Populära bibelverser från ᒨᓯᓯ ᐂᑉᐸᖏᑦ 10

Dela

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐰᕉᒧᐊᓚᐅᕆᑦ; ᑖᑦᓱᒪ ᐆᒻᒪᑎᖓ ᐱᔨᖏᑕᓗ ᐆᒻᒪᑎᖏᑦ ᓯᑎᔫᑎᓯᒪᒐᒃᑭᑦ, ᑖᒃᑯᑎᒎᓇᖅ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᓐᓇᖁᓪᓗᖓ, ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᓖᑦ ᐃᓵᓚᐅᕈᒃ ᕿᓚᖕᒧᑦ ᐄᑦᔨᑉᑎᒧᑦ ᑖᕐᑐᕐᔪᐊᖅ ᑎᑭᖁᓪᓗᒍ, ᐃᓄᖏᓐᓄᓪᓗ ᑖᕐᑐᕐᔪᐊᑉ ᑖᕐᑑᓂᖓ ᐃᒃᐱᒋᔭᐅᔪᓐᓇᖁᓪᓗᒍ.” ᑕᕝᕙ ᒨᓯᓯᐅᑉ ᑕᓕᓂ ᐃᓵᒃᐹ ᕿᓚᖕᒧᑦ, ᑕᕝᕙ ᑖᕐᑐᕐᔪᐊᖅ ᑭᓪᓚᖃᖏᑦᑐᑎᑐᑦ ᑍᒤᑦᑐᖅ ᑎᑭᐅᑎᕗᖅ ᐄᑦᔨᑉᑎᓕᒫᒧᑦ ᑖᕐᑑᓕᕐᓗᓂᓗ ᐅᓪᓗᓂᒃ ᐱᖓᓱᓂᒃ. ᓇᓪᓕᐊᓐᓂᒡᓘᓐᓃᑦ ᐃᒻᒥᖕᓄᑦ ᑕᑯᖃᑦᑕᐅᑎᔪᓐᓇᕐᑐᖃᓚᐅᓐᖏᓚᖅ, ᐃᒡᓗᒥᖕᓂᓪᓗ ᐊᓂᔪᖃᓚᐅᕋᓂ ᐅᓪᓗᓂᒃ ᐱᖓᓱᓂᒃ; ᐃᓴᕆᐊᓕᒥᐅᓪᓕ ᓇᔪᕐᑕᖓᑦ ᖃᐅᒪᑦᓯᐊᓚᐅᕐᐳᖅ.

ᑕᕝᕙ ᒨᓯᓯᐅᑉ ᐊᔭᐅᑉᐱᐊᓂ ᐃᓴᐅᑎᕚ ᐄᑦᔨᑉᑎᐅᑉ ᖁᓛᓄᑦ, ᐊᑕᓂᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕌᓕᕐᑎᑦᓯᕗᖅ ᓄᓇᒧᑦ ᐅᓪᓗᓕᒫᖅ ᐅᓐᓄᐊᓕᒫᕐᓗ ᓈᓪᓗᒍ; ᐅᓪᓛᓐᖑᕐᑎᓪᓗᒍ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕌᕐᑑᑉ ᐱᒡᓕᕐᑕᐅᔮᕐᑐᑦ ᑎᑭᑎᑉᐰᑦ. ᐱᒡᓕᕐᑕᐅᔮᕐᑐᓪᓗ ᑎᑭᓐᓇᒥᒃ ᐄᑦᔨᑉᑎᐅᑉ ᓄᓇᓕᒫᖓᓄᑦ ᓯᐊᒻᒪᒃᐳᑦ, ᐄᑦᔨᑉᑎᐅᓪᓗ ᓄᓇᓕᒫᖓᓃᓕᕐᓗᑎᒃ, ᐅᓄᕐᑐᕐᔪᐊᖑᓚᐅᕐᐳᑦ ᑍᒫᒡᓗ ᓯᕗᓂᖓᒍᑦ ᐅᓄᕐᑎᒋᔪᖃᓚᐅᕐᓯᒪᓐᖏᓚᖅ, ᑭᖑᓂᖓᒍᓪᓗ ᑍᒫᒃ ᐅᓄᕐᑎᒋᔪᓂᒃ ᐱᑕᖃᓚᐅᕐᓯᒪᑦᔮᓇᓂ.