Populära bibelverser från Abaroma 3

Dela

okhuba bosi bayoonoona, nibaleema okhuula khuluyali lwaNyasaye. Ne babasilibwakhwo obulunjishi butswa khulwa obukoosiabwe, khunjila yobununulwi obunyoolekha muKristo Yesu.

nibwo obulunjishi bwaNyasaye obunyoolekhanga munjila yokhusuubilila Yesu Kristo, khubeenabo bosi abamusuubilila shichila bubulaho obwahulwi

Nyasaye yamuruma omwenoyo mbu abe eshitiso khulwa amabangake, munjila yobusuubili; mbu alolosie ario obulunjishibwe khulwa okhumaayia ebionoono ebiakholwa khale, mubwisimilisi bwaNyasaye; okhulolosia obulunjishibwe khunduukho yino; mbu omwene abe omulunjishi, khandi abe ye oumubasiliakhwo obulunjishi omundu yesi oumusuubilila Yesu.

okhuba imbeliwe omundu yesi shialabasilibwakhwo obulunjishi khulwa ebikhole biamalako ta; shichila amalako kakhumanyinjia obwonooni shinga olwa buli.

shinga olwa kahandiikwa, mbu Abulaho omulunjishi, kata mulala ta; abulaho outiila khushisina, abulaho oukhaaba Nyasaye; bosi bayeebela, bosi halala bafuba; abulaho oukhola amalayi, kata mulala tawe.

Khulwako khuluutsi mbu omundu abasilibwakhwo obulunjishi khulwa obusuubili aharali ebikhole biamalako ta.

'A, nahatuutu ta; mbula Nyasaye amanyishe nali owatoto, ne buli mundu yesi omubeeyi; shinga olwa kahandiikwa, kari Mbu ololeshe shinga olwa oli omulunjishi mumasungoko, Khandi mbu ohulenje eshiina buli olwa winjiililwa lwosi.