Mistari Maarufu ya Biblia kutoka Romaƒuɔ 7

Shirikisha

Mɔɔgyá Katɔti enu, ɔsika ɔkɛnku Blɔti Yesu Kristo lɛlɔ ni, ndubɔkɛ bɔƒɔ! Na ɔƒɛni ni, na mina kasusu kemmo ni, ndi Katɔti ɔda bubo kabla ɔblane. Nsu mina ukyuli udu ɔɔbla likpidi kabla.

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Ɔsika lɛbuni lɛni na lɛ́yɔ ka lɛbla ni, ɔɔɔdi ani na mɔɔbla. Na likpidi lɛni mmomu na naaayɔ ka lɛbla ni, ani na mɔɔbla.

Anwuɔsu si mɔɔbla ala ani na naaayɔ ka lɛbla ni, ɔɔɔdi ami ɔlati mɔɔbla-nya. Mmomu ni, likpidi lɛni nkya-mi kemmo mɔɔbla-nya.

Na ɔmɛni ɔsu ni, mɔɔnu lɛla lɛni mɔɔlɛ́ na mina lɛlɔ kemmo taati. Si mɔɔwia ka lɛbla lɛbuni ni, likpidi lɛsiaku-mi kpakplaa. Nka na mina kayi kemmo geen ni, Katɔti ɔda bubo bɔɔda-mi ebiti geen.

Na si ala ani na naaayɔ ka lɛbla na mɔɔbla ni, na ɔɔtina ka lɛ́tuna ka ɔda bubo bɔmmɔ bɔdia.