MATHI 14
14
Johan Baptist Kithi
(Mk 6.14-29; Lk 9.7-9)
1Tipa ghulokilo Galil lo ayehkipeu Herod no Jisu jekipi chilu. 2Pano pa qholo achekeqo vilo ishi pi, “Hiye Johan Baptist ke, paye akithi lono xuileghiluve keuke, ike tipau kukano pa lolo hitoi shilu ani peke.” 3Kughengu Herod no Johan kughaluve eno pa tshusawo akughukilo sue. Pano ti shikeuye pa thikuzuu Filip nipu Herodia ghengunoke. #Lk 3.19-20 4Johan no Herod vilo ishi piche, “Noye li sasu kughunakeu achipi kumoe!” #Achine 18.16; 20.21 5Herod ye Johan pithive nishi ache ikemu paye Judami msa ache, kughengu panonguno Johan ye Alhou wu tungkupu lakhike pi kihiche.
6Ikemu Herod punu tsala ighikelo, Herodia nga ayiliuno timi ku-su keqo zulo ilhetsu. Herod ye amlo kiqi shiveke launo 7li vilo pano ishi piqhi: “Nono kiu kiu khunamu otsuniepi ino tushoqhi ani!” 8Li pazano mijetsukeu kiqi lono lino pa vilo ishi khu, “Hipa-a lono Johan Baptist kutsu akhulo su puzu itsulo.” 9Tile Herod akukau ye pa mlo saqhiyive, ikemu pano timi ku supuakeqo zulono ashoqhi shivekeu ghenguno li tsuvepe nikeu shi ahza tsuve. 10Ikehu pano akughukilo timi hapuwu puzu Johan kutsu luvepe. 11Pa kutsuye akhu lakhilo supuzu peighi eno ayiliu hu tsuve, eno lino tipau li pa za lau pesu wuve. 12Johan phimipiye pa khopemiqono ighino pewo qhovetsu; tishieno panonguno wupuzu Jisu vilo kishekulu pi.
Timi 5000 Kughulhu
(Mk 6.30-44; Lk 9.10-17; Jn 6.1-14)
13Kughou Jisu no hipau chilu keno, paye tipa-a qhive puzu ashuka lakhi lono pa likhi yenguyeleyi keualo wuve. Ikemu timiqono ti chilu puzu panophu qhiveno apukhu lono chesusu pa pape wuve. 14Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.
15Tipani avelau pa khopemino ighi puzu pa vilo ishipi, “Hiye timi kughunamokeu-a lakhi eno tsuzuvae, ike timiqo puwovelo tishianguno panongu pelo aphulo achuqupu qhuchuwu pelo.” 16Jisu no panoqo vilo ishi pi, “Panongu puwove kepukumoe, panongu pelo chupe kepushi nonguno kiuala pesu panongu tsulo,” 17Panonguno ishi pa khochile, “Hila ninguye ashopa pungu eno akha kini likhi anie.” 18Jisu no ishi pi, “Tipaqo ilau sughilo.” 19Tileno timiqo vilo atsuni shou iqalopi pano azah atsu. Ashopa pungu eno akha kini pano ikhipesu atsutsulo jupuku eno Alhou shikimthi. Tithiu pano asho supho puzu tipaqo pesu pano pa khopemiqo tsu eno akhopemino tipaqo pesu timiqo kijetsu. 20Panongu kumtsuno chu puzu chukha kumo shive. Tilehi akhopemino chukhakumo ashoghi chighi kini chhitoi kichekumqolu. 21Tilehi chu kemi kihijukelo, totimi ngo ititunu kihimo puzu timi 5000 kutolo ae.
