EXODUS 23
23
Hleih neih loh tûr
1“Dâwt thuthang mai mai pu darh suh la; mi sual chhan tûrin thu dik lo sawi suh.#Exod. 20:16; Lev. 19:11,12; Deut. 5:20. 2Thil sual ti tûr chuan, a tam lam pawh ni se, zui suh la; dâwta mi dang thiam loh an chantîrnaah pawh tel hek suh la, 3rorêlna hmunah mi rethei ṭan bîk suh. #Lev. 19:15.
4“I hmêlma bâwngpa emaw, sabengtung emaw tlân bo i hmuh chuan i kaih hâwnsak ngei tûr a ni. #Deut. 22:1-4. 5I mi huatzâwng tak pawh ni se a sabengtung chu a phurin lo delh sela, i kaihthawhsak tûr a ni, i kal pêl mai tûr a ni lo.
6“Mi rethei pawh, a thu chu dik takin i ngaihtuahsak tûr a ni.#Lev. 19:15; Deut. 16:19. 7Dâwtin mi hek suh la, thiam lohna nei lo chu tihlum suh; chutiang ti apiang chu thiam loh ka chantîr ang. 8Thamna la suh, thamna chuan thil dik lakah mit a tidel ṭhîn a, mi dikte thu pawh a tichingpen ṭhîn, 9Ram dang mi i tiduhdah tûr a ni lo; nang pawh Aigupta ramah khân ram dang mi i ni tawh a, a hrehawmzia i hriat kha. #Exod. 22:21; Lev. 19:33,34; Deut. 24:17-19; 27:19.
Kum sarih kum leh ni sarih ni
10“I lo chu kum ruk Chhûng nei la, a thar apiang seng ang che.#Lev. 25:1-7. 11A kum sarih kum erawh chuan i chawlhtîr tûr a ni. Chumi kum chhûnga seng tûr awm chu i hauh tûr a ni lo. Mi retheiten an chang ve tûr a ni; mi retheiho lâk bâng chu ramsain an tlân tûr a ni. Chutiang bawkin i grep leh oliv hmun chu i ti tûr a ni.
12“Ni ruk chhûng hna thawk la, a ni sarih ni erawh chuan i châwl tûr a ni; i bâwng te, i sabengtungte pawh an châwl tûr a ni. I bawihnute leh hnam dang hlawha i chhawrte pawh an châwl hahdam tûr a ni. #Exod. 20:9-11; 31:15; 34:21; 35:2; Lev. 23:3; Deut. 5:13-14.
13“In hnêna ka sawi apiang pawisa rawh u, Pathian dang hming rêng rêng lam suh u, a sawi pawh sawi ri suh u.
Kum khata ṭum thum kût
(Exod. 34:16-26; Deut. 16:1-17)
14“Min chawimawi nân kum khatah vawi thum kût hmang rawh u. 15Abib thla, ka hun ruatah, chhang dawidim telh loh kût hmang ula, ni sarih chhûng dawidim telh loh chhang ei ang che u. Hemi hun hian Aigupta ram ata in lo chhuak a; chuvângin, ka hmaah tu mah kut ruakin in lo kal tûr a ni lo.#Exod. 12:14-20; Lev. 23:6-8; Num. 28:17-25. 16Thlai thar hmasa thlai thar kût#23:16 Pentikos kût. hmang ula, kum tâwpah in thil chîn zawng zawng in seng zawh hunah Pâwl Kût#23:16 Bâwkte kût. hmang bawk ang che u. #Lev. 23:15-21,39-43; Num. 28:26-31. 17In zînga mipa zawng zawng kum khatah vawi thum Lalpa Pathian hmaah in lo lang tûr a ni.
18“Dawidim telh chhang chu ka hnênah i thilhlan ran thisen nên i hlân tûr a ni lo. Inthawina ran hlan thau chu a tûk thlenga dah tûr a ni lo. 19In rama thlai rah hmasa, a ṭha ṭha chu, Lalpa i Pathian inah i rawn la tûr a ni. Kêlnote chu a pui hnutein chhûm suh. #Exod. 34:26; Deut. 14:21; 26:3.
Thutiam leh tih tûr tuk
20“Ngai teh, kawnga vêng tûr che leh ka hmun ruata hruai thleng tûr chein in hmahruaitu tûr vântirhkoh ka tîr a. 21A thu pawisa ula, ngaithla ṭhîn rawh u; ka tirh a ni asin. Amah chu dodâl suh u; chutilo chuan in bawhchhiatnate a ngaidam lo vang.
22“A thu in zawma ka sawi zawng zawng hi in tih chuan in hmêlmate hmêlma, a dotu che u dotu ka ni ang. 23Ka vântirhkoh chuan in hma a hruai ang a, Amor mi te, Hit mi te, Periz mi te, Kanan mi te, Hiv mi te, Jebus mi te ramah a hruai lût ang che u: anni chu ka tiboral dâwn a ni. 24An pathiante chu kûnin chibai in bûk ve tûr a ni lo va, an tih ang in ti ve tûr a ni hek lo; an pathiante chu in tichhe vek tûr a ni a; an thil phunte pawh tichhe vek ang che u. 25Lalpa, in Pathian chu chibai min bûk chuan ruahtuiah leh buhbâlah mal ka sâwm ang che u a, in zîng ata natna ka la bo bawk ang. 26In rama nu tu mahin nau an chhiat lo vang a, ching an awm hek lo vang; in nun pawh ka tisei ang.
27“In kalna tûr mite chu ka tithlabâr ang a, an chiai ang a, in hmêlmate chu in hmaah ka tlânchhiattîr ang. 28An hmaah khawinghal#23:28 ‘khawinghal’ tih ni lovin ‘thlabâr manganna’ tih theih a ni. ka tîr ang a, Hiv mi te, Kanan mi te, Hit mi te chu an ûm darh ang. 29Kum khat chhûng maiin ka hnawt chhuak vek lo vang; an chhuah mai chuan engkim a ram chhe hman ang a, in tâna hnawk tham ram sakawlh pawh an pung hman ang. 30Ram pum luah tham in awm hma chu zawi zawiin ka hnawt chhuak chauh vang. 31In ram chu Tuipui Sen aṭanga Filistia-ho tuifinriat inkâr leh, thlalêr aṭanga Eufretis lui inkâr hi a ni ang. Chu rama chêngte chu in hneh vek ang a, ka hnawh chhuahtîr ang che u. 32Anni nên chuan thu in thlung tûr a ni lo, an pathiante pawh in ṭâwm tûr a ni hek lo. 33In ramah chuan hêng mite hi in awmtîr tûr a ni lo; ka lakah thil sual an tihtîr dah ang che u; an pathiante chibai in bûk ve vaih chuan in chhiatpui ang.”
Iliyochaguliwa sasa
EXODUS 23: MIZCLBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.