Esther 7
7
Esther Anthēmna
1Hatuka rēng lē Haman chu rēngnū Esther a pāntāna#7:1 pāntā: Hebrāi chonga “zū buong” tīna anziak a. a sē u na. 2#Est 5:3; 9:12Theirapomningti pāntāna ni annināna rēngin Esther a kōma, “Rēngnū Esther hong mo nei zong? Na ranga anphal in ti. Hong mo nei zong? Ka rēngram ānbāk tenpei ngal anpēka om in ti!” a ti rēt a. 3#Est 2:15Hatuka rēngnū Esther-in a masang a, “O rēng, na mitmūna lungkham kā tung a, rēng ei zōt a ni ten, kei damna kei na ngēnna lē ka mi ngāi kei na zongna chu anpēka om rong. 4#Est 3:9Asik chu koi lē ka mi ngāi hi ānsiat biang ranga, ānthat ranga lē anpei biang ranga anzuor kēng nā ni. Nupang lē pasal selkeia anzuor ni ila, ha rāldui han rēngin ei machān athuon ngal thei nōkā'm, adāireka om ka ting ba,” a tī na. 5Hatuka rēng Ahasveros-in rēngnū Esther a masang a, “Ama chu tū mo? Ama chu hon mo ei om? Havan tin han āthō ranga a malunga ngal āndon ngam chu tū mo?” a tī na. 6Hatuka Esther-in, “Āduipū lē rālduipū chu hiva Haman misalui hi a ni!” a tī na. Hankēng Haman chu rēng lē rēngnū matona a rathā a tā na.
7 #
Est 6:13; Chn 20:2 Rēng chu theirapomningti pāntā nātā taksitna luma anthui a, rēngin rahuona a sē na. Tenchu Haman chu rēngnū Esther a matona ei damna zonga andinga om a, asik chu rēngin ama chunga āsia ei mandon ha a mū na. 8#Aph 39:14; Est 1:6Rēng chu rēng-in rahuon ātā zū nēkna pāntā muna a hong ākīr rēt han, Haman chu Esther ei omnāna ansutna han a lei ānluoi a. Hatuka rēngin, “Insūnga kei om chunga hin rēngnū ei zālpui rang mo?” a tī na. Rēng mūr ātā chong ei suok le Haman a māi chu a mankhū u na. 9#Est 5:14; Sām 7:14-16; Chn 11:5-6Harbona, rēng dorbōndompū ngāi bila angkhatin rēng kōma, “Entā, rēng ranga āsā ārilpū Mordekai ōkrī ei ānkhāina ranga, muk 50 ansāng ōkrī ankhāina, Haman-in ei sin chu Haman a in matona anding,” a tī na. Hatuka rēngin, “Ama chu hava han mathōi u ro!” a tī na. 10#Est 2:1; 9:25Hankēng amānī'n Haman chu Mordekai ranga ōkrī ankhāina ansina han a makhāi u na. Hava suona rēng taksitna chu a hong ādāi a.
Bible in Ranglong, © Bibles International, the Bible society of Baptist Mid-Missions, 2024.