Zabbu̱li̱ 118
118
1Mu̱si̱i̱me Mukama, kubba abba murungi,
kubba ngonzi zaamwe zinene za biro na biro!
2Leka Bei̱saleeri̱ bakunge nibakoba,
“Ngonzi zaamwe zinene za biro na biro”
3Leka ba nnyu̱mba gyʼAlooni̱ bakunge nibakoba,
“Ngonzi zaamwe zinene za biro na biro”
4Leka bab̯wo bati̱i̱na Mukama bakunge nibakoba,
“Ngonzi zaamwe zinene za biro na biro.”
5B̯unyaali nindi mu b̯ujune, nyaaku̱ngi̱ri̱ Mukama,
yanzi̱ramwo, yampa b̯u̱si̱nge.
6 #
Bahebburaniya 13:6
Mukama abba wange, ti̱ndi̱ti̱i̱na,
muntu b̯untu alinkora kyani?
7 Mukama ali harubaju lwange nka mu̱ju̱ni̱ wange,
nkwi̱za ku̱si̱ngu̱ra banyanzigwa bange bensei̱.
8Kirungi kwi̱ru̱ki̱ra hali Mukama,
kukira kwesiga muntu.
9Kirungi kwi̱ru̱ki̱ra hali Mukama,
kukira kwesiga balemi̱.
10Mahanga gensei̱ b̯u̱gangoti̱ri̱,
mwibara lya Mukama nyagacwacweni̱!
11Gangotangoti̱ri̱ mbaju zensei̱,
mwibara lya Mukama nyagacwacweni̱!
12Gangoti̱ri̱ nka b̯uhooki,
gaasyeraho b̯wangu nka mworo gweisubi lya kyanda,
mwibara lya Mukama nyagacwacweni̱!
13Gansi̱ndi̱ki̱ri̱, heehi̱ kunguma b̯u̱gu̱mi̱,
bei̱tu̱ Mukama yanju̱ni̱ri̱.
14 #
Kidemu 15:2; I̱saaya 12:2 Mukama yooyo maani gange, kandi kyembu kyange,
kandi yooyo kujunwa kwange.
15Mu heema za barungi habbamwo
byembu bya kusemererwa na bya ku̱si̱ngu̱ra bikukoba yati,
“Mukono gwa Mukama gwab̯udyo gu̱koori̱ byamaani,
16mukono gwa Mukama gwab̯udyo guhaariizwe,
mukono gwa Mukama gwab̯udyo gu̱koori̱ byamaani!”
17Ti̱ndi̱kwa, bei̱tu̱ ndyomeera,
aleke ndangiire bya Mukama akoori̱.
18 Mukama anfu̱bi̱i̱ri̱ namaani,
bei̱tu̱ tandeki̱ri̱ nkwe.
19Munkingulire malembu ga barungi,
nzingire nsi̱i̱me Mukama.
20Lili irembu lya Mukama,
barungi boobo balirabamwo.
21Nku̱ku̱si̱i̱ma hab̯wakubba weegwi̱ri̱ kusaba kwange,
wanjuna.
22 #
Lu̱u̱ka 20:17; Bikorwa 4:11; 1 Peeteru 2:7 #
Matayo 21:42; Mari̱ko 12:10-11 I̱hi̱ga lya babi̱mbi̱ li̱baaswi̱ri̱,
lyolyo li̱fooki̱ri̱ lya mugasu lya ha nsonda.
23Kiki kyokyo kya Mukama ki̱yaakoori̱,
kandi kili kintu kyamahanu mu mei̱so geetu̱.
24Kiro kiki kyokyo Mukama ateeri̱ho,
leka tusemererwe kandi tujaguze.
25 #
Matayo 21:9; Mari̱ko 11:9; Yohaana 12:13 Ai̱ Mukama, tukukusaba tu̱ju̱ne!
Ai̱ Mukama, tukukusaba, tu̱he ku̱si̱ngu̱ra!
26 #
Matayo 21:9; 23:39; Mari̱ko 11:9; Lu̱u̱ka 13:35; 19:38; Yohaana 12:13 Ali na mu̱gi̱sa yogwo akwi̱za mwibara lya Mukama,
tu̱basabi̱i̱ri̱ mu̱gi̱sa kuruga mu nnyu̱mba gya Mukama,
27 Mukama ali Ruhanga,
kandi atu̱heeri̱ kyererezi̱ kyamwe ki̱tu̱mu̱lu̱ki̱i̱ri̱.
Mu̱kwate bihongwa mukumbe mugyende heihembe lya kyoto!
28Oli Ruhanga wange, nkwi̱za ku̱ku̱si̱i̱manga,
oli Ruhanga wange, ndikuhariiza.
29Mu̱si̱i̱me Mukama, kubba abba murungi,
kubba ngonzi zaamwe zinene za biro na biro!
Iliyochaguliwa sasa
Zabbu̱li̱ 118: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.