Populära bibelverser från ኀበ ሰብአ ቆሮንቶስ 1 1

Dela

ወባሕቱ አብዳኒሁ ለዝ ዓለም ኀረየ እግዚአብሔር ከመ ያስተኀፍሮሙ ለጠቢባን ወድኩማኒሁ ለዝ ዓለም ኀረየ ከመ ያስተኀፍሮሙ ለጽኑዓን።

እስመ ነገረ መስቀሉሰ እበድ ውእቱ በኀበ ኅጉላን ወበኀቤነሰ ለእለ ድኅነ ኀይለ እግዚአብሔር ውእቱ።

እስመ እበድ ዘበእንተ እግዚአብሔር ይጠብብ እምዕጓለ እመሕያው ወድካም ዘእንበይነ እግዚአብሔር ይጸንዕ እምዕጓለ እመሕያው።

ጻድቅ እግዚአብሔር ዘጸውዐክሙ ትኩኑ ሱቱፋነ ወልዱ ኢየሱስ ክርስቶስ እግዚእነ።

አስተበቍዐክሙ አኀዊነ በስሙ ለእግዚእነ ኢየሱስ ክርስቶስ ከመ ትበሉ ኵልክሙ አሐደ ቃለ ወኢትተክዙ ወትኩኑ ፍጹማነ ወኢትትፋለጡ ወሀልዉ በአሐዱ ምክር ወበአሐዱ ልብ።

መኑ እንከ ጠቢብ ወመኑ እንከ ጸሓፊ ወመኑ ዘየኀሥሦ ለዝ ዓለም አኮኑ አዕበዳ እግዚአብሔር ለጥበበ ዝ ዓለም።