Mistari Maarufu ya Biblia kutoka 1 Corintios 3

Shirikisha

¿Ma yuj mixa na'awex ta yuj we'nlex jun snajtsil stsomjelex ja Dyosi, jaxa Yespiritu ja Dyosi, ti'ni ay a mokex ja we'nlexa b'a?

Yuj ja mini jun ma oj b'ob' ya' pilan yip ja a'tel jastal tojb'elxa, ja yip jawi, ja'ni ja Kajwaltik Jesusi.

Ja'yuj, mi ja'uk mas niwan ja ma' wax yala ja yab'al ja Dyosi, sok ja ma wa sje'a; ja ma' mas niwani ja Dyos ja ma' wax ya'a lek sniwanil jk'ujoltik jastal oj k'u'uktik ja Kajwaltik Jesusi.

Ja ke'n sok ja Apolosi, jmoj jb'ajtikon ja b'a ya'tel ja Dyosi, jaxa we'nlexi lajanex sok jastal jun yaljil ixim, ma jastal jun na'its tojb'el yuj ja Dyosi, jaxa ma' sb'aj ja na'its jawi, ja'ni ja Dyosi.

Jaxa yajnix k'ot tik'an ja k'ak'u'ji, ja Dyosi oj sk'ul probar kada jujune ja jas sje'a yuj ja na'itsi. Jastal oj sk'u'l probar, t'ilan oj ya' och yoj k'ak' ti oj yil b'a'ya mi oj tsikuka.

Ja ma' wax yala ek' ja yab'al ja Dyosi, jel niwan ja a'tel jawi, cho jach'ni ja ma wa sje'awe'i. Kada jujune ojni a'juk yi'e ja sts'akole'a, ja'ni chikan jastal ja ya'tel sk'u'luneje'i.

—Mok we'n ita oj ja lo'la a b'ajex— Ta yuj k'a ay ma wax yala jel wa sna'a, sok jel wa sna'a ja jastik wa'n ek'el b'a lu'um iti, ja ma' wa sna'a merani, wa sje'a sb'aj ke mi jas sna'a.