Mistari Maarufu ya Biblia kutoka Galatas 6

Shirikisha

Ja'yuj mok axwukotik sk'u'lajel b'a leki, yuj k'a mi la axwitik ja jastal jawi, oj k'otuk ja k'ak'u oj ya'ki'tik ja jmajtantik ja Dyosi.

Tola bida jel t'ilan oj jk'u'ltik yi b'a lek spetsanil ja mojtik jumasa, jasa ja jel t'ilani ja oj koltatik ja ma wa sk'u'an ja Kajwaltik Jesusi.

Yajnix jak wa wokolexi, kolta b'ajik. Jach' jastal jaw ja sk'u'ajel ja yab'al ja Kajwaltik Jesusi.

Mok ek' a k'ujolex yuj oj b'ob' a lo'layex ja Dyosi. B'a kada jujune jani oj sjach' ja jas sts'ununeji.

Yuj k'a mix ka'tik kan ja sle'jel ja jmultiki, yujni toj chamel oj wajuk ja kaltsiltiki; Yuj k'a wax k'u'antik ja Espiritu Santo, ojni jta'tik ja jsak'aniltik b'a mi oj ch'akuki.

Jmoj alijel jumasa, Ja we'nlexi, ye'n wa sje'a wi'ex ja Yespiritu ja Dyos ja jas oj ja k'u'lukexi. Ja'yuj ta ay ma waxa wilawex wa'n sle'jel smul alawik yab' jastal oj ajyuk toj, yuxta, sok tsamal k'umal. Kechan talna b'ajik b'a mi oj ko'anik mulal ja we'nlexi.

Ay k'a ma jel niwan wax ya'a sb'aj, ja smeranili mi jachukuk, ye'n ita wa'n slo'lajel sb'aj. B'a kada jujune a sk'el ta lek ja jas wa'n sk'u'lajeli. Yuj k'a lek jel gusto oj ajyuk sok ja jas wa sk'u'lani, kechan mok stoy sb'aj sok ja smoji. B'a kada jujune a stalnan sb'aj sok ja jastal wa sk'u'lan b'a sti sat ja Dyosi.