1 Hena Wakorintho 3
3
1Na mi, wandwetu, siidime kumtetia sa wandu wa ngoma, nde sa wandu wa muri, sa ngerengere ghati ya Kristo. 2Nimrishie na mavee, si hena kijo kidindie; amu tomumeidime: hae, nete ingeriaha tomuidima. 3Amu mtano ingeriaha unywi wandu wa muri: amu kukioka ghati yenyu kuneng’a na kulinganya, unywi si wa muri, na wenye kusela hena mikayie ya wandu? 4Amu mwe ekighamba, Mi wa Paulo; na ungi, mi wa Apolo; unywi si wandu? 5Nikini Apolo? na nikini Paulo? wahiri, na hena awa muitikije; na mundu ose sandu Mzuri emwingie. 6Mi nihandie, Apolo enyoshie; kake Izuwa enetije. 7Huwo nete ula ehandie ni kindu, nete ula enyoshie, nde Izuwa mwenye kunetija. 8Na ula ehanda na ula enyosha ni mwe: kake mundu ose eneingwa awahache yakwe mwenye hena ndima yakwe. 9Amu uswi wahiri waghenji wakwe Izuwa: unywi mbuwa yakwe Izuwa, ijengo lakwe Izuwa.
10Hena mvono wa Izuwa niingiwe, sa mwaaria‐wa‐kujenga echee niwikie luwoko; na ungi ejenga wanga yakwe. 11Amu luwoko lwingi mundu teidimaye kuluwika nde lula luwikiwe, nilo Yesu Kristo. 12Kake mundu ekijenga wanga ya luwoko thahabu, fetha, mabwe ma zora mbaha, mti, nyasi, makuku; 13ndima ya mundu ose inewonyanywa raa: amu musi uneifunukura, amu inejughuka motoni; na moto mjenye uneghesha ndima ya mundu ose, ni ndima ani. 14Ndima ya mundu akeye ikiikaa eijengie wanga ya luwoko, eneuhia wuesi. 15Ndima ya mundu akeye ikishotwa, enewona lutesho: kake mwenye enekijwa: nde sa hena moto.
16Tomutisiwa ti unywi mwaoka hekalu la Izuwa, na Ngoma ya Izuwa yatua ndeni henyu? 17Mundu akeye ekilinyamara hekalu la Izuwa, Izuwa enemnyamara ula; amu hekalu la Izuwa lishenete, na unywi ni huwo.
18Mundu asikukenge. Mundu akeye ekigheshijia ti ni echee ghati yenyu masangeni aha, aoke etomode, nesa aoke echee. 19Amu kucha kwa masanga ama ni utomode ha Izuwa. Amu itamiwe, Ula ewagura wechee ghati ya ng’eno yawo: 20Nawa, Mzuri ematisiwa makusaro mawo wechee, ti ni mahaya. 21Huwo mundu asikuisise ghati ya wandu. 22Amu vyose ni vyenyu; kwakicha Paulo, kana Apolo, kana Kefa, kana masanga, kana moo, kana kifwa, kana vindu vya ingeriaha, kana vindu vya akenya; vyose ni vyenyu; 23na unywi ni wakwe Kristo; na Kristo ni wakwe Izuwa.
Trenutno izabrano:
1 Hena Wakorintho 3: TAVETA
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.