Mistari Maarufu ya Biblia kutoka MÁKHI 14

Shirikisha

ló ántɔ sa: – O, mɛn Nthe, hɛ ɔn, ɛ́gɛ tɛ́ áyí khúnbrɛn phú, lóhɛ́nthé tɛmɛ ɛhɔ́n áyíkhúphɔ yábhɔ́ lókɔn yɛn mɛn tho. Léli salé mɛn thɛ́n yí apɔ nɔn sáán ɛtɛ́, lókhɛ́n tɛmɛ ɛtɛ́ hɛ nbrɛn thɛ́n yí apɔ.

Ɔ́n ká mɛlé chré, ló ɔ́n na Yankan, ochɛ́sé ɔ́n ne hálé ásúwú hrómɛn. Lephan nánnánmi dɛn ya énɛn yíbhwá atɛ, khɛ́n mɛ́n nánmí nɔn enán.

Mímí mɛɛ́n kranmán hɔ́n: áthéji krɛn, ási khúnbrɛn tɛɛ wo bhá tɔ Ábhwe Bhwábhwá lókɔn phɔ bhwe ɔn, bhie lókɔn yí atɛ, lólɔ wo bhá tɔ lóbhwe, ló mɛ́n bhwe bha di néphan khúnbrɛn mwanhɛ́n.

ló ńkránman nkɔn sa: – Ábhwephé si mɛn thɛ́n hrómɛn khúnbrɛn, tɛmɛ ɔ́n chré krɛn, ló ɔ́n kámɛlé.

Lóka wo elí nɛn, Jezwi bho kpánhɔn, mɛ́n ka ńna Yankan nansi, ńthwɛ, ńmo se mɛ́n yíchwɛmán, ló ńkránman nkɔn sa: – Ɔ́n mó kpánhɔn lókɔn, lónɔn ali mɛn nánmí.

Lómánji, ńhɔn áyábhɔ́ khɛ́n divɛn bha lóhrómɛn. Lóka ńna Yankan nansi phu, ńhɔn se nkɔn, ló wo khúnbrɛn wo nan pi wo nbrɛn, ló ńkránman nkɔn sa: – Lókɔn nɔn ali mɛn nká, ńká ali akprɔbha khɛ́n wo si Yankan hromɛn, ali ńká akhwalé se néphan búdúbúdú.

Ló Jezwi cu kranman mɛ́n yíchwɛmán sa: – Hɔ́n khúnbrɛn ɔ́n ma chán mɛn phɔ wá féne, átɛsalé Yankan hrɔ́ hrómɛn, wo lrɛ tre salé: “Man wɛ́n gbankhran-bówo, ló ńgbankhran khúnbrɛn bha chranmanlé.”

Ɔ́n chánfe olo! Lephan khɛ́n ebhá hɔ́n mɛn phɛ́lí bha krɛn!

Ló Jezwi krɛnmɛn sa: – Mímí mɛɛ́n kranmán hɛ: ncɛ́n mréci tɛɛ, chán ɔɔ kɔsɔ thɔ́n lí ndɔn mɔn, ɛ́bhá tɔ ńmɛ́n khrákhrá mɛn ńdɔn bhwaliá lée ɛle yɛn mɛn.