GALATIAMI Kilethi Tsa
Kilethi Tsa
Jisu ghili pesu Judakumomi lau asheshu keulo Khristomi kuchou shinike ghenguno timiye Muse Yezah pape kepukeo mokeno iniju ipeghive. Paul no khochile, “Tiye avehupu kuhae, Khristo akuxu akeuye akupulu shou bepe ani eno tishi keu lono timi kumtsu Alhou lau achipi shilu cheni” ipi. Ikemu Rom ghakhulo Asia bocholo Galatia kukuhou timi khamino Paul tsa hachile pikeuno Alhou lau achipi shinike ghenguno Muse Yezah ghi pelu masakeu pike.
Galatiami lau Paul yesu ye kichile kukutsu hi kunguu pikeuno sabideve kemiqo kuchou kupulu pimhe chekeulo saideghiniye yeke. Paul ye Jisu Khristo wu apostolmi kepi kukuzupu shi akeu shokha. Pano tsuikhomo pikeuno pa pelo apostol shipenike kulu keuye Alhou launo kethono timi kuka lono kumoe eno pa puwukeu kumlaye akhotono Judakumomi lauke. Kutsalalu keulo pano akupulu likhi lono timiye Alhou lau achipi shilu cheni kepi. Akiyedo kishekha lo khristomi ghushoghili ye Khristo lono akupulu akeu lono qoipeghi cheni ipi.
Supuakeu Xuagha
Kilethisukeu 1.1-10
Paul no Apostolmi shilu keu kuka 1.11—2.21
Alhou wu kupukini tsakiviu 3.1—4.31
Khristomi khaqhi kiphe bemakho 5.1—6.10
Kishekha 6.11-18
Iliyochaguliwa sasa
GALATIAMI Kilethi Tsa: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.