᐊᐦᐳ ᑭᑕ ᐋᓀᐧᔨᒥᐦᐟ; ᒋᑫᒫ ᑭ ᐊᔮᑳᐧᒥᓯᐤ, ᓇᒪᐃᐧᔭ ᒥᓇ ᓈᐣᑕᐤ ᒪᒫᔨᓂᑫᐃᐧᐣ ᐊᐦᐳ ᐊᐧᓂᑐᑕᒧᐃᐧᐣ ᑭ ᒥᐢᑲᒫᐧᐣ. 5ᐁᑲᐧ ᐅᑯ ᓈᐯᐊᐧᐠ ᑭ ᐃᑌᐧᐊᐧᐠ, ᓇᒪᐃᐧᔭ ᑫᑲᐧᐩ ᑭ ᑲ ᒥᐢᑫᓈᓇᐤ ᑭᑕ ᑭ ᐃᓯ ᒪᒥᓯᒫᔭᕽ ᐊᐊᐧ ᑖᓂᐁᓬ, ᑭᐢᐱᐣ ᐁᑳ ᒥᐢᑲᒪᑭ ᐅᔭᓱᐁᐧᐃᐧᓂᔨᐤ ᐅ ᑭᓭᒪᓂᑐᒪ ᐅᐦᒋ. 6ᐁᑲᐧ ᐅᑭ ᑳ ᓂᑳᓀᔨᑖᑯᓯᒋᐠ ᒥᓇ ᑭᐦᒋ ᐅᑭᒫᑳᓇᐠ ᑭ ᒫᐊᐧᒋᐦᐃᑐᐊᐧᐠ ᐁ ᓈᑖᒋᐠ ᑭᐦᒋ ᐅᑭᒫᐊᐧ, ᑭ ᐃᑌᐊᐧᐠ ᒫᑲ, ᑭᐦᒋ ᐅᑭᒫᐤ ᑌᕒᐋᔭᐢ ᑳᑭᑫ ᑭ ᑲ ᐃᐧ ᐱᒫᑎᓯᐣ. 7ᑲᐦᑭᔭᐤ ᑳ ᓂᑳᓀᔨᑖᑯᓯᒋᐠ ᑭᐦᒋ ᐅᑭᒫᐃᐧᐃᐧᓂᕽ, ᐅᑎᐯᔨᐦᑕᒫᑫᐊᐧᐠ, ᒥᓇ ᑭᐦᒋ ᐅᑭᒫᑳᓇᐠ, ᐅᔭᓱᐁᐧᐃᐧᔨᓂᐊᐧᐠ ᒥᓇ ᐅᑭᒫᐊᐧᐠ, ᑭ ᒫᒪᐃᐧ ᐅᔭᓱᐁᐧᐊᐧᐠ ᑭᑕ ᐅᔭᐢᑖᒋᐠ ᑭᐦᒋ ᐅᑭᒫᐃᐧ ᑲᑫᐢᑫᐧᐃᐧᐣ, ᒥᓇ ᑭᑕ ᓱᑲᐢᑖᒋᐠ ᑭᑕᐦᐊᒫᑫᐃᐧᐣ, ᐱᑯ ᐊᐃᐧᔭᐠ ᑫ ᑳᑭᓯᒧᑐᑕᐋᐧᑫᐧ ᓈᐣᑕᐤ ᒪᓂᑐᐊᐧ ᐊᐦᐳ ᐊᔨᓯᔨᓂᐊᐧ, ᑭᔭ ᐱᑯ ᑭᐦᒋ ᐅᑭᒫᐤ, ᑭᑕ ᐃᓯᐁᐧᐱᓂᐦᐟ ᐅ ᐋᐧᑎᔨᕽ ᒥᐢᑕᐦᑫᓯᐊᐧ. 8ᐁᑲᐧ ᒫᑲ ᑭᐦᒋᐅᑭᒪᐤ, ᐋᔮᑕᐢᑖ ᑭᑕᐦᐊᒫᑫᐃᐧᐣ, ᒥᓇ ᑭᐢᑭᓇᐋᐧᒋᐦᑖ ᒪᓯᓇᐦᐃᑫᐃᐧᐣ, ᐁᑳ ᑭᑕ ᐋᑕᐢᑖᕽ, ᐁ ᐃᑕᐢᑌᔨᐠ ᐅᔭᓱᐁᐧᐃᐧᓂᐋᐧᐤ ᒥᑕᐠ ᒥᓇ ᐸᕒᓯᔭᓇᐠ, ᐁᑳ ᑳ ᐋᐦᑕᐢᑌᐠ. 9ᐁᑯᓯ ᒫᑲ ᑭᐦᒋ ᐅᑭᒫᐤ ᑌᕒᐋᔭᐢ ᑭ ᑭᐢᑭᓇᐋᐧᒋᐦᑖᐤ ᒪᓯᓇᐦᐃᑫᐃᐧᐣ ᒥᓇ ᐊᓂᒪ ᑭᑕᐦᐊᒫᑫᐃᐧᐣ.
