Mistari Maarufu ya Biblia kutoka 1 कुरिन्थियो 15

Shirikisha

इण वास्तै हे म्हारै प्यारै विसवासियो, मजबुत अर अटल रैवौ, अर परभु रै कांम में हमेसां बढ़ता जाओ, क्यूंकै ओ जांणौ हो, की थौरी मेनत परभु में फालतू कोनीं है।

पण परमेसर रौ धन्यवाद हो, जिकौ म्हौरै परभु यीसु मसीह रै द्‍वारा म्हौ नै जयवन्त करै है।

धोखे में मत रैवौ, भूंडी संगति चौखै चरितर नै बिगाड़ दैवै है।

पण म्हैं जिकौ कीं भी हूं, परमेसर रै करपा ऊं हूं। अर उणरी करपा जिकौ म्हारै माथै होई, वो फालतू नीं होई। पण म्हैं उण सबां ऊं बढ़नै मेनत भी की तो भी ओ म्हारी तरफ ऊं कोनीं होयौ, पण परमेसर री करपा ऊं जिकौ म्हारै माथै ही।

“हे मौत थारी जीत कठै रही? हे मौत थारौ डंक कठै रियौ?” मौत रौ डंक पाप है, अर पाप रौ बळ है व्यवस्था।

देखौ, म्हैं थौरे ऊं भेद री बात कैवूं हूं, की म्हौ सगळा तो कोनीं मरो, पण बदळ जावोला। अर ओ पल भर में, पलक झपकते ही आखरी तुरही फूकते ही होवैला। क्यूंकै तुरही फूंकी जावैला, अर मुड़दा अविनासी दसा में जीवता किया जावैला, अर म्हौ बदळ जावोला।

क्यूंकै जद एक मिनख रै जरियै मौत आई, तो एक मिनख रै जरियै मरयोड़ौ रौ जी उठणौ भी आयौ। अर ज्यूं आदम में सगळा मरे है, व्यौंही मसीह में सगळा जिलाया जावैला।

क्यूंकै जरुरी है, की ओ नासवान सरीर अविनासी नै पैहर ले, अर मरणहार सरीर अमरता नै पैहर ले।

क्यूंकै जद तांई की वो अपणै बैरियो नै अपणै पगां तळै नीं कर दे, तद तांई उणरौ राज करणौ जरुरी है। सबां ऊं आखरी बैरी जिकौ नास कियो जावैला वो मौत है।