ROMMI 13
13
Yepeka lau Shikepu
1Timi kumtsuno yepeka yehkipe qholo aghokulu shipelo. Kughengu Alhou launo kumoaye khuno yepeka mu ngosu mlae, eno itodolo aghikeu yehkipe huye Alhou no qhipe puanike. 2Tighenguno khuuno yepeka mujonikeno Alhou no qhitsukeu mujo ani. Khunono tishinikeno pano shou kughatha bekeu ikughi nani. 3Kughengu akivi kumlamiye ayehkipemi msakepu kuhae, ikemu alhoksa kumlamiye msakepu ani. Noye yepeka lo akemi msamoni shi anima? Tishiaye akiviye kiukeno ti shilo, pano osheqhe nani. 4Kughengu okivipu shitsupe nike ghenguno paye Alhou qeuke. Ikemu nono vimo aye, pa msakepu ani, paye adou loye azutakihi pesu ngomo nani. Paye Alhou qeu eno alhoksa kumlami shou Alhou loghu peithanikeue. 5Tighenguno nonguye yepeka gholu masa, tiye Alhou loghu ighinosa kehu kumo puzu alikhi akutoshino ithimasake. 6Hi ghenguno nongu ghi ayehkipe zahme tsucheni, hikithipu jukutsukiyikeu shike lono yepeka yehkipemiye Alhou ghenguno mla ani. 7Ike panoqo lau apih puaghikeu tsulo; nonguno timi lhoxu ngo tinhemgha shou ayehkipe zahme tsulo eno qhoqhu kuzupu lau qhoqhukeu tsulo eno gihu kuzupu lau gihukeu tsulo. #Mt 22.21; Mk 12.17; Lk 20.25
Lakhino Lakhi lau Shikepu
8Lakhino lakhi kimiyenikeu piagha nguno alauye khuu laumu apih pukevilo. Khuno pa kusami kimiyeni keno Ayezah shikupuluvae. 9Ahza tsupuakeu huye, “Noye kutuqha salha kevilo; noye ghiqhi kevilo; noye puka kevilo; noye alamine kevilo” hipaqo kumtsu eno tinguno alau kutau ahza tsupuakeqoye hipatsajolo sukuqha puani: “Noye okisughumi olikhi otoi kimiyelo.” #Ipe 20.13-15,17; Zaki 5.17-19,21; Achine 19.18 10Khunono pa kisughumi kimiye ani keno khilemu pa kisughumi lau alhoksa mla chemoe. Tighenguno kimiyekeuye Ayezah shikupulu ani.
11Nonguno hi shilo, kughengu itodolo kiu tuqhudo shiani keno nonguno ithi ani: Nonguye zuakeu lono idaithughi kepu do ighivae. Kughengu ningu xakulupu tuqhudoye ninguno atughulo pululukeu nguno kupunukhoi kithevae. 12Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo. 13Atsala kuvulo akemi toi ningu ghusho-ghililo kithikiyi shini nolo. Ningu itho-igho moni, shokumzu shimoni, shupu moni, akupusho- akupugha shimoni, kichighimoni momu anheshu moni. 14Ikemu Ampeu Jisu Khristo pesu nongu ghunanu shi pepulo eno ashi- ahji lhoaye huno aghapiqilu nishi kutu keulo amlo tsukevelo.
Iliyochaguliwa sasa
ROMMI 13: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
ROMMI 13
13
Yepeka lau Shikepu
1Timi kumtsuno yepeka yehkipe qholo aghokulu shipelo. Kughengu Alhou launo kumoaye khuno yepeka mu ngosu mlae, eno itodolo aghikeu yehkipe huye Alhou no qhipe puanike. 2Tighenguno khuuno yepeka mujonikeno Alhou no qhitsukeu mujo ani. Khunono tishinikeno pano shou kughatha bekeu ikughi nani. 3Kughengu akivi kumlamiye ayehkipemi msakepu kuhae, ikemu alhoksa kumlamiye msakepu ani. Noye yepeka lo akemi msamoni shi anima? Tishiaye akiviye kiukeno ti shilo, pano osheqhe nani. 4Kughengu okivipu shitsupe nike ghenguno paye Alhou qeuke. Ikemu nono vimo aye, pa msakepu ani, paye adou loye azutakihi pesu ngomo nani. Paye Alhou qeu eno alhoksa kumlami shou Alhou loghu peithanikeue. 5Tighenguno nonguye yepeka gholu masa, tiye Alhou loghu ighinosa kehu kumo puzu alikhi akutoshino ithimasake. 6Hi ghenguno nongu ghi ayehkipe zahme tsucheni, hikithipu jukutsukiyikeu shike lono yepeka yehkipemiye Alhou ghenguno mla ani. 7Ike panoqo lau apih puaghikeu tsulo; nonguno timi lhoxu ngo tinhemgha shou ayehkipe zahme tsulo eno qhoqhu kuzupu lau qhoqhukeu tsulo eno gihu kuzupu lau gihukeu tsulo. #Mt 22.21; Mk 12.17; Lk 20.25
Lakhino Lakhi lau Shikepu
8Lakhino lakhi kimiyenikeu piagha nguno alauye khuu laumu apih pukevilo. Khuno pa kusami kimiyeni keno Ayezah shikupuluvae. 9Ahza tsupuakeu huye, “Noye kutuqha salha kevilo; noye ghiqhi kevilo; noye puka kevilo; noye alamine kevilo” hipaqo kumtsu eno tinguno alau kutau ahza tsupuakeqoye hipatsajolo sukuqha puani: “Noye okisughumi olikhi otoi kimiyelo.” #Ipe 20.13-15,17; Zaki 5.17-19,21; Achine 19.18 10Khunono pa kisughumi kimiye ani keno khilemu pa kisughumi lau alhoksa mla chemoe. Tighenguno kimiyekeuye Ayezah shikupulu ani.
11Nonguno hi shilo, kughengu itodolo kiu tuqhudo shiani keno nonguno ithi ani: Nonguye zuakeu lono idaithughi kepu do ighivae. Kughengu ningu xakulupu tuqhudoye ninguno atughulo pululukeu nguno kupunukhoi kithevae. 12Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo. 13Atsala kuvulo akemi toi ningu ghusho-ghililo kithikiyi shini nolo. Ningu itho-igho moni, shokumzu shimoni, shupu moni, akupusho- akupugha shimoni, kichighimoni momu anheshu moni. 14Ikemu Ampeu Jisu Khristo pesu nongu ghunanu shi pepulo eno ashi- ahji lhoaye huno aghapiqilu nishi kutu keulo amlo tsukevelo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.