10ᐃᐢᐱ ᒫᑲ ᑖᓂᐁᓬ ᑫᐢᑫᔨᑕᕽ ᐊᓂᒪ ᒪᓯᓇᐦᐃᑫᐃᐧᐣ ᐁ ᑭ ᑭᐢᑭᓇᐋᐧᒋᑌᔨᐠ, ᑭ ᐃᑐᐦᑌᐤ ᐅ ᐋᐧᐢᑳᐦᐃᑲᓂᕽ; (ᐅ ᐋᐧᓭᓇᒫᐃᐧᓇ ᒫᑲ ᐅ ᐱᐢᑭᒋᑲᒥᑯᕽ ᑭ ᔪᑌᑯᑌᔨᐊᐧ ᒉᕒᐅᓴᓬᐊᒥᕽ ᐃᑌᐦᑫ;) ᑭ ᐅᒋᐦᒋᐦᑲᐧᓇᐱᐤ ᒫᑲ ᓂᐢᑖᐧᐤ ᑕᐦᑐᑭᓯᑳᐤ, ᒥᓇ ᑭ ᐊᔭᒥᐦᐋᐤ, ᒥᓇ ᑭ ᓇᓈᐢᑯᒣᐤ ᐅ ᑭᓭᒪᓂᑐᒪ, ᑖᐱᐢᑯᐨ ᑲᔭᐦᑌ ᑳ ᑭ ᐃᑐᑕᕽ. 11ᐁᑲᐧ ᐅᑭ ᓈᐯᐊᐧᐠ ᑭ ᒫᐊᐧᒋᐦᐃᑐᐊᐧᐠ, ᒥᓇ ᑭ ᒥᐢᑲᐁᐧᐊᐧᐠ ᑖᓂᐁᓬᐊ ᐁ ᒪᐃᐧᒧᐢᒋᑫᔨᐟ ᒥᓇ ᐁ ᑳᑭᓯᒧᑐᑕᐋᐧᔨᐟ ᐅ ᑭᓭᒪᓂᑐᒥᔨᐊᐧ.
