Mistari Maarufu ya Biblia kutoka Galatiya 5

Shirikisha

Ŋo, Asuŋo yemo kine kine maine, wele iwa yale ma wakon okanmaike, wet maep, wet menaŋ, peyam, wet pesek, qom ewek, qom pesek, kima gege, weteneŋo ketkele, wetŋo sawe gege. Masi tanik iwaŋo korop Asu wane wele, yewaŋo ra rokop doninerop korop mane mi pamaike.

Na iwa yale takotke ramaile, ŋine Asuŋo numa manbi sikan-ŋungi, eŋano kito more gekei. Ŋine yale okangei, eya mo sola wane tanik manik qotkoine yewa mi mogasikei.

Asuŋo gege togon ŋebongi ge okanmaine, eŋe yalewa okan-on okanmaike, eya wane ŋene gegeze manŋem warekaki, ŋene Asu eŋine numaoka gesoke arikene.

Ŋei ŋerep korop Kristo Yesu wane biŋek gemami, eŋe gege mageene sogine, bailalaŋ so boriki-nane simile-inerop mo kibego qeu seukki, mida leleke.

Wet soginane urata yemo siu siuko mi pamaike, yemo iwa yale wakon okanmaike. Bailalaŋ ŋei ŋerep wenip yau yaup, matali qetali ebu ebu, masi borikine madoŋ madoŋine, borikine kine kine natne oka okan wane qom riwe riwe, eŋe Waom isisine eŋetene edoramami, suŋa qare ma okanmami, bailalaŋ wetŋo qole qole, ŋaba qepok okanmami, kawali don ra okanmami, liwek-nagumami, busu lele okanmami, ŋei ŋerep eŋe enŋenane ka simile det okanmami, ŋei ŋerep qepok mapok okane more ŋabade aeke ge okanmami. Eŋe ra waizit okanmami, doku togole ne more qelaŋ urata ma okanmami, kiki eŋet borikine kito more masi tanik yaline natne okanmami, kine kine yalinane mo alakanka girem don ŋidangole, ŋo koso manerop iwa ŋidanbe, ŋei korop masi tanik yaline okan okanmami, ŋei yalineŋo Kaisale wane qeli ewe zonom kotino mi wakesikei.

Ŋo, kimakopne, ŋine yemo Kaisaleŋo ululuŋ gekei wane ŋidora newan-ŋunmaike, so Yuda wane ra rokop don wane mulap midaine ululuŋ geu pakimo, sola wane masi tanik qotkoine gege sogine, eya maikei wane misuk desikei. Kaisaleŋo ŋine wet maep ŋei kimakop ŋine eŋerop ŋidomka qelit qeqe okan-nagukei wane newan-ŋunge.

Wet dereretze gege soginane simileŋo Asu maket biraka okanmaike, ŋo, Asuŋo wet sogine yewa ma ket biraka okanmaike. Asu wane masi so sola wane masi ere etkeŋo ŋaba ŋaba okanbik, eya wane ŋine kine kine okangei wane ra more eweke oka okan, eya ŋine maine mi okanmami.

Yuda wane ra rokop don korop, eya mo don weku iwaŋo qepot kemaike, “Ŋinŋine wet maep okan-nagumami, yale-waka ŋei ŋerep korop eŋe wet maep okan-onikei.”

Ŋene eŋetze yaup wane misuk mawa-nagukene. Ŋene kimakopze eŋerop kawali wane sot litok misuk okan nagukene. Ŋene kima natne eŋane kine kine wane wetŋo qole qole bailalaŋ misuk okanikene, so misuk yalinane ra-nagukene.

Eya wane mulap midaine gekenane, Kristoŋo Yuda eŋane ra rokop don wane mulapko ŋine siwot-ŋonge! Eya wane ŋine ululuŋ gesoke togole okorakei, so ŋidomka misuk eweke more, Yuda eŋane ra rokop don wane qelit qeqe okanikei.