Mistari Maarufu ya Biblia kutoka 1 VAKORINZO 15

Shirikisha

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

Navuzwa lisandiza live ku Nyasaye okohezaa liguuta kuvitira mu Mwami wiitu Yeso Kristo.

Mutagadwa mba. “Avalina vadamanu vononyiaa miima milahi.”

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

“Likuza; liguuta liilio liveeye haliha? Likuza; zingulu zizio ziveeye haliha kusaliliza?” Ilikuza linyola zingulu zialio kusaliriza kutura ku vwoni, na uvwoni vonyoolaa zingulu ziavwo kutura ku Lilaga.

Huliri muvooleraa makuva giligali gaviswa yaga: kunyi sikulakuza kwosi mba. Lwi kisiriva chukumaliriza kilikubwa, vosi kulagirung'anywa, vuzwa kuli mundu avunavunyia emoni. Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

Kuli likuza liaduuka mu lirova kuvitira mu mundu mulala, kandi ndio lisimuguka kutura mu vakuzu nalio liduukaa kigira mundu mulala. Kuli avandu vosi vaakuza mulihambana Adamu kandi ndio vosi valakasimugukizwi kuva mulihambana na Kristo.

Gaduukanaa liiva liu vwoneku yili liviikwi umuviri gutonekaa; nu muviri gukuzaa yigu guviikwi umuviri gutakuzaa mba.

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie. Musigu wokohereriza kudivizwa alakave likuza.