संत.मत्ती 14
14
जोहन बतिस्मा एमोई के गोएःग लियाकु
(संत.मरकुस 6:14–29; संत.लुकास 9:7–9)
1हिमीन बेरा राईज चलावी राजा हेरोद, ईसु रअः बारे खभाईर आयुम लःअय। 2आउर अपन धाँगड़कु के बेता लिकुआय, “नुई जोहन बतिस्मा एमोई गोएःग उनकु मेसे जिवीःड-बिरिःड तनाय, हिना लःअय हुनी समरथ रेनअः काम देखायाय।”
3 #
सं.लुका 3:19,20 हेरोद आएंग आली बोको फिलिप्पी आली गोमकाईन हेरोदियास रअः चलते जोहन के सःब केते सिक्काड़ रे तोल केते जेहेल रे आदेर ची थिलकुआय। 4#लेवी 18:16; 20:21एता लःअय ची जोहन हुनी के बेता ताही लियाय, “हेरोदियास के दोदोहो आम के उचित कनोआँ।” 5हेरोद जोहन के गो-गोएःग नाम केनाय, बकिर हुनी होड़कु तरअः बोर केनाय, जे जोहन के आगमजानी मनाअ केनाकु।
6जब हेरोद आला जनम दिन सोदोर नेना, दो हेरोदियास आली माई ते गुतियाकु मड़ांग रे नचाव केते हेरोद के खुस ची लियाय, 7हिना लःअय हुनी किरया जोम केते कंहड़ी लःअय, “जे आम कोयाम, ईङ आमके एमा मीईंग।”
8हुनी आली एंगाते हुनी के पहिल रे सिखाव ताही लियाय, हिना लःअय हुनी कंहड़ी लःअय, “ईङ के नहाअः गी जोहन बतिस्मा एमोई आला बोहोअ के थरिया रे दान।”
9राजा हेरोद के धाकड़या आदा लिया बकिर आएंग गुतियाकु मड़ांग रे किरया जोम थिलाआय चलते, हुनी हुकूम एमा लिकुआय ची हुनी के बोहोअ एमा गोअ ताईपे। 10आउर हुनी जेहेल ओड़ाअ रे होड़कु के कुलगोःड केते, जोहन आला बोहोअ के मांअ खांड़ाः ची लिकुआय। 11हुनी आला खांड़ा लअः बोहोअ के थरिया रे आगु लअकु आउर कुड़ी के एमा लियाकु, आउर कुड़ी होना के आनेःग आली एंगाते दुबाःड़े इदी लःअय। 12जोहन आलकु चेलाकु हीःग केते, हुनी आला गोएःग होड़ो के इदी केते हुंकू होना के तेपेःड लअकु, आउर ईसु दुबाःड़े सेन केते, होना रअः खभाईर उदूः लअकु।
ईसु पाँच हजार हेरेलकु के लाःड खियाव लिकुआय
(संत.मरकुस 6:30–44; संत.लुकास 9:10–17; संत.जोहन 6:1–14)
13जब ईसु नोःआँ के आयुम लःअय, दो हुनी डोंगा रे रकाःब केते होनाःड़े तरअः जहान रिड़िगया ठाँव रे सेनोः नाय। आउर होड़कु नोःआँ के आयुम केते, सहर-सहर तरअः पैदल हुनी के ओतोंग लियाकु। 14ईसु डोंगा तरअः अड़गु नेनाय, दो हुनी मुरुक तुन्दरा होड़ के नेल केते सोगाव नेनाय, आउर हुनी हुंकू आलकु बेमराहाकु के बेस लिकुआय।
15आयुःब साँझ नेना हिमीन रे चेला ताय हुनी दुबाःड़े हीःग नेनाकु, आउर “नोःआँ रिड़िगया ठाँव हेके, आउर मुरुक आयुःब साँझ ना। नुकू के बिदा कुमे नुकू गोटे तअः डिही टोला रे सेनाकु आउर आकु जोजोम लःअय जहान कुन किरिङेआकु” बेता लियाकु।
