Mistari Maarufu ya Biblia kutoka MIKA 4

Shirikisha

No ka mea, e hele nā kānaka a pau, ʻO kēlā kanaka kēia kanaka ma ka inoa o kona akua, A e hele kākou ma ka inoa ʻo Iēhova ko kākou Akua, ia ao aku ia ao aku.

A e hele nā lāhui kanaka he nui, a e ʻōlelo aku, “E hele mai, a e piʻi aku kākou i ka mauna o Iēhova, A i ka hale o ke Akua o Iakoba; A e aʻo mai ia iā kākou i kona mau ʻaoʻao, A e hele kākou ma kona mau alanui.” No ka mea, e hele ke kānāwai mai Ziona aku, A ʻo ka ʻōlelo a Iēhova mai Ierusalema aku.

¶ A i nā lā ma hope e hoʻokūpaʻa ʻia ka mauna o ka hale o Iēhova, ma luna o nā mauna, A e hoʻokiʻekiʻe ʻia ʻo ia ma luna o nā puʻu; a e holo nā kānaka i ona lā.

A e hoʻoponopono nō ia i waena o nā kānaka he nui, A e aʻo aku i nā lāhui kanaka ikaika, lōʻihi loa aku; A e kuʻi lākou i kā lākou mau pahi kaua i ʻōʻō palau, A i kā lākou mau ihe i pahi paʻipaʻi; ʻAʻole e hāpai ka lāhui kanaka i ka pahi kaua kūʻē i ka lāhui kanaka, ʻAʻole hoʻi e aʻo hou lākou i ke kaua.