12ᐁᑲᐧ ᑭᓯᐋᐧᐠ ᑭ ᐯ ᐃᑐᐦᑌᐊᐧᐠ, ᒥᓇ ᑭ ᑭᑐᑌᐊᐧᐠ ᑭᐦᒋ ᐅᑭᒫᐊᐧ ᐊᓂᒪ ᑭᐦᒋ ᐅᑭᒫᐊᐧ ᐅ ᑭᑕᐦᐊᒫᑫᐃᐧᓂᔨᐤ ᐅᐦᒋ; ᓇᒪ ᒋ ᑭ ᑭ ᑭᐢᑭᓇᐋᐧᒋᐦᑖᐣ ᑭᑕᐦᐊᒫᑫᐃᐧᐣ, ᐱᑳᐧᓇ ᐊᔨᓯᔨᓂᐤ ᑫ ᑳᑭᓯᒧᑐᑕᐋᐧᑫᐧ ᓈᐣᑕᐤ ᒪᓂᑐᐊᐧ ᐊᐦᐳ ᐊᔨᓯᔨᓂᐊᐧ ᓂᐢᑐᒥᑕᓇᐤ ᑭᓯᑳᐊᐧ ᐃᔨᑯᕽ, ᐱᑯ ᑭᔭ ᑭᐦᒋ ᐅᑭᒫᐤ, ᑭᑕ ᐃᓯᐁᐧᐱᓈᐤ ᐅ ᐋᐧᑎᔨᕽ ᒥᐢᑕᐦᑫᓯᐊᐧ? ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᑖᐯᐧ, ᐁ ᐃᑕᐢᑌᐠ ᐅᔭᓱᐁᐧᐃᐧᓂᐋᐧᐤ ᒥᑕᐠ ᒥᓇ ᐸᕒᓯᔭᓇᐠ ᐁᑳ ᑳ ᐋᑕᐢᑌᐠ. 13ᐁᑲᐧ ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᐊᓇ ᑖᓂᐁᓬ ᐅᐟ ᐊᐋᐧᓯᒥᓯᐋᐧᐊᐧ ᑳ ᐊᐊᐧᑳᑎᐦᒋᐠ ᒍᑕ ᑳ ᐅᐦᒋᐟ, ᓇᒪᐃᐧᔭ ᑭ ᓈᑲᑐᑳᑎᐠ, ᑭᔭ ᑭᐦᒋ ᐅᑭᒫᐤ, ᐊᐦᐳ ᐊᓂᒪ ᑭᑕᐦᐊᒫᑫᐃᐧᐣ ᑳ ᑭ ᑭᐢᑭᓇᐋᐧᒋᐦᑖᔭᐣ, ᒫᑲ ᒪᐃᐧᒧᐢᒋᑫᐤ ᓂᐢᑖᐧᐤ ᑕᐦᑐ ᑭᓯᑳᐤ.
14ᐁᑲᐧ ᑭᐦᒋ ᐅᑭᒫᐤ ᐃᐢᐱ ᐱᔦᐦᑕᕽ ᐅᐦᐃ ᐃᑌᐧᐃᐧᓇ, ᒥᐢᑕᐦᐃ ᓇᒪ ᑭ ᓇᐁᔨᑕᒼ, ᐁᑯᓯ ᑭ ᐃᑕᐢᑖᐤ ᐅᑌᐦ ᑭᑕ ᐱᒫᒋᐦᐋᐟ ᑖᓂᐁᓬᐊ; ᑭ ᐊᑐᐢᑫᐤ ᒫᑲ ᐱᔨᐢ ᐁ ᐸᐦᑭᓯᒧᔨᐟ ᐱᓯᒪᐧ ᑭᑕ ᐃᐧᑲᐧᒋᐋᐟ. 15ᐁᑲᐧ ᐅᑭ ᓈᐯᐊᐧᐠ ᑭ ᒫᒪᐃᐧᓈᑌᐊᐧᐠ ᑭᐦᒋ ᐅᑭᒫᐊᐧ, ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᑭᐢᑫᔨᑕ, ᑭᐦᒋ ᐅᑭᒫᐤ, ᐁ ᐃᑕᐢᑌᔨᐠ ᐅᔭᓱᐁᐧᐃᐧᓂᐋᐧᐤ ᒥᑕᐠ ᒥᓇ ᐸᕒᓯᔭᓇᐠ, ᐁᑳ ᓈᐣᑕᐤ ᑭᑕᐦᐊᒫᑫᐃᐧᐣ ᐊᐦᐳ ᑲᑫᐢᑫᐧᐃᐧᐣ ᑭᐦᒋ ᐅᑭᒫᐤ ᑳ ᑭ ᐋᔮᑕᐢᑖᐟ ᑭᑕ ᑭ ᐋᐦᑎᓂᑳᑌᐠ.
