Mistari Maarufu ya Biblia kutoka 1 VAKORINZO 11

Shirikisha

Kandi ndio munzira ndala nzere, nivakamara lilia viukulia, yavugula kekombe navoora, “Yiki keveeye kekombe chi lilagana lihia lia Nyasaye mu masahi gange. Mukore ndi zing'inga ziosi lwa munwezaa kunzizuliza.” Yaga gaveeye kovora ndi, zing'inga ziosi lwa mu liizaa umugadi yigu kandi kunwa kutura mu kekombe yiki, mulandizaa likuza liu Mwami kuduuka lwa aliiza kandi.

Inzi ndaanyoora amigizu kutura ku Mwami agambezaa munyi: ndi Mwami Yeso, mu vudiku yivwo vwa yazaamwa, yavugula mugadi, kandi lwa yamala kuhaana lisandiza ku Nyasaye, yameganyia navoora, “Yigu nu muviri gwange ogomeganyirwa munyi. Mukore ndi vuli Iwosi kunzizuliza.”

Kulwayago, gaduukanaa vuli mundu yiganagane mwene kutanga, ma alie mugadi yigu kandi anwi kutura mu kekombe yiki. Ku vosi uliizaa mugadi nu kunwa kutura mu kekombe natamanyiriza kivuni chu muviri gwu Mwami, yeleeteraa likalagirwa kuye mwene.

Kandi galava ndi, ku vosi ulia mugadi yigu anoho unwa kekombe chu Mwami munzira itaveeye nuluyali kuye, alava ni lihiolo liu kwononyia umuviri na masahi gu Mwami.

Muve aviigi ku inzi, kuli inzi mbeeye umwigi kutura ku Kristo.