रोमियों 2
2
परमेसर को न्याऊ
1 #
मत्ती 7:1; लूक 6:37 तो न्याऊ करबाळा म्हारा भायला तु छाव्अ कोई बी होव्अ, थार कन्अ कोई भायनो कोन्अ। क्युं क जि बात बेई तु दूसरा न्अ दोषी मान्अ छ, उसुं'ई तु खुदन्अ बी दोषी साबित करअ छ। क्युं क तु ज्यां कामा को न्याऊ करअ छ, वान्अ खुद बी करअ छ। 2अब आपा या जाण्अ छा क ज्यो मनख अस्यान का काम करअ छ वांकी लार परमेसर सांचो न्याऊ करअलो। 3पण ह म्हारा भायला तु कांई बच्यार करअ छ क तु ज्यां कामा बेई दूसरा न्अ दोषी ठेराव्अ छ अर खुद'ई वस्यान का काम करअ छ तो तु परमेसर का न्याऊ सुं बच जाव्अलो कांई? 4या फेर तु बीकी महान करपा, सेनसक्ति अर थरचा न्अ नीच समझ्अ छ कांई? अर या बात तो थे जरूर जाणो छो क परमेसर की दीया थान्अ परास्चित की ओड़ी ले जाव्अ छ।
5पण खुदकी कळ्डाई अर कद्या बी पचतावो कोन करबाळा मन की बजेसुं, उंका रोष न्अ खुद बेई उं दन ताणी भेळो करर्यो छ जद्या परमेसर को सांचो न्याऊ परगट होव्अलो। 6परमेसर हरेक न्अ खुदका कामा की जस्यान फळ देव्अलो 7ज्यो मनख थरचा सुं लगतमार चोखा काम करता होया महमा, आदर अर सदामेस की जन्दगी की खोज मं छ, वान्अ बदला मं परमेसर कद्या नास कोन होबाळी जन्दगी देव्अलो। 8पण ज्यो स्वार्थी छ वे सांच प कोन चालर बराई प चाल्अ छ वाप्अ परमेसर को रोष अर झाळ पड़्अलो। 9वां हरेक मनखा प दुख अर संकट आवला ज्यो बुराई प चाल्अ छ। पेली यहूदी प अर फेर बना यहूदी प। 10अर ज्यो कोई बी भला काम करअ छ वान्अ महमा, आदर अर सान्ति मल्अली। पेली यहूदी न्अ अर फेर बना यहूदी न्अ 11क्युं क परमेसर कोईको पक्षपात कोन करअ।
12ज्यो मूसा की बेवस्था न्अ जाण्या बना पाप कर्या छ, वे बना बेवस्था क्अ नास बी हो जाव्अला। अर ज्यो बेवस्था न्अ जाणता होया पाप कर्या छ वान्अ बेवस्था की जस्यानई सज्या मल्अली। 13क्युं क वे ज्यो खाली बेवस्था की कथा सुण्अ छ परमेसर की नजरा म धरमी कोन्अ। पण ज्यो बेवस्था प चाल्अ छ वे ही धरमी ठेराया जाव्अला।
14तो जद्या बना यहूदी मनख ज्यां कन्अ बेवस्था कोन्अ अर सुभाऊ सु'ई बेवस्था की बाता प चाल्अ छ तो छाव्अ वां कन्अ बेवस्था कोन्अ फेरबी वे खुदकी बेवस्था खुद छ। 15वांका काम या दखाव्अ छ क बेवस्था वांका मना मं मण्ढ मेली छ। वांकी समझ बीकी गुवाई देव्अ छ। अर वांका मन का बच्यार कद्या-कद्या वान्अ अपराधी खेव्अ छ अर कद्या-कद्या वान्अ नरदोष खेव्अ छ। 16ये बाता उं चोखा समचार की जस्यान जिको मं उपदेस देऊ छु उं दन होव्अली जद्या परमेसर मनखा की लुखी बाता को मसी ईसु क जरीये न्याऊ करअलो।
यहूदी अर बेवस्था
17अर ज्यो तु खुदन्अ यहूदी खेव्अ छ अर बेवस्था मं थारो बस्वास छ अर परमेसर प थन्अ घमण्ड छ। 18अर तु परमेसर की मन्सा न्अ जाण्अ छ अर चोखी बाता न्अ मान्अ छ, क्युं क थान्अ बेवस्था सुं सकाया छ, 19तु या मान्अ छ क तु आन्धा न्अ गेल्लो बताबाळो छ, अर ज्यो अंधेरा मं छ वां बेई तु उजाळो छ। 20मूरखा न्अ सखाबाळो, बाळका को गरूजी छ। क्युं क बेवस्था सुं थन्अ सबळो ज्ञान अर सांच खुब मल्यो छ, 21तु ज्यो दूसरा न्अ सखाव्अ छ, खुदन्अ क्युं कोन सखाव्अ? तु ज्यो चोरी कोन करबा की सीख देव्अ छ, खुद चोरी क्युं करअ छ? 22तु खेव्अ छ क व्यभिचार कोन करणी चायजे, फेर खुद व्यभिचार क्युं करअ छ? तु मूरत्या सुं नफरत करअ छ फेर मन्दर को धन क्युं लूट्अ छ? 23तु तो बेवस्था प घमण्ड करअ छ, फेर बेवस्था न्अ तोड़र परमेसर को अपमान क्युं करअ छ? 24जस्यान सास्तर मं मण्ढरी छ क “थांकी बजे सुंई गेर यहूदी मं परमेसर का नांऊ को अपमान होव्अ छ।”
25अर ज्यो थे बेवस्था न्अ मानता जद्याई खतना को मतबल छ, पण थे बेवस्था न्अ तोड़ो छो जिसुं थे खतनाळा होबा क बाद बी बना खतनाळा क बरयाबर छो। 26अर ज्यो कोई गेर यहूदी जिको खतनो कोन होयो अर वो बेवस्था का निमा प चाल्अ छ तो बना खतना को होता होया बी परमेसर उन्अ खतनाळो मान्अलो। 27वो गेर यहूदी मनख जिको खतनो कोन होयो अर ज्यो बेवस्था न्अ मान्अ छ, थान्अ अपराधी ठेरावला। क्युं क थां कन्अ माण्ढेडी बेवस्था का निम छ, अर थांको खतनो बी होयो छ, अर थे बेवस्था न्अ तोड़ो छो, 28ज्यो कोई बी मनख दखावटी रूप सुं ही यहूदी छ, वो सांच्याई यहूदी कोन्अ। काया को खतनो हकीकत मं खतनो छ्अई कोन्अ। 29सांचो यहूदी वोई छ ज्यो मन सुं यहूदी छ। सांचो खतनो आत्मा सुं मन को होव्अ छ, न्अ की मण्ढेड़ी बेवस्था सुं। अस्यान का मनखा की बढ़ाई मनखा सुं नही पण परमेसर की ओड़ी सुं करी जाव्अ छ।
Trenutno izabrano:
रोमियों 2: डि एच डि
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
(c) 2010-2017, New Life Computer Institute. All rights reserved