Mistari Maarufu ya Biblia kutoka MATTHEW 28

Shirikisha

Eitu karne jabi, aru zati sob te chella khan bonabi, aru Pitri, Putro aru Pobitro Atma laga nam te baptisma di dibi, Moi tumikhan ke ki hukum dise eitu palon koribole sob ke sikhai dibi; aru sabi, jugh hekh din nahua tak Moi tumikhan logot te hodai thakibo.”

Aru Jisu he ahhi kene taikhan ke koise, “Sorgo aru prithibi te odhikar sob Moi ke di dise.

Kintu dut pora tiruta ke koise, “Bhoi nakoribi; kilemane tumi, Jisu kon kros te morai dise, tar ke bisari ase, eitu moi jane. Tar iyate nai; kilemane Tar kua nisna Tar jinda uthi jaise. Ahhibi, Tar rakha jaga sabi.

Tetiya Jisu he taikhan ke koise, “Bhoi nakoribi; jabi aru moi laga bhai khan ke Galilee te jabole kobi, aru tate tarkhan pora moi ke dekhibo.”

Aru ketiya taikhan bridho khan logot te jama kori kene alusona korise, taikhan pora sepahi khan logot te poisa dise aru koise, “Manuh khan ke kobi, ‘Raati te amikhan ghumai thaka homoi te Tar laga chella khan ahhi kene choor kori loi jaise.’ Aru jodi eitu khobor tu rajyopal pora hunile, amikhan pora phuslai dibo aru tumikhan eku dukh nahobo.” Tetiya tarkhan pora poisa tu loise aru keneka kobole dise eneka koi dise. Aru eitu khobor tu aji tak Jews majote koi ase.