Mistari Maarufu ya Biblia kutoka Galatiya 6

Shirikisha

Eya wane ŋene kine kine maine okanikenane, me makenane bau wawa misuk okanikene. Ŋene qewoloŋ mi okanikeneo, yemo boaŋ gemage, Kaisaleŋo naso motke, bomileki asu oŋa oŋa-zane moriyan mayakatne marat-kaikene.

Yalinane, ŋene keune natne numa maratka more wakongi, yemo naso baŋem ŋei korop kine kine bile so maineka ma masuluk onikene, so kimakopze mali malip-eneŋo Waom malipka gemami, eŋane weneŋ dere more, togogoleka kine kine mayakatne kito qesiŋ okan-onikene.

Qesi qesiŋ okan-nagu more maneŋo mane wane umat-ŋine yewa maine weneŋ qesiŋ-nagu tewekkei. Yalewa oken okangeiwo, yemo ŋine Kristo wane ra rokop don yewa maine tewekkei.

Ŋine ŋidomka misuk isi nagukei. Ŋei maneŋo Kaisale maine mi isi kayake. Ŋei mane eŋe ŋara mane mesiyake, metki ŋara tanik weku yewa-ŋoka euwino wakongi, eŋe ŋado koso ŋara eŋet mane mi maratka more, eŋe eŋet weku yewaka lokakeyake.

Ŋo ŋei mane eŋe gege soginane numa mogare mo borikine kine kine ma nogan kayake paki, eŋe gege soginane numa me tanik manik mamaike, yewa wane weleine, eŋe seuseu marat-kayake, ŋo mane eŋe Asu wane numa so tanik manik mogas-yakeo, eŋe Asu wane weleine gege togon maratka more naso baŋem geuluke ge ariyake.

Kimakopne, ŋei maneŋo borikine kine kine mane maki, ŋine Asurop gemamiŋo wet peseko bororom borikineine, eya ma koboe kaikei. So Ŋei Borikineŋo ŋine weneŋ sot marat-kaikei wane liwek-ŋuniyakane, ŋine yale waka gege ŋinane diyam ma ware kaulukkei.

Ŋei mane eŋetine midaine eŋe rayake, “Na eŋetne weneŋ,” yale rayake, eŋe oŋomka isi-naguyake. Ŋei korop eŋe urataene maine me mida, yewa eŋe edomka dere wanok me dere detsorok okanikei, ŋei eŋe yale wa okane more, eŋe oŋom maine okanmaike, me mamaike, yewa wane oi bakom okaniyake. Ŋo eŋe ŋei natne eŋane tanik manik-enerop eŋine, eya dere wanok me dere detsorok misuk okaniyake. Eya yemo iwa yale wane ŋei korop eŋe umatene so tanik manikene yewa eŋe bonep bonep edom tewekkei.