Populära bibelverser från Abaroma 6

Dela

Okhuba omushaara kwobwonooni nokhufwa; ne eshihaanwa shiaNyasaye nobulamu bwobumeli muKristo Yesu Omwami weefwe.

Okhuba obwonooni shibulabakhwo noburuchi khwinywe ta; shichila shimuli abasumba bamalako ta, habula abasumba bobukoosia.

Khulwako khwayabilwa ninaye halala nikhwinjisibwa mukhufwa khulwa obubatisibwi; mbu mana shinga Kristo olwa yalamusibwa okhurula mukhufwa khulwa oluyali lwaSeefwe, neefu fwesi khurio khuchende mubuIamu obuyia.

Kata mureehaananga ebiungo bieenywe khubwonooni bibe ebimanulwa biobumayaanu ta; ne mwihaane khuNyasaye, shinga olwa mwalamuushe okhurula mukhufwa, nende ebiungo bieenywe mbu bibe shinga ebimanulwa biobulunjishi khuNyasaye.

Okhuba khwamanya likhuwa lino, mbu imela yeefwe yakhale yabambilwa khumusalaba halala ninaye, mbu omubili omwonooni mana kuhweho, ifwe nikhuraba abasumba bobwonooni khandi ta

Nineenywe mwesi murio mwibasie abeene shinga olwa muli abafu khubwonooni, habula abalamu khuNyasaye muKristo Yesu.

Kho khusunje khurie? Khutsiililile mubwonooni, mbu obukoosia mana bushilaane? 'A, nahatuutu ta. Ifwe abafwa halubeka lwobwonooni, khwakhanyala khurie okhutsiililila okhumenya mubwo?

Shimumanyile mbu olwa muba nimwihaanile abeene khumundu okhuba abasumbabe abamuhulila, muli abasumba bomwenoyo owa muhulilanga; kata abasumba bobwonooni obuleera okhufwa, kata bobuhulili obuleera obulunjishi?

Ne khumuupila Nyasaye orio, shichila olwa mwalinji abasumba bobwonooni, mwachaaka okhuhulila nokhukhola nende omwoyo kwosi omufwano kwobuchesi okwa mwahaanilwa; ne olwa mwalekhuulwa mubusumba bwobwonooni, mwakwa abasumba bobulunjishi.