16ᐁᑲᐧ ᑭᐦᒋ ᐅᑭᒫᐤ ᑭ ᐃᑕᓱᐁᐧᐤ, ᑭ ᐯᓯᐁᐧᐊᐧᐠ ᒫᑲ ᑖᓂᐁᓬᐊ, ᐁᑯᓯ ᑭ ᐃᓯᐁᐧᐱᓀᐊᐧᐠ ᒥᐢᑕᐦᑫᓯᐊᐧ ᐅ ᐋᐧᑎᔨᕽ. ᐁᑲᐧ ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᒥᓇ ᑭ ᐃᑌᐤ ᑖᓂᐁᓬᐊ, ᑭ ᑭᓭᒪᓂᑐᒼ ᑕᐦᑭ ᑳ ᐊᑐᐢᑲᐊᐧᐟ, ᑭ ᑲ ᐱᒫᒋᐦᐃᐠ. 17ᐊᓯᓂ ᒫᑲ ᑭ ᐯᓯᐋᐧᐤ ᐁᑯᓯ ᑭ ᑭᐱᓯᒫᐤ ᐃᑕ ᑳ ᐅᐦᒋ ᑲᐧᔭᓯᑌᕽ ᐋᐧᑎᕽ; ᑭᐦᒋ ᐅᑭᒫᐤ ᒫᑲ ᑭ ᐊᑯᐢᑭᐊᐧᓴᒼ ᐃᐧᔭ ᐅ ᑭᐢᑭᓇᐋᐧᒋᐦᒋᑲᐣ ᐅᐦᒋ, ᒥᓇ ᐅ ᑭᐢᑭᓇᐋᐧᒋᐦᒋᑲᓂᔨᐤ ᐅᐟ ᐅᑭᒫᒪ; ᐁᑳ ᑫᑲᐧᐩ ᑭᑕ ᑫᐧᐢᑭᓂᑳᑌᐠ ᐊᓂᒪ ᑳ ᑭ ᐃᑕᓱᐋᐧᑎᐦᐟ ᑖᓂᐁᓬ.
18ᐁᑲᐧ ᑭᐦᒋ ᐅᑭᒫᐤ ᑭ ᐃᑐᐦᑌᐤ ᐅ ᑭᐦᒋ ᐅᑭᒫᐃᐧᑲᒥᑯᕽ, ᒥᓇ ᑲᐯᑎᐱᐢᐠ ᑭ ᐃᔨᐊᐧᓂᓯᐃᓱ; ᓇᒪᐃᐧᔭ ᒥᓇ ᑭᑐᐦᒋᑫᐢᑕᒪᐋᐧᐤ; ᒥᓇ ᐅ ᓂᐹᐃᐧᐣ ᑭ ᓇᑲᑎᐠ.
19ᐁᑲᐧ ᑭᐦᒋ ᐅᑭᒫᐤ ᑭ ᐊᐧᓂᐢᑳᐤ ᐃᐧᐸᐨ ᑫᑭᓭᐹ, ᑭ ᓂᓂᑭᓯᐤ ᒫᑲ ᐁ ᐃᑐᐦᑌᐟ ᒥᐢᑕᐦᑫᓯᐊᐧ ᐅ ᐋᐧᑎᔨᕽ. 20ᐃᐢᐱ ᒫᑲ ᐁᐧᑎᑕᕽ ᐋᐧᑎ, ᑭ ᑌᐹᐧᑌᐤ ᑖᓂᐁᓬᐊ ᐁ ᑳᒫᐧᓯᑖᑯᓯᐟ; ᑭᐦᒋ ᐅᑭᒫᐤ ᑭ ᐱᑭᐢᑫᐧᐤ ᑭ ᐃᑌᐤ ᑖᓂᐁᓬᐊ, ᑖᓂᐁᓬ, ᐅᐟ ᐊᑐᐢᑫᔮᑲᓇ ᑳ ᐱᒫᑎᓯᐟ ᑭᓭᒪᓂᑐ, ᐊᓇ ᑭ ᒪᓂᑐᒼ, ᑕᐦᑭ ᑳ ᐊᑐᐢᑲᐊᐧᐟ ᑲᐢᑭᑖᐤ ᒋ ᑭᑕ ᐱᒫᒋᐦᐃᐢᐠ ᐁᑳ ᑭᑕ ᓂᓯᐊᐧᓈᒋᐃᐢᑭᐠ ᒥᐢᑕᐦᑫᓯᐊᐧᐠ?