Jisu no Azu shou Alachekeu
(Mk 6.45-52; Jn 6.15-21)
22Pa zuuno cheghipeniye Jisu no pa khopemiqo ashuka lono puwuve, eno paye timiqo kughuxa puwu auve. 23Timiqo kughuxa puwove puzu paye akighini shiniye pa likhi naghutolo iqho. Avela shivekethiu Jisu ye pa likhi tile ae. 24Tipa dolo ashukaye azughi kutholo ae eno azufukukuchono tipau tukuchoqhi-ae, kughengu amlhu no tikudau fudaqhi puwo ae. 25Tsukutho lau ayi kuthu ngo tsugho kihe dolo Jisu no azu shouno alachesu panoqo lau ighi. 26Ikemu akhopemiqoye pano azu shou alache chekeu ithulu kelo, panonguye shishe kichimamave puzu ishipi, “Hiye aghahwu lakhie!” Panonguye akumsa launo ighaukhave. 27Ikelo tipa mtsa Jisu no panoqo putsa no ishipi, “Nongu mlo itha kevilo| Nike, msa kevilo!” 28Tile Pitor no ishi piyithughi, “Ampeu, tiye noke aye ipelo azu shouno olau ighi kepushi pitsulo.” 29Jisu no “Ighilo” ipi. Ikehu Pitor no ashuka lono ipe puzu azu shouno alachesu Jisu lau wuche, 30ikemu mulhu akeu ithulu kelauye paye msave eno azulo thum-muyi ilocheghive puzu ighamuku pi, “Ampeu, isunhe phelulo.” 31Jisu no pai pa u chhopuwo puzu pa tsuquluve eno pa vilo ishi pi, “”Okupulu mikhelo kena! Kushiepi omlo lipive kya?” 32Pamano ashukalo ilove kelo amlhu mulhutave. 33Ashukalo akeqono Jisu sheqheghi ishipi, “Kuchouno noye Alhou Nue!”
Genesaret lo Kusukinimi Shipivi
(Mk 6.53-56)
34Panonguno azughi katha susu Genesaret wotolu, 35ike tipa alo kuamiqono Jisu ye khuu keno michiluve. Ikehu panonguno tipa che-axu kumtsulo timi puwu puzu kusukinimi Jisu lau saghipe. 36Panonguno kusukinimi pelo pa phishe likhimu bulupelopi pa qhuiniju; eno pa phishe bulukemi kumtsu viluve.
Iliyochaguliwa sasa
MATHI 14: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
MATHI 14
14
Johan Baptist Kithi
(Mk 6.14-29; Lk 9.7-9)
1Tipa ghulokilo Galil lo ayehkipeu Herod no Jisu jekipi chilu. 2Pano pa qholo achekeqo vilo ishi pi, “Hiye Johan Baptist ke, paye akithi lono xuileghiluve keuke, ike tipau kukano pa lolo hitoi shilu ani peke.” 3Kughengu Herod no Johan kughaluve eno pa tshusawo akughukilo sue. Pano ti shikeuye pa thikuzuu Filip nipu Herodia ghengunoke. #Lk 3.19-20 4Johan no Herod vilo ishi piche, “Noye li sasu kughunakeu achipi kumoe!” #Achine 18.16; 20.21 5Herod ye Johan pithive nishi ache ikemu paye Judami msa ache, kughengu panonguno Johan ye Alhou wu tungkupu lakhike pi kihiche.
6Ikemu Herod punu tsala ighikelo, Herodia nga ayiliuno timi ku-su keqo zulo ilhetsu. Herod ye amlo kiqi shiveke launo 7li vilo pano ishi piqhi: “Nono kiu kiu khunamu otsuniepi ino tushoqhi ani!” 8Li pazano mijetsukeu kiqi lono lino pa vilo ishi khu, “Hipa-a lono Johan Baptist kutsu akhulo su puzu itsulo.” 9Tile Herod akukau ye pa mlo saqhiyive, ikemu pano timi ku supuakeqo zulono ashoqhi shivekeu ghenguno li tsuvepe nikeu shi ahza tsuve. 10Ikehu pano akughukilo timi hapuwu puzu Johan kutsu luvepe. 11Pa kutsuye akhu lakhilo supuzu peighi eno ayiliu hu tsuve, eno lino tipau li pa za lau pesu wuve. 12Johan phimipiye pa khopemiqono ighino pewo qhovetsu; tishieno panonguno wupuzu Jisu vilo kishekulu pi.
