Populära bibelverser från Abaroma 10

Dela

Okhuba noba norumbula ebulafu nende omunwakwo shinga Yesu olwa ali ye Omwami, nende okhusuubila mumwoyokwo shinga Nyasaye olwa yamulamusia mukhufwa, olahonibwa.

Shichila omundu asuubila mumwoyokwe, nabasilibwa obulunjishi; khandi arumbula ebulafu nende omunwakwe, nahonibwa.

Kho obusuubili burula mukhuhulila, okhuhulila nakhwo khwitsa khulwa likhuwa liaKristo.

Shichila lihandiiko liboola mbu Omundu yesi oumusuubilila shiakhafwimbwe omurwe ta. Okhuba shibuliho obwahuli bwosi hakari womuYahudi nomuYunani ta; shichila mulala watsana niye Omwami wabosi, khandi abayindihalila bosi abamuhaabila; okhuba mbu Omundu yesi oulihaabila eliira liOmwami alihonibwa.

Khandi baleelwatsa barie, nibararumilwe ta? Shinga olwa kahandiikwa, mbu Nebilayi muno ebilenje biabo abaleera injiili yamakhuwa amalayi.

Ne balamuhaabila barie owa barasuubiliile ta? Kata balamusuubilila barie owa barahuiiilekhwo ta? Kata balahulila barie aharali omwilwatsi ta?

Okhuba Kristo niye okhuhelelesia khamalako, mbu buli mundu ousuubila abe nobulunjishi.