21ᐁᑲᐧ ᑖᓂᐁᓬ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᐦᒋ ᐅᑭᒫᐤ, ᑳᑭᑫ ᑭ ᑲ ᐃᐧ ᐱᒫᑎᓯᐣ. 22ᓂ ᑭᓭᒪᓂᑐᒼ ᑭ ᐃᓯᑎᓴᐁᐧᐤ ᐅᑭᓯᑯᐊᐧ ᒥᓇ ᑭ ᑭᐸᐊᒣᐧᐤ ᒥᐢᑕᐦᑫᓯᐊᐧ ᐅᑐᓂᔨᐊᐧ, ᓇᒪᐃᐧᔭ ᒫᑲ ᓈᐣᑕᐤ ᓂᐟ ᐃᐦᑐᑖᑲᐧᐠ ᒋᑫᒫ ᐁ ᐃᓯ ᑲᓇᐋᐧᐸᒥᐟ ᒥᔮᐧᑎᓯᐃᐧᐣ ᒥᐢᑲᒼ; ᐁᑯᓯ ᒥᓇ ᑭᔭ ᐁ ᐃᓯ ᐋᐧᐸᒥᔭᐣ ᑭᐦᒋ ᐅᑭᒫᐤ ᓇᒧᐃᐧᔭ ᑫᑲᐧᐩ ᓄᐦ ᐊᐧᓂᑐᑌᐣ. 23ᐁᑲᐧ ᑭᐦᒋᐅᑭᒪᐤ ᒥᐢᑕᐦᐃ ᑭ ᒥᔦᐧᔨᑕᒼ, ᒥᓇ ᑭ ᐃᑕᓱᐁᐧᐤ ᑭᑕ ᐅᑎᓂᒥᐦᐟ ᑖᓂᐁᓬᐊ ᐋᐧᑎᕽ ᐅᐦᒋ. ᐁᑯᓯ ᑖᓂᐁᓬ ᑭ ᐅᑎᓈᐤ ᐋᐧᑎᕽ ᐅᐦᒋ, ᓇᒪᐃᐧᔭ ᒫᑲ ᒥᐢᑲᒫᐧᐣ ᓈᐣᑕᐤ ᑭᑕ ᐅᐦᒋ ᐃᐦᑐᑖᐦᐟ, ᐊᔨᐢ ᐁ ᒪᒥᓯᑐᑕᐋᐧᐟ ᐅ ᑭᓭᒪᓂᑐᒪ.
24ᑭᐦᒋ ᐅᑭᒫᐤ ᒫᑲ ᑭ ᐃᑕᓱᐁᐧᐤ, ᐁᑯᓯ ᑭ ᐯᓯᐁᐧᐊᐧᐠ ᐊᓂᐦᐃ ᓈᐯᐊᐧ ᑳ ᑭ ᒪᒥᓯᒫᔨᐟ ᑖᓂᐁᓬᐊ, ᑭ ᐃᓯᐁᐧᐱᓀᐊᐧᐠ ᒫᑲ ᒥᐢᑕᐦᑫᓯᐊᐧ ᐅ ᐋᐧᑎᔨᕽ, ᐃᐧᔭᐋᐧᐤ, ᐅᐟ ᐊᐋᐧᓯᒥᓯᐋᐧᐊᐧ ᒥᓇ ᐃᐧᐃᐧᐋᐧᐊᐧ; ᐁᑯᓯ ᒥᐢᑕᐦᑫᓯᐊᐧ ᑭ ᓵᑯᒋᐦᐃᑲᐧᐠ, ᒥᓇ ᑭ ᐱᓯᑲᓀᐱᑎᑲᐧᐠ, ᐊᐦᐳ ᒪᐧᔦᐢ ᒥᓴᐢᑫᐸᔨᒋᐠ ᐋᐧᑎᕽ.