Timi 5000 Kughulhu
(Mk 6.30-44; Lk 9.10-17; Jn 6.1-14)
13Kughou Jisu no hipau chilu keno, paye tipa-a qhive puzu ashuka lakhi lono pa likhi yenguyeleyi keualo wuve. Ikemu timiqono ti chilu puzu panophu qhiveno apukhu lono chesusu pa pape wuve. 14Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.
15Tipani avelau pa khopemino ighi puzu pa vilo ishipi, “Hiye timi kughunamokeu-a lakhi eno tsuzuvae, ike timiqo puwovelo tishianguno panongu pelo aphulo achuqupu qhuchuwu pelo.” 16Jisu no panoqo vilo ishi pi, “Panongu puwove kepukumoe, panongu pelo chupe kepushi nonguno kiuala pesu panongu tsulo,” 17Panonguno ishi pa khochile, “Hila ninguye ashopa pungu eno akha kini likhi anie.” 18Jisu no ishi pi, “Tipaqo ilau sughilo.” 19Tileno timiqo vilo atsuni shou iqalopi pano azah atsu. Ashopa pungu eno akha kini pano ikhipesu atsutsulo jupuku eno Alhou shikimthi. Tithiu pano asho supho puzu tipaqo pesu pano pa khopemiqo tsu eno akhopemino tipaqo pesu timiqo kijetsu. 20Panongu kumtsuno chu puzu chukha kumo shive. Tilehi akhopemino chukhakumo ashoghi chighi kini chhitoi kichekumqolu. 21Tilehi chu kemi kihijukelo, totimi ngo ititunu kihimo puzu timi 5000 kutolo ae.
Jisu no Azu shou Alachekeu
(Mk 6.45-52; Jn 6.15-21)
22Pa zuuno cheghipeniye Jisu no pa khopemiqo ashuka lono puwuve, eno paye timiqo kughuxa puwu auve. 23Timiqo kughuxa puwove puzu paye akighini shiniye pa likhi naghutolo iqho. Avela shivekethiu Jisu ye pa likhi tile ae. 24Tipa dolo ashukaye azughi kutholo ae eno azufukukuchono tipau tukuchoqhi-ae, kughengu amlhu no tikudau fudaqhi puwo ae. 25Tsukutho lau ayi kuthu ngo tsugho kihe dolo Jisu no azu shouno alachesu panoqo lau ighi. 26Ikemu akhopemiqoye pano azu shou alache chekeu ithulu kelo, panonguye shishe kichimamave puzu ishipi, “Hiye aghahwu lakhie!” Panonguye akumsa launo ighaukhave. 27Ikelo tipa mtsa Jisu no panoqo putsa no ishipi, “Nongu mlo itha kevilo| Nike, msa kevilo!” 28Tile Pitor no ishi piyithughi, “Ampeu, tiye noke aye ipelo azu shouno olau ighi kepushi pitsulo.” 29Jisu no “Ighilo” ipi. Ikehu Pitor no ashuka lono ipe puzu azu shouno alachesu Jisu lau wuche, 30ikemu mulhu akeu ithulu kelauye paye msave eno azulo thum-muyi ilocheghive puzu ighamuku pi, “Ampeu, isunhe phelulo.” 31Jisu no pai pa u chhopuwo puzu pa tsuquluve eno pa vilo ishi pi, “”Okupulu mikhelo kena! Kushiepi omlo lipive kya?” 32Pamano ashukalo ilove kelo amlhu mulhutave. 33Ashukalo akeqono Jisu sheqheghi ishipi, “Kuchouno noye Alhou Nue!”
Genesaret lo Kusukinimi Shipivi
(Mk 6.53-56)
34Panonguno azughi katha susu Genesaret wotolu, 35ike tipa alo kuamiqono Jisu ye khuu keno michiluve. Ikehu panonguno tipa che-axu kumtsulo timi puwu puzu kusukinimi Jisu lau saghipe. 36Panonguno kusukinimi pelo pa phishe likhimu bulupelopi pa qhuiniju; eno pa phishe bulukemi kumtsu viluve.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.