Жаратылыу 7
7
Суу къыяма
1Раббий Нухха былай айтды:
– Сен да, битеу юйюрюнг да кемеге киригиз, нек десенг, битеу жашагъанланы арасында тюзлюклю болуп, жаланда сени кёреме. 2Биргенге халал хайыуанланы хар тюрлюсюн эркегинден бла тишисинден жетишерин, харам хайыуанланы хар тюрлюсюн эркегинден бла тишисинден бирерин ал, 3къанатлыланы да эркегинден бла тишисинден жетишерин ал. Жер башында аланы тюрлю тукъумлары сакълансын. 4Жети кюнден Мен жерге къыркъ кюн бла къыркъ кечени жауун жаудурлукъма эм Мен жаратхан хар затны жер башындан къурутурукъма.
5Нух Раббий анга буюргъан затланы барын да этгенди.
6Жерге суу къыяма келген заманда Нух 600 жыллыкъ эди. 7Нух суу къыямадан къутулур ючюн уланлары, къатыны эм келинлери бла бирге кемеге киргенди. 8Халал хайыуанладан, харам хайыуанладан, къанатлыладан эм сюркелип жюрюген хар тюрлю жанлыладан, 9Аллах Нухха буюргъаны кибик, эркеги бла тишиси, экишер-экишер Нухха келип, кемеге кергендиле.
10Жети кюнден сора жер башына суу къыяма келгенди.
11Нухну жашаууну 600-юнчю жылында, экинчи айны онжетинчи кюнюнде, уллу тюпсюзден суу уруп чыгъып башлагъанды, кёклени терезелери да ачылгъандыла. 12Къыркъ кюн, къыркъ кече жер башына жауун жаууп тургъанды. 13Тамам ол кюн Нух да, уланлары Шем, Хам, Яфет да, Нухну къатыны да, юч келини да кемеге киргендиле. 14Ала бла кийик жаныуарланы хар тюрлюсю, юй хайыуанланы хар тюрлюсю, сюркелип жюрюгенлени хар тюрлюсю, къанатлыланы хар тюрлюсю, уча билген хар зат кемеге киргендиле. 15Солуу алгъан хар тюрлю жаныуарла экишер-экишер Нухха келип, кемеге киргендиле. 16Келгенле, хар жаныуарны эркеги бла тишиси, Аллах Нухха буюргъаны кибик, киргендиле. Сора Раббий аны ызындан эшикни жапханды.
17Сора, къыркъ кюнню ичинде жер башында суу къыяма болуп тургъанды да, суу кёбейип, кемени жерден бийикге кётюргенди. 18Суу, дагъыда къошулуп, бек кётюрюлгенди, кеме уа суу башында жюзюп айланнганды. 19Жерде суу эсепсиз кётюрюлюп, саулай кёкню тюбюнде битеу бийик таула жабылгъандыла. 20Суу аланы башларындан онбеш къарыгъа кётюрюлгенди да, таула саулай жабылгъандыла. 21Алай бла жерде жюрюген битеу жанлыла жоюлгъандыла; къанатлыла, юй хайыуанла, кийик жаныуарла, жерде сюркелген жанлыла, битеу адамла да ёлгендиле. 22Битеу жер юсюнде жашагъанла, солуу алгъанланы бары къырылгъандыла. 23Раббий жер башында болгъанланы къыргъанды: адамланы, юй хайыуанланы, жерде сюркелгенлени, къанатлыланы барысы да жерден къурутулгъандыла. Жаланда Нух бла аны биргесине кемеде болгъанла сау къалгъандыла. 24Суу а жер башында жюз элли кюн кётюрюлюп тургъанды.
Trenutno izabrano:
Жаратылыу 7: МалкъСК
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Институт перевода Библии, 2020-2024
Жаратылыу 7
7
Суу къыяма
1Раббий Нухха былай айтды:
– Сен да, битеу юйюрюнг да кемеге киригиз, нек десенг, битеу жашагъанланы арасында тюзлюклю болуп, жаланда сени кёреме. 2Биргенге халал хайыуанланы хар тюрлюсюн эркегинден бла тишисинден жетишерин, харам хайыуанланы хар тюрлюсюн эркегинден бла тишисинден бирерин ал, 3къанатлыланы да эркегинден бла тишисинден жетишерин ал. Жер башында аланы тюрлю тукъумлары сакълансын. 4Жети кюнден Мен жерге къыркъ кюн бла къыркъ кечени жауун жаудурлукъма эм Мен жаратхан хар затны жер башындан къурутурукъма.
5Нух Раббий анга буюргъан затланы барын да этгенди.
6Жерге суу къыяма келген заманда Нух 600 жыллыкъ эди. 7Нух суу къыямадан къутулур ючюн уланлары, къатыны эм келинлери бла бирге кемеге киргенди. 8Халал хайыуанладан, харам хайыуанладан, къанатлыладан эм сюркелип жюрюген хар тюрлю жанлыладан, 9Аллах Нухха буюргъаны кибик, эркеги бла тишиси, экишер-экишер Нухха келип, кемеге кергендиле.
10Жети кюнден сора жер башына суу къыяма келгенди.
11Нухну жашаууну 600-юнчю жылында, экинчи айны онжетинчи кюнюнде, уллу тюпсюзден суу уруп чыгъып башлагъанды, кёклени терезелери да ачылгъандыла. 12Къыркъ кюн, къыркъ кече жер башына жауун жаууп тургъанды. 13Тамам ол кюн Нух да, уланлары Шем, Хам, Яфет да, Нухну къатыны да, юч келини да кемеге киргендиле. 14Ала бла кийик жаныуарланы хар тюрлюсю, юй хайыуанланы хар тюрлюсю, сюркелип жюрюгенлени хар тюрлюсю, къанатлыланы хар тюрлюсю, уча билген хар зат кемеге киргендиле. 15Солуу алгъан хар тюрлю жаныуарла экишер-экишер Нухха келип, кемеге киргендиле. 16Келгенле, хар жаныуарны эркеги бла тишиси, Аллах Нухха буюргъаны кибик, киргендиле. Сора Раббий аны ызындан эшикни жапханды.
17Сора, къыркъ кюнню ичинде жер башында суу къыяма болуп тургъанды да, суу кёбейип, кемени жерден бийикге кётюргенди. 18Суу, дагъыда къошулуп, бек кётюрюлгенди, кеме уа суу башында жюзюп айланнганды. 19Жерде суу эсепсиз кётюрюлюп, саулай кёкню тюбюнде битеу бийик таула жабылгъандыла. 20Суу аланы башларындан онбеш къарыгъа кётюрюлгенди да, таула саулай жабылгъандыла. 21Алай бла жерде жюрюген битеу жанлыла жоюлгъандыла; къанатлыла, юй хайыуанла, кийик жаныуарла, жерде сюркелген жанлыла, битеу адамла да ёлгендиле. 22Битеу жер юсюнде жашагъанла, солуу алгъанланы бары къырылгъандыла. 23Раббий жер башында болгъанланы къыргъанды: адамланы, юй хайыуанланы, жерде сюркелгенлени, къанатлыланы барысы да жерден къурутулгъандыла. Жаланда Нух бла аны биргесине кемеде болгъанла сау къалгъандыла. 24Суу а жер башында жюз элли кюн кётюрюлюп тургъанды.
Trenutno izabrano:
:
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Институт перевода Библии, 2020-2024