1 Tesalonik 3
3
1Andíkɛ́k, tutíand kuɔ́tɔ kuésepenyi, tuanɔn ɛ́ɛ́ púnyi peseé ɛ́ɛ́ túlɔp péeŋényi Atɛ́ɛn, 2túányínútúmíní andimán wasɔ́ Timoté, ukɔtɔnɛ́ na Támbák é kukéme isɔ́m yi indámb i Kilíis, ɛ́ɛ́ ú núákan ilúndɛ na kupíkányik káánɔ́ á kuátap, 3ɛ́ɛ́ mɔɔnd tisulúkúkí imbɔ́kɔ é muyú tuɛ́nɛnɛ́, á kiákí nuémenyen peseé ɛ́ɛ́ kilɔ́nyít kí Támbák kí káásɔ́ ó pusío. 4Tumanútíán aká tu maápá kuanɔ, ɛ́ɛ́ púɛ́kɛsikɛnɛn ɛ́ɛ́ túɛ́n muyu, nuémenyen ɛ́ɛ́ yáaná púɛ́nyípíɛlɛ nɔ́. 5Púupú yɛ́nyɛ́lí indiandá kuésepenyi, yatɔ́m Timoté ɛ́ɛ́ wúɛsiɛ́n kuátap kúánɔ́, imbian puwaá ɛ́ɛ́ Sáátan áapá kuɔnúɔ́pitɛn puólí púásɔ kuun ó moomb. 6Níinúan, Timoté mɛ́ɛkɛt kuasiám kuólín kuanɔ, umotúólín nɔ kinɔ́k kí insúmɔ́ kíyosoné kuátap kúánɔ́ ni iŋɔyɔ yanɔ́; wɛɛ́pí káásɔ́ ɛ́ɛ́ nuátúpítááka nuond nú pian kilɔ́ŋit kí kutúɛ́n ya aná pasɔ́ tupílɔ́ŋɔnɛ́ kunuɛn. 7Paandimán tuápiá kɔk ilúndɛ á kuátap kúánɔ, ɛ́ kikɛtɛ́kɛtɛ́ɛ kí muyú múásɔ́ nɔ muɔ́pítín múásɔ, 8Nínúan kɔk, tumáandá kuɛnyɔk aná nunyiɛ́ papílúndánɛn kɔ́ Ɔkɔ́n. 9Piluŋ pínín tunyiɛ́ kulémbi Tambákɛ́ káánɔ́ ó pusío, ká anyamɔ́ kitikit tupianɛ́ káánɔ́ ó pusío kɛ́ɛ́yɛ́ ké eŋis. 10Neneputúk nɔnɔpuɔ́sɔ aká tupísókolonyié, na pukaaka kitikit, ɛ́ɛ́ wáátap ɛ́ɛ́ tuand kuɛ́nɛn tuond túwonyi epú púsémenené káánɔ́ á kuátap. 11Ínyiɛ́ Támbákɛ́ɛ Síí waasɔ́ pimuɛt, nɔ Ɔkɔ́n wasɔ́ Yésus tuɛ́ŋunin iŋilí yoóloné kuanɔ́. 12Ínyiɛ́ Ɔkɔ́n kumi woond úteki iŋɔyɔ yanɔ́ nupianɛ́ɛ á panúɛ na panúɛ nɔ pɔsɔ́k pólotí peem, kí iŋetíé yi iŋɔyɔ yasú kaánɔ. 13Wɛ́ɛl ɛ́ɛ́ itɛ́m síánɔ pílúndɛn, sípá nulátat na kati kipalalɛ́ɛ ké eŋis yá Támbák Síí wasɔ́, ó kuól kú Ɔkɔ́n wasɔ́ Yésuse na payúnánɛ́ peem.
Trenutno izabrano:
1 Tesalonik 3: yav
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2026, CABTAL