Mistari Maarufu ya Biblia kutoka 1 KORINTO 15

Shirikisha

Mfɑmfɑ́ ŋkhuŋnyə, a pɑ́ po'o po tɔm, ka po səŋ; po kaktʉɔ nə fa' Cyəpɔ bɑ gɔ pɑ dzə, bɑ jyə́ gɑ yɔ nə yɔgo' tə gɔ sɔ' cyə́ néné nə Cyəpɔ pɑ.

Pɑ gho'tə Si yə e hɑ nə cyə́shu bi pɑ shyə m nə Cyəpɔ yɔk pɑ Yeso Kristo a.

Ka mo fʉtə wɔ: Mso cwəpuŋ bɔptə mà pɑpuŋ.

Ywə yə gɑ̌ bɑ ya a, gɑ bɑ ya m pa' Si lə gho' a, gho' Si bɔ la tə bɑ pɑ néně bəm pɑ. Ŋ də fa' shyə guŋ pyə shɑ́ pɔ awɛ, tə́ tɑ myə nə lə fa' pɑ: Gho' Si nə lə fa'.

Vʉ yu nə cyə́shu hɑ? Vʉ shyə́ syap tsʉ̌ hɑ? Shyə syap vʉ́ bɑ mhɔ, gʉ' mhɔ, a pɑ mco'.

Gɑ̌ gɔ ghə po zhyə mu' ta' nwə cyə zhyənwə mo. Pɑ tə́ gɔ sɔ' pfʉ́tə awɛ pɑ́, da' gɑ pɑ gɔ sɔ' sɑnyə guŋ yɔk pɑ awɛ, pɑ kwa' ŋkwi cʉ̌m, nə ta' nyə́, nə gi lwɔ̌p. Nə pa' pú gɔ sɔ' túŋ lwɔ́p, mpfə pɔ yám tə pɑ ywə bipi, a piŋ sɔ' m nə pɑ̌, pɑ sɑnyə.

Nə pa' vʉ̌ lə cyə́ m nə́ ta' mo tə́ sɔ' a, ǎ po'o tə nə yam nə vʉ̌ shyə m nə mu' ta' mo tə́ sɔ̌'. Dəŋdəŋ pa' guŋ pɔ awɛ shyə m nə Adam pfʉ́ a, a dəŋdəŋ pa' guŋ pɔ awɛ gɔ sɔ' cyə m nə Kristo kwi vɔk a.

A shə́ŋ gɑ́ mo bipi kwa nɑ tə pi pa' dzə́ a, a mo npfʉpfʉ̌ kwa nɑ tə́ npfʉ.

Nə pa' Kristo gɔ sa' tə́ kəm cwə yə Si yap guŋ mghɛ bo pyə to mkwə e a. Jʉɔjʉ̀m gɛ bo yə e gɔ sɔ' sa'tə e a bɑ vʉ́