16आउर ईसु कंहड़ी रूवाड़ोः लिकुआय, “आपे गी नुकू के जोजोम लःअय एमा कुपे।” “हुंकू के सेनोः जरूरी कनोआँ।”
17हुंकू हुनी के बेता लियाकु, “नोआँड़े आले दुबाःड़े पाँच गोड़ लाःड आउर बरिया हाकु के बाई केते,” एतान होः कनोआँ।
18“होना के ईङ दुबाःड़े आगुयपे,” मेन केते ईसु कंहड़ी लःअय। 19ईसु होड़कु के बीर रे दुड़ूः लःअय बेता लिकुआय, हुनी पाँच गोड़ लाःड आउर बरिया हाकु के इदी लिकनाय, आउर हुनी सिरमा पखी लुड़ीःग केते, परमेसर के धन्यवाद एमा लियाय। आउर लाःड के केचाअ-केचाअ चेलाकु के एमा लिकुआय, आउर चेलाकु होड़कु के एमा लिकुआकु। 20आउर जामाकु जोम केते बीअ नाकु। आउर चेला ताय सारेःग ओना केचाः लाःड के बारह दाऊड़ा हालांग केते पेरेःग लअकु। 21जोजोमकु रे आउराईतकु आउर चेंगाकु के बाई केते, करीब पाँच हजार हेरेलकु ताही नेनाकु।
ईसु दाअः तेंग रे डिंड़ोः नेनाय
(संत.मरकुस 6:45–52; संत.जोहन 6:15–21)
22हुनी होड़कु के बिबिदा तरअः पहिल रे चेला ताय के डोंगा रे रकाःब केते, आएंग तरअः पहिल रे होना पखी सेनोः लःअय आचु लिकुआय। 23आउर हुंकू के बिदा केते, बि-बिनती लःअय बुरु तेङ रे रकाःब नेनाय। आउर आयुबोः बेरा एकला ताही नेनाय। 24हिमीन बेरा डोंगा, ओत दौंड़ी तरअः ढेर मड़ांग सेन थिना समुदर ताला रे हलफा रे डगमगअ केना, बकिर होय दलोम कुकेनाय।
25आउर हुनी भिनसारा बेरा समुदर रेनअः दाअः तेङ रे सेन याःते, हुंकू दुबाःड़े हीःग नेनाय। 26चेलाकु हुनी के दाअः तेङ रे दंड़ान नेल केते बोरोः नाकु, आउर कंहड़ी तानाकु, “हुनी मुवाँ हेके!” आउर बोरते गुल बिरिःड लअकु।
27ईसु तुरते हुंकू के टोकाव लिकुआय, आउर कंहड़ी तनाय, “जीव के डिढ़ेपे, ईङ हेके, आलपे बोर!”
28पतरस कंहड़ी रूवाड़ लःअय, “परभु, जदि आम गी हेके, दो ईङ के आम दुबाःड़े दाअः रे डिड़ोः केते सेनोः लःअय हुकूम एम मे।”
29ईसु बेता लियाय, “हिजोअ मे।” पतरस डोंगा तरअः अड़गु नेनाय आउर दाअः रे डिड़ोः यअते हुनी पखी सेन नेनाय। 30बकिर जोड़ होय के नेल केते बोरोः नाय, आउर जब डुबाअ तनाय दो गुल केते कंहड़ी लःअय, “ए परभु, ईङ के बंचाईंग मे!”
31ईसु तुरते हेने घड़ीक तीः ताय के जिलींग केते, हुनी के संभड़ाव लियाय आउर हुनी के बेता लियाय। “ए थोड़हे बि-बिसवासी, आम एता लःअय संन्देह लआम?”
