Mistari Maarufu ya Biblia kutoka I Va le Korinto 15

Shirikisha

Hikolaho, vamakwerhu lavarhandzekaka, tiyani svinene mingatsekatsekeni; tiyiselani svinene, mitirhela Hosi masiku hinkwawu, na mili karhi misvitiva lesvaku mintirho ya n'wina Hosini ayingaweli hansi.

Kambe akukhensiwe Xikwembu lexi xihinyikaka kuhlula hi Hosi ya hina Yesu Kriste.

Mingapfumeleni kuxengiwa: “Vanghanu lava vobiha vawonha mikhuva leyinene.”

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

“Wena rifu, kuhlula ka wena ku kwihi ke? Wena rifu, ndzhombo wa wena wu kwihi ke?” Ndzhombo wa rifu i xijoho, kutani matimba ya xijoho i Nawu.

Yingisani, nimibzela xihundla: Ahingafi hinkwerhu, kambe hinkwerhu hitahundzuliwa, hi nkamanyana, hi kutsopeta ka tihlo, kuyibeni ka mhalamhala ya makumu; mhalamhala yitatwala, kutani vafi vatapfuxiwa vahambaniseliwa makumu ni kuwonheka, kutani hina hitahundzuliwa.

Hikuva lesvi rifu ringavangiwa hi munhu mun'we, kupfuka ka vafi nakona kutisiwile hi munhu mun'we. Kukotisa lesvi hinkwavu vafaka hikolaho ka Adamu, hi ndlela yoleyo, hinkwavu vatatlhela vapfuxiwa hikolaho ka Kriste.

Hikuva lexibolaka xifanele kufunengela lexingaboliki, ni lexi xifaka xifanele kufunengela lexingafiki.

Hikuva Kriste afanele kufuma, kukondza Xikwembu xiveka valala hinkwavu hansi ka minkondzo ya yena. Kutani nala lweyi wohetelela lweyi angatahelisiwa i rifu