Mistari Maarufu ya Biblia kutoka LEVÍTICO 26

Shirikisha

Ñucaca cancunapaj chaupipimi purisha. Cancunapaj Taita Diosmi casha. Cancunapish ñucapajcunami canguichij.

Chashna cajpica tamyana punllapitajmi tamyachisha. Chaipica cancunapaj allpacunapish, cancunapaj allpapi caj yuracunapish alli granocunatami p'ucunga.

Ñuca ima shina causachun nishca shina causaichij. Ñuca mandashcacunata huaquichishpa chaitataj rurana yuyailla tucushpa ruraichij.

Llajtapica sumaj causaitami cusha. Cancunaca pi mana manchachishcami dorminguichij. Cancunapaj llajtamantaca millai animalcunatapish anchuchishami. Cancunapaj llajtapica macanacuipish mana tiyangachu.

Ñucaca cancunataca tigralla ricushami. Achca huahuacunayujtami rurasha. Cancunataca achcata mirachishpami, cancunahuan ari ninacushcataca pajtachisha.

Ñucaca Mandaj Diosmi cani, cancunapaj Diosmi cani. Egiptopi ama huatashca shina ruraj cachunmi llujshichimurcani. Yugopi huatashca angucunataca ñucami p'itircani. C'ari c'ari purichunmi churarcani.

Ñuca causanataca cancunapaj chaupipimi churasha. Ñucapish cancunata mana millanachishachu.

“Cancunaca dios nishcacunatapish, tacashpa rurashca dios nishcacunatapish ama ruranguichijchu. Rumi diostapish mana shayachinachu canguichij. Cancunapaj llajtapica pintashca rumicunata ñataj churanguichijman. Chaicunapaj ñaupajpi ñataj cunguringuichijman. Ñucami Mandaj Dios cancunapaj Taita Dios cani.

Ñaupa huatacunaman huaquichishca trigocunatami micunguichij. Mushuj trigota huaquichingapajpish, ñaupa huataman huaquichishca trigotami llujshichishpa shitanguichij.

Cancunata p'iñajcuna patsaj cajpipish, pichcalla cashpapish callpachinguichijllami. Cancunata p'iñajcuna 10.000 cajpipish, cancunaca patsajlla cashpapish callpachinguichijllami. Cancunata p'iñajcunaca cancunapaj espadacunapimi huañungacuna.

Cancunapaj trigota manaraj tucui trillajpimi, uvata tandanapish ña chayamunga. Uvata manaraj tucui tandajpimi, tarpuipish chayamunga. Cancunaca quiquin micunatami mana nijta micunguichij. Quiquin llajtapimi imata mana manchashpa causanguichij.

Cancunata p'iñajcunatapish catirashpami llaquichinguichij. Paicunaca cancunapaj espadacunapimi urmangacuna.

Ñucapaj samana punllacunataca huaquichinguichij. Ñucapajlla ch'icanchishca ucutaca ama yanganchinguichij. Ñucami Mandaj Dios cani.