Mataayi 17
17
Yisu wakituka
(Mal 9.2-13; Luk 9.28-36)
1Biluumbu bisaamunu bu byaluta, Yisu waholo Peetelo, Yaakobo na Yowane mpaangi yaandi, na watoomboko na bo, ku yulu mulaandu wadzaangama, kwa bobakaka. 2Nde wakituka ha busu bwa bo. Kidziri kyaandi kyaseme bunu ntaangu, binkutu byaandi byakituka bu pee bunu buungi. 3Na mono, Moose na Eliya bamonokono, bari mu kudzoonso na Yisu. 4Peetelo wabaangula mbeembu na waleele kuri Yisu ti : « Mfumu, buri bwabubwete kuri beetu-meene mu kuba hamaha. Mbuti ye tiiri, lo me ntuungiri manzo mangooto matatu hamaha : Mosi ya ye, mosi ya Moose, na mosi ya Eliya. » 5Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti : « Wumawu ngo mwaana waami wa mutima, mu nde me nyimonaa kiminu, muywiileenu ! » 6Bayiki ba Yisu, bu bayuka mbeembu yiyo, bayilimisa mabusu maaku ha nsi, na bamono boomo bwalaka. 7Yisu wakokosolo, bu kababelemene waleele ti : « Telemeenu, yaa luba na boomo ko. » 8Bu basiimbila mabusu ma bo, basii mono muutu ko, ha yulu wunu Yisu kitsu. 9Bu baba mu kwekulumuka mulaandu, Yisu wabadika, wabaleele ti : « Yaa luleele kuri muutu ti mosi ko, mamo lumwiini, natee Mwaana muutu fulukiri mu bafwa. »
10Bayiki baandi bamufuula ti : « Bukuri nki, Batini ba mangisi bakooleele ti Eliya wakiri tekesele na kwiisa ? » 11Yisu wabvutula kuri bo waleele ti : « Bunubwo, Eliya wukwiisa, mu kubvutula bunkete mu byobinso. 12Ngo kuri beenu me nyileele ti, Eliya wayeki wayisa. Baatu basii kumuyaabila ko, ngo bamuyirikila momanso mabatiiri. Bunubwo se, Mwaana muutu sa kabama kuri bo. » 13Hanaho, bayiki baandi babakula ti Yisu waba badzoonsolo, mu ntoono ya Yowane Mubotiki.
Yisu watsinikisa mwaana waba na mpeeve yayibi
(Mal 9.14-29; Luk 9.37-43)
14Bu batubaka hari mpuumbu, muutu mosi wayisa kuri Yisu watsukuma ha busu bwa nde, 15waleele ti : « Mfumu, bakila mwaana me wamubakala ngebe, bukuri wuri na kimbikila-ngoondo na wuri mu mpasi. Mukwongo, mantaangu malaka nde kakoobwaanaa ku mbaawu na mu maampa. 16Me nyimusoongiryee kuri bayiki ba ye, ngo basii bangisina kumutsinikisa ko. » 17Yisu wabvutula waleele ti : « Ha ! Kiseendu kyahele na kanyi, na kyawumuka. Natee mantaangu makwe me nyiba na beenu ? Natee mantaangu makwe me nyikuunda beenu ? Muntwalikilee hamaha ! » 18Yisu waŋaŋana mpeeve yayibi, yo yapala mu mwaana, na mu kilookolo kinikyo, mwaana watsiinika. 19Hanaho, bayiki bu bakokosolo kuri Yisu, bamuleele ha nde-kaka ti : « Mu nki ntoono, beetu tukooninyee kubinga mpeeve yiyo ? » 20Nde wabvutula kuri bo ti : « Mu ntoono kanyi dyeenu dyantele. Bukuri, mu ngwanwa me nyiluleeriri ti : Mbuti lubeeri luri na kanyi diri, bunu lusaangi lwa muti wuri nkuumbu sinapi, ha beeri nkani lo luleeriri mulaandu wu : "Yisika, yende kunii", lo nde weensi ; kuri kitotolo ti kimosi ki lukoono beenu ko. » [21]
Yisu wabweese kuyaabisa lufwa na mfulukulu yaandi
(Mal 9.30-32; Luk 9.43-45)
22Bu baba bakutukina ku Ngalile, Yisu waleele kuri bo ti : « Mwaana muutu bee beeri wayekele mu myooko mya baatu, 23bo sa bamudzusa, na mu kiluumbu kyabitatu sa kaba wafuluka. » Bo banyoongo kwalaka.
Kufuta mpaku ya Nzo-Nzaambi
24Bu batubuka ku Kaperenawumi, batori ba mpaku ya Nzo-Nzaambi bayisa, na bafuula kuri Peetelo ti : « Buri muyikisi beenu koofutaa mpaku ya Nzo-Nzaambi ? » 25Nde wabvutula ti : « Bunubwo. » Peetelo bu kabvutuka ku nzo, Yisu watekesele kudzoonso kuri nde, waleele ti : « Simoni, nki ye wuri mu kutsima ? Bambyaasi ba nsi, kuri ba na bakooloombaa mikesu na mpaku ? Kuri baala ba bo-meene, ho ti kuri baatu bakimi ? » 26Peetelo wabvutula : « Kuri baatu bakimi ». Yisu waleele ti : « Mu didyo, baala bari na bunsaalisi. 27Ngo mu kuhele kubabumisa makya, yende tuba lobo mu mubu. Holo nsu yatete yitoomboko, dzibula munwa waandi, sa mono mboongo. Holo dzo, na yende wubaha, mu ntoono ye na me. »
Trenutno izabrano:
Mataayi 17: ATBABC
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Alliance Biblique du Congo 2024