Mistari Maarufu ya Biblia kutoka JOEL 3

Shirikisha

Yakana yana marrtjiya biyaka munatha'-yaw'yurra, ga ŋathanydja marrtjiya dholkuŋa ḻämu-nherrala ḻayḻaymaranhamiyanydja, yana biyakana djämanydja mandjawaknha ga garana malanha. Ga ŋayinydja yurru ŋunhi yalŋginy'tja yolŋu dhärra, bala waŋana ŋayi yurru ḻakaranhamirri bitjanmirri, “Ŋarranydja dhuwala ḏäl warray wal'ŋu, ganydjarr-ḏumurru warray ŋuriŋi Garraywala ganydjarryu,” bala marrtjina yurru ŋayi marililina.’

Yo, ŋulinyaramirriyunydjayi waluyu dhuwala wäŋanydja yurru buku-munha'yirrina, yakana yurru biyapulnydja walu ga ŋaḻindi ga ganyu' yukurra wekama djarraṯawun' dhiyaku munatha'wunydja wäŋawu.” Ga bitjarra ŋayi Garray waŋananydja. Yo, Garraynydja yurru marrtjina lili ŋulaŋurunydja Djäyanŋurunydja wäŋaŋuru, yatjun yurru rirrakayyu bathalayuna marrtjinydja lili. Ŋulaŋuru Djurutjalamŋurunydja ŋayi yurru gawaw'yunna yatjunna, ga djiwarrny'tja yurru ga dhuwala munatha' marrmarryunna warrpam'nha ŋuriŋiyi rirrakayyunydja. Yurru Garrayyu nhanŋuwaynydja yurru yolŋu'-yulŋunha Yitjuralnhanydja gunganhamirriyama warray, walala yukurra yurru nhina walŋamirrina nhanukalana wal'ŋu djäkaŋura.