32जब हुंकिन डोंगा रे रकाःब नेनाकिन, दो होय आसथिर ना। 33जे डोंगा रे ताही नेनाकु, हुंकू नोःआँ कंहड़ी यअते ईसु के आराधना केते बेता लियाकु। “आम सचे परमेसर आली होपोन हेके।”
गनेसरत रे ईसु ढेर बेमराहाकु के च-चंगा
34हुंकू होना पखी अड़गु केते गनेसरत पहटा सोदोर नेनाकु, 35आउर होनाःड़े होड़कु ईसु के चिनहा लियाकु, आउर होना आस-पास गोटा पहटा रे कंहड़ी कुलगोःड लअकु। आउर जामा बेमारियाकु के हुनी दुबाःड़े आगु केते हिजोअ कु, 36आउर हुनी तरअः गोहरअ केनाकु ची हुनी हुंकू के गेन्दरअ रेनअः आँचड़अ भाईर के छुवाँव चीकुमे मेन केते, आउर जेतना कु आँचड़अ के छुवाँव लअकु हुंकू जामा बेस नेनाकु।
Trenutno izabrano:
संत.मत्ती 14: ASR
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2023 NLCI CC BY-NC-ND 4.0
संत.मत्ती 14
14
जोहन बतिस्मा एमोई के गोएःग लियाकु
(संत.मरकुस 6:14–29; संत.लुकास 9:7–9)
1हिमीन बेरा राईज चलावी राजा हेरोद, ईसु रअः बारे खभाईर आयुम लःअय। 2आउर अपन धाँगड़कु के बेता लिकुआय, “नुई जोहन बतिस्मा एमोई गोएःग उनकु मेसे जिवीःड-बिरिःड तनाय, हिना लःअय हुनी समरथ रेनअः काम देखायाय।”
3 #
सं.लुका 3:19,20 हेरोद आएंग आली बोको फिलिप्पी आली गोमकाईन हेरोदियास रअः चलते जोहन के सःब केते सिक्काड़ रे तोल केते जेहेल रे आदेर ची थिलकुआय। 4#लेवी 18:16; 20:21एता लःअय ची जोहन हुनी के बेता ताही लियाय, “हेरोदियास के दोदोहो आम के उचित कनोआँ।” 5हेरोद जोहन के गो-गोएःग नाम केनाय, बकिर हुनी होड़कु तरअः बोर केनाय, जे जोहन के आगमजानी मनाअ केनाकु।
6जब हेरोद आला जनम दिन सोदोर नेना, दो हेरोदियास आली माई ते गुतियाकु मड़ांग रे नचाव केते हेरोद के खुस ची लियाय, 7हिना लःअय हुनी किरया जोम केते कंहड़ी लःअय, “जे आम कोयाम, ईङ आमके एमा मीईंग।”
8हुनी आली एंगाते हुनी के पहिल रे सिखाव ताही लियाय, हिना लःअय हुनी कंहड़ी लःअय, “ईङ के नहाअः गी जोहन बतिस्मा एमोई आला बोहोअ के थरिया रे दान।”
9राजा हेरोद के धाकड़या आदा लिया बकिर आएंग गुतियाकु मड़ांग रे किरया जोम थिलाआय चलते, हुनी हुकूम एमा लिकुआय ची हुनी के बोहोअ एमा गोअ ताईपे। 10आउर हुनी जेहेल ओड़ाअ रे होड़कु के कुलगोःड केते, जोहन आला बोहोअ के मांअ खांड़ाः ची लिकुआय। 11हुनी आला खांड़ा लअः बोहोअ के थरिया रे आगु लअकु आउर कुड़ी के एमा लियाकु, आउर कुड़ी होना के आनेःग आली एंगाते दुबाःड़े इदी लःअय। 12जोहन आलकु चेलाकु हीःग केते, हुनी आला गोएःग होड़ो के इदी केते हुंकू होना के तेपेःड लअकु, आउर ईसु दुबाःड़े सेन केते, होना रअः खभाईर उदूः लअकु।
ईसु पाँच हजार हेरेलकु के लाःड खियाव लिकुआय
(संत.मरकुस 6:30–44; संत.लुकास 9:10–17; संत.जोहन 6:1–14)
13जब ईसु नोःआँ के आयुम लःअय, दो हुनी डोंगा रे रकाःब केते होनाःड़े तरअः जहान रिड़िगया ठाँव रे सेनोः नाय। आउर होड़कु नोःआँ के आयुम केते, सहर-सहर तरअः पैदल हुनी के ओतोंग लियाकु। 14ईसु डोंगा तरअः अड़गु नेनाय, दो हुनी मुरुक तुन्दरा होड़ के नेल केते सोगाव नेनाय, आउर हुनी हुंकू आलकु बेमराहाकु के बेस लिकुआय।