25ᐁᑲᐧ ᑭᐦᒋ ᐅᑭᒫᐤ ᑌᕒᐋᔭᐢ ᑭ ᒪᓯᓇᐦᐊᒪᐁᐧᐤ ᑲᐦᑭᔭᐤ ᐊᔨᓯᔨᓂᐊᐧ, ᓇᓈᑐᑯᐢᑳᐣ, ᒥᓇ ᓇᓈᑐᕽ ᑳ ᐃᓯ ᐱᑭᐢᑫᐧᔨᐟ, ᒥᓯᐁᐧᐢᑲᒥᐠ ᑳ ᐊᔮᔨᐟ; ᐯᔭᐦᑕᑫᔨᒧᐃᐧᐣ ᑭ ᑲ ᐃᐧ ᔭᑭᑖᐧᑲᐃᐧᓈᐋᐧᐤ. 26ᓄᓯᑖᐣ ᐅᔭᓱᐁᐧᐃᐧᐣ, ᒥᓯᐁᐧᐃᑕ ᑳ ᑎᐯᔨᐦᑕᒫᐣ ᓂ ᑭᐦᒋ ᐅᑭᒫᐃᐧᐃᐧᐣ ᐊᔨᓯᔨᓂᐊᐧᐠ ᑭᑕ ᓇᓇᒥᑯᐢᑖᒋᐠ ᒥᓇ ᑭᑕ ᑯᓯᑫᐧᔨᒫᒋᐠ ᐅ ᑭᓭᒪᓂᑐᒥᔨᐊᐧ ᑖᓂᐁᓬᐊ; ᒋᑫᒫ ᐁᐊᐧᑯ ᑳ ᐱᒫᑎᓯᐟ ᑭᓭᒪᓂᑐ, ᒥᓇ ᑳᑭᑫ ᐊᔮᐤ, ᒥᓇ ᐅ ᑭᐦᒋ ᐅᑭᒫᐃᐧᐃᐧᐣ ᐊᓂᒪ ᐁᑳ ᐃᐧᑳᐨ ᑫ ᓂᓯᐊᐧᓈᑕᕽ, ᒥᓇ ᐅ ᑎᐯᔨᐦᒋᑫᐃᐧᐣ ᐃᐢᑳᐧᔮᐨ ᑫ ᐊᔮᐠ; 27ᐃᐧᔭ ᐱᒫᒋᐦᐃᐁᐧᐤ ᒥᓇ ᐃᐧᔭ ᐃᐧᑲᐧᒋᐦᐃᐁᐧᐤ, ᒥᓇ ᐃᐧᔭ ᑭᐢᑭᓇᐋᐧᒋᐃᓯᒋᑫᐤ ᒥᓇ ᒪᒫᑖᐃᐧᐃᓯᒋᑫᐤ ᑭᓯᑯᕽ ᒥᓇ ᐊᐢᑭᕽ; ᑳ ᑭ ᐱᒫᒋᐦᐋᐟ ᑖᓂᐁᓬᐊ ᐁᑳ ᑭᑕ ᓵᑯᒋᐦᐃᑯᔨᐟ ᒥᐢᑕᐦᑫᓯᐊᐧ.
28ᐁᑯᓯ ᐊᐊᐧ ᑖᓂᐁᓬ ᑭ ᓇᓇᐦᐃᐸᔨᐤ ᒣᑳᐧᐨ ᐁ ᑭᐦᒋ ᐅᑭᒫᐃᐧᐟ ᑌᕒᐋᔭᐢ, ᒥᓇ ᒣᑳᐧᐨ ᐁ ᑭᐦᒋ ᐅᑭᒫᐃᐧᐟ ᓴᐃᕒᐊᐢ ᐊᓇ ᐸᕒᓯᔭᐣ.
Iliyochaguliwa sasa
ᑖᓂᐁᓬ 6: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.