Mistari Maarufu ya Biblia kutoka ROMMI 8

Shirikisha

Nino ithi akeuno Alhou kimiji kiqi lono pa kimiye chekemi khunoqo kuluvea keno tipaqo lau thwokha kumtsulo akivipu ghenguno mla kuqha acheni.

Kughengu ino mtsuqheyi ithi keuno kiu nomu pa kikimiye lono ningu kughuxa mlae, akithi na, akuxu na, kungumi na, atsutsulo ayehpemi na, itehi thwokha akeu na thwokha ighinikeu shiaghina, momu akuka jeli na, ayeghiqha shou akeu na ayeghiqha qhou akeu namu, momu, lhoqhipuakeu yeghiqha kumtsulo kiunomu ningu Mpeu Jisu Khristo gholono Alhou kikimiye ningu wu shiakeu launo khilemu nikughuxavetsu mla nani.

Tipaphi lono Aghungu no ninguno tomo-chhimokeulo ningu kuphu cheni, kughengu ninguye kishi inikhukepu keno ninguno mthae, ikemu Aghungu ampino atsa shephemlakeu kusu ghugha lono ningu she-pe-ghi Alhou vilo qhuyiniju acheni.

Tishi aye, ninguye hipaulo kiu pikulupu ani kya? Alhou no ni kudau ani aye khuno ningu shou kiu shikulupu kya?

Tighenguno khunoqono Jisu Khristo gholo xuani keno itehi panonguye Alhou no levemoe.

Timi lhoaye puloulo amlo kumsupuku auve aye akithi ipeghive cheni, ikemu Aghungu puloulo amlokumsupuku aye akuxupu eno alokiqipue.

Moe, hipaqo kumtsulo khuno ningu kimiye chenikeno pa vechewo ninguye tokulupu shishe ani!

Ino kiqikutoju keuye itodolo ninguno kiu aghime sholu ani keno tipauye akimthe-jukuvu ningu lau pephe piyeniye akeu sasu kiu lonomu kimghikulupu kuhae.

Tishiaye khuno Khristo wu kikimiye lono ningu kughuxalu nani kya? Shiluksa-kitikhino keo, akijikusano keo, shikimighi keuno keo, akhu-amzuno keo, aqu-aghano keo, akuyighupu kiualano keo, momu ghiqhi-pithikeuno kya?

Timi mlo lhejuchekeu, Alhou huno Aghungu kukumsu ithi ani, kughengu Aghungu no Alhou pulou kiqi lono kupulumiqo she-pe-ghi Alhou vilo qhuyiniju acheni.

Alhou Ghungu no khunoqo sapheni keno tipaqoye Alhou nuliqoke.

Kughengu khunoqono timi lhoaye pano lolo akeu papeghi xunikeno pano mlo kukumsuye timi lhoaye puloulo kumsupukupe acheni. Ikemu khunoqono Aghungu papeghi xuni keno pano mlokukumsuye Aghungu puloulo kumsupukupe acheni.

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

Alhou Ghungu mpino ningu nguagha sasu kuqhalukeu lono ninguye Alhou nuliqo kepi ashepe tsu cheni. Ninguye pa nuli aye pano pawu timiqo ghenguno amheghi puakeu ninguno ighilu nani, eno Khristo sasu ningu ghi amheghi ighikemi shinia. Kughengu ninguno Khristo ghichhe ghimelo kusaje aye, ningu ghi pa kimthe jukuvulo kusaje nani.

Kughengu timi lhoaye puloulo kumsupukukemi mlo huye Alhou ghumi, eno tiye Alhou yezah gholumovae, eno kuchouno tiye Alhou yezah gholumlae.

Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

Ninguno ithiakeuno ishikutolo lhoqhipuakeu yeghiqha kumtsuno pununiaye su akeshi sukelauno igha ani.