15आयुःब साँझ नेना हिमीन रे चेला ताय हुनी दुबाःड़े हीःग नेनाकु, आउर “नोःआँ रिड़िगया ठाँव हेके, आउर मुरुक आयुःब साँझ ना। नुकू के बिदा कुमे नुकू गोटे तअः डिही टोला रे सेनाकु आउर आकु जोजोम लःअय जहान कुन किरिङेआकु” बेता लियाकु।
16आउर ईसु कंहड़ी रूवाड़ोः लिकुआय, “आपे गी नुकू के जोजोम लःअय एमा कुपे।” “हुंकू के सेनोः जरूरी कनोआँ।”
17हुंकू हुनी के बेता लियाकु, “नोआँड़े आले दुबाःड़े पाँच गोड़ लाःड आउर बरिया हाकु के बाई केते,” एतान होः कनोआँ।
18“होना के ईङ दुबाःड़े आगुयपे,” मेन केते ईसु कंहड़ी लःअय। 19ईसु होड़कु के बीर रे दुड़ूः लःअय बेता लिकुआय, हुनी पाँच गोड़ लाःड आउर बरिया हाकु के इदी लिकनाय, आउर हुनी सिरमा पखी लुड़ीःग केते, परमेसर के धन्यवाद एमा लियाय। आउर लाःड के केचाअ-केचाअ चेलाकु के एमा लिकुआय, आउर चेलाकु होड़कु के एमा लिकुआकु। 20आउर जामाकु जोम केते बीअ नाकु। आउर चेला ताय सारेःग ओना केचाः लाःड के बारह दाऊड़ा हालांग केते पेरेःग लअकु। 21जोजोमकु रे आउराईतकु आउर चेंगाकु के बाई केते, करीब पाँच हजार हेरेलकु ताही नेनाकु।
ईसु दाअः तेंग रे डिंड़ोः नेनाय
(संत.मरकुस 6:45–52; संत.जोहन 6:15–21)
22हुनी होड़कु के बिबिदा तरअः पहिल रे चेला ताय के डोंगा रे रकाःब केते, आएंग तरअः पहिल रे होना पखी सेनोः लःअय आचु लिकुआय। 23आउर हुंकू के बिदा केते, बि-बिनती लःअय बुरु तेङ रे रकाःब नेनाय। आउर आयुबोः बेरा एकला ताही नेनाय। 24हिमीन बेरा डोंगा, ओत दौंड़ी तरअः ढेर मड़ांग सेन थिना समुदर ताला रे हलफा रे डगमगअ केना, बकिर होय दलोम कुकेनाय।
25आउर हुनी भिनसारा बेरा समुदर रेनअः दाअः तेङ रे सेन याःते, हुंकू दुबाःड़े हीःग नेनाय। 26चेलाकु हुनी के दाअः तेङ रे दंड़ान नेल केते बोरोः नाकु, आउर कंहड़ी तानाकु, “हुनी मुवाँ हेके!” आउर बोरते गुल बिरिःड लअकु।
27ईसु तुरते हुंकू के टोकाव लिकुआय, आउर कंहड़ी तनाय, “जीव के डिढ़ेपे, ईङ हेके, आलपे बोर!”
28पतरस कंहड़ी रूवाड़ लःअय, “परभु, जदि आम गी हेके, दो ईङ के आम दुबाःड़े दाअः रे डिड़ोः केते सेनोः लःअय हुकूम एम मे।”
29ईसु बेता लियाय, “हिजोअ मे।” पतरस डोंगा तरअः अड़गु नेनाय आउर दाअः रे डिड़ोः यअते हुनी पखी सेन नेनाय। 30बकिर जोड़ होय के नेल केते बोरोः नाय, आउर जब डुबाअ तनाय दो गुल केते कंहड़ी लःअय, “ए परभु, ईङ के बंचाईंग मे!”
31ईसु तुरते हेने घड़ीक तीः ताय के जिलींग केते, हुनी के संभड़ाव लियाय आउर हुनी के बेता लियाय। “ए थोड़हे बि-बिसवासी, आम एता लःअय संन्देह लआम?”
32जब हुंकिन डोंगा रे रकाःब नेनाकिन, दो होय आसथिर ना। 33जे डोंगा रे ताही नेनाकु, हुंकू नोःआँ कंहड़ी यअते ईसु के आराधना केते बेता लियाकु। “आम सचे परमेसर आली होपोन हेके।”
गनेसरत रे ईसु ढेर बेमराहाकु के च-चंगा
34हुंकू होना पखी अड़गु केते गनेसरत पहटा सोदोर नेनाकु, 35आउर होनाःड़े होड़कु ईसु के चिनहा लियाकु, आउर होना आस-पास गोटा पहटा रे कंहड़ी कुलगोःड लअकु। आउर जामा बेमारियाकु के हुनी दुबाःड़े आगु केते हिजोअ कु, 36आउर हुनी तरअः गोहरअ केनाकु ची हुनी हुंकू के गेन्दरअ रेनअः आँचड़अ भाईर के छुवाँव चीकुमे मेन केते, आउर जेतना कु आँचड़अ के छुवाँव लअकु हुंकू जामा बेस नेनाकु।
Trenutno izabrano:
:
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2023 NLCI CC BY-NC-ND 4.0