Populära bibelverser från Abaroma 8

Dela

Khandi khumanyile mbu mumakhuwa kosi Nyasaye akholelanga halala nende abo abamuheela okhuleera amalayi, nibo abeenabo abalangwa khulwa tsiyemitsie shinga olwa tsili.

Shichila emanyile obulayi mbu kata okhufwa, kata obulamu, kata abamalaika, kata aboburuchi, kata ebiliho bulaano, kata ebiitsa okhubaho, kata ebiobunyali, kata ebili hekulu, kata ebili hasi, kata eshilonje shindi shiosi shiosi, shibinyala okhukhukabukhasia nende obuheeli bwaNyasaye obuli muKristo Yesu Omwami weefwe tawe.

Kho kario khandi Roho ahabinanga obuteshele bweefwe; okhuba shikhumanyile okhusaaya shinga olwa kakhukhoyeele ta; ne Roho omwene akhusaayilanga nende obushenyi oburasunjikha ta.

Kho khusunje khurie khukano? Nyasaye naba nakhuterela, niwina oukhuyinga?

Kho bulaano khubeenabo abali muKristo Yesu shibuliho obufwilwi bweshiina tawe.

Okhuba eshia omubili kuchoominjiakhwo amapaaro nokhufwa; ne eshia roho yichoominjiakhwo amapaaro nobulamu nende omulembe.

Nebutswa mu ako kosi khuli abahuli muno khulwa omwenoyo owakhuheela.

Shichila embasia obusaalili obwomundaalo tsino mbu shibukwanile kata okhuchelasibwa nende oluyali olwitsa okhukhufwimbulilwa ta.

Niwina ounyala okhukhukabukhasia nende obuheeli bwaKristo? Amatinyu noho, kata amasila, kata obusandibwi, kata eshimotso, kata eshihechenye, kata akamaraba, kata olukanga?

Ne oyo ourunilisinjia akomumioyo wamanya aka Roho yeenya, okhuba asaayilanga abatakatifu akeenako aka Nyasaye yeenya.

Okhuba bosi abeemililwa nende Roho waNyasaye, abo nibo abaana baNyasaye.

Shichila abo abali mumela yomubili bachoominjia amapaaro khukomubili; nabo abali mumela yaroho bachoominjia amapaaro khukaroho

Oyo ourasaalilila Omwana wuwe omwene ta, habula wamuhaana khulweefwe fwesi, yakhachweya arie okhukhuheelesia buha halala ninaye ebindu biosi?

Roho omwene arumbulana akobuloli halala nende roho yeefwe shinga olwa khuli abaana baNyasaye; ne nikhuba nikhuli abaana, kho khuli abobulaame; mbu abobulaame baNyasaye, abalaamilwa halala nende Kristo; nikhuba nikhusaalila ninaye halala, khulaheebwa oluyali halala ninaye.

Shichila okhuchooma khwomubili nobusuku khuNyasaye; okhuba shikhufuchiililanga okhurukwa namalako kaNyasaye, kata okhunyala shikhwakhanyala tawe.

Okhuba obulongwi bwosi bunaayanga muno nibulindiilila obufwimbulwi bwabaana baNyasaye.

Shichila khumanyile shinga ebilonje biosi halala olwa bishenyanga nibinyakhana mubusaalili okhuula bulaano.