रोमियों 15
15
दूसरा न्अ राजी राखो, खुदन्अ नई
1आपा ज्यो बस्वास मं गाढ़ा छा, आपान्अ चायजे क आपा वांकी कमजोरी न्अ सेन करां ज्यो बस्वास मं कमजोर छ। आपा बस खुदन्अ ई राजी कोन करां। 2पण आपा मंसुं हरेक दूसरा की भलाया बेई ई मंसा सुं वांन्अ राजी करां क वे बस्वास मं बढ़अ। 3अण्डअ ताणी क मसी बी खुदन्अ राजी कोन कर्यो छो। पण जस्यान मसी का बारा मं सास्तर मं मण्ढ मेल्यो छ, “थारी बेजती करबाळा की बेजती म्हारअ उपरअ आ पड़ी।” 4जतरी बी बाता सास्तर मं पेली सुं माण्ढी गई छ आपान्अ सखाबा बेई छ, क आपा थरचा अर हिम्मत ज्यो सास्तर सुं मल्अ छ उसुं आसा रखाणा। 5अर सबळी थरचा अर हिम्मत देबाळो परमेसर थान्अ बरदान देव्अ क मसी ईसु की जस्यान आमा-सामा एक मन का होर रेबा को मन दे। 6जिसुं क थे सबळा एक मन होर एक आवाज मं आपणा परबु ईसु मसी का पिता परमेसर न्अ महमा देता रेवो।
7परमेसर की महमा करबा बेई एक-दूसरा न्अ अपणावो जस्यान मसी थान्अ अपणायो छो। 8जिसुं म थान्अ बतार्यो छु क परमेसर खुदकी बस्वास योग्यता की जस्यान, आग्ला बढ़ा सुं कर्या वादा न्अ मजबुत करबा बेई मसी यहूदी मनखा को दास बण्यो। 9अर गेर यहूदी बी परमेसर न्अ उंकी दीया बेई महमा देव्अ। जस्यान सास्तर मं मण्ढर्यो छ;
“ई बजेसुं गेर यहूदी मनखा क गाब्अ थन्अ पेचाणुलो;
अर थारा नांऊ की महमा गाऊलो।”
10अर फेरू खियो छ;
“गेर यहूदी मनखवो, परमेसर का मनखा की लार राजी रेवो।”
11अर फेरू खियो;
“सबळा गेर यहूदी मनखवो परबु की महमा करो।
अर सबळी जात्याओ उंकी महमा करो।”
12अर फेर यसायाह बी खेव्अ छ;
“यिसे का बंस को एक मनख आवलो,
ज्यो गेर यहूदी मनखा बेई राजो बण्अलो।
अर वे उंप्अ आस लगाव्अला।”
13सबळी आसा देबाळो परमेसर थान्अ उम्अ बस्वास करबा सुं सब तरा का आण्द अर सान्ति सुं भर दे, जिसुं पवितर-आत्मा की तागत सुं थांकी आसा बढ़ती जाव्अ।
गेर यहूदी मनखा मं पौलुस की सेवा
14ह म्हारा भाईवो, मन्अ थाप्अ भरोसो छ क थे भलाई सुं भरया छो अर ज्ञान सुं पुरा छो। अर थे एक-दूसरा न्अ सखा सको छो। 15पण थान्अ फेरू याद दुवाबा बेई एक-दो बाता का बारा मं साफ-साफ माण्ढ्यो छु। यो म उं दीया सुं कर्यो छु ज्यो मन्अ परमेसर दियो छ। 16मतबल गेर यहूदी मनखा बेई मसी ईसु की सेवा करबाळो होर परमेसर का चोखा समचार की सेवा याजक की नाई करू, जिसुं गेर यहूदी मनख परमेसर क साम्अ मानी जाबाळी भेंट बण सक्अ अर पवितर-आत्मा सुं पूरी तरा पवितर बण्अ। 17तो मसी ईसु मं परमेसर बेई म्हारी सेवा को मन्अ घमण्ड छ। 18म बस वाई बाता न्अ खेबा की हिम्मत रांखू छु, ज्यांसुं मसी गेर यहूदी मनखा न्अ परमेसर न्अ मानबा बेई म्हारा बचन, म्हारा काम, 19तागतहाळा नसाण अर अचम्बा का काम की तागत अर परमेसर का आत्मा की तागत सुं म्हारअ जरिये पूरो कर्यो छ। अर जिसुंई यरूसलेम नगर सुं लेर ईल्लुरिकुम परदेस क च्यारूमेर मसी का चोखा समचार न्अ सुणाबा को काम म पूरो कर्यो छु। 20म्हारी सदा या मन्सा रेई छ क म मसी का चोखा समचार को उपदेस उण्डअ देऊ जण्ढ्अ कोई बी मसी को नांऊ कोन जाण्अ। जिसुं म दूसरा की नीव प घर कोन बणाऊ। 21जस्यान सास्तर मं मण्ढरी छ;
“ज्यांन्अ उंका बारा मं कोन बताया वे उन्अ देख्अला।
अर ज्यो सुण्या बी कोन्अ वे समझ्अला।”
पौलुस को रोम जाबाको बच्यार बणाबो
22 #
रोम 1:13
केई बार म थां कन्अ आबासुं रोक्यो गियो छु। 23पण अब या परदेसा मं म्हारो काम खतम होग्यो अर घणा बरसा सुं म थासुं मलबो छार्यो छु। 24जिसुं म स्पेन देस जाती बगत थां कन्अ होर जाऊलो। क्युं क मन्अ उम्मीद छ क ई यात्रा मं थासुं मलु अर जद्या थांकी लार रेबा सुं म्हारो मन थोड़ोघणो राजी हो जाव्अ तो मन्अ आग्अ की यात्रा मं थांकी सायता मल्अ।
25 #
1 कुरि 16:1–4
पण अब म परमेसर का पवितर मनखा की सेवा करबा यरूसलेम जार्यो छु। 26क्युं क मकिदुनिया अर अखाया परदेस का बस्वास्या की टोळी का मनखा न्अ यो चोखो लाग्यो क यरूसलेम मं रेबाळा परमेसर का पवितर मनखा मं ज्यो गरीब छ, वान्अ कोई-कांई देव्अ। 27#1 कुरि 9:11हां, या वे खुद तय कर्या छ अर वाक्अ बेई वांकी जुम्मेवारी बण्अ छ। क्युं क गेर यहूदी मनख वांका आसीर्वाद मं पांतिदार होया छ तो या वाकी जुम्मेवारी बण्अ छ क वे खुदकी चीजा सुं यहूदी मनखा की सायता करअ। 28अर जद्या म भेळो कर्या गिया धन न्अ वांका हाथा मं सुंपर ई काम न्अ पूरो करल्यु तो थांका नगर सुं होता होया पाछो स्पेन जाऊलो। 29अर म जाणु छु जद्या थां कन्अ आंउलो तो मसी का आसीर्वाद की लारा आंउलो।
30ह भायाओ, म थान्अ आपणा परबु ईसु मसी अर पवितर-आत्मा को परेम याद दुवार अरदास करू छु क परमेसर सुं परातना करता होया आत्मा मं ज्यो बाथेड़ो करर्यो छु उम्अ थे म्हारी लार रेवो। 31क म यहूद्या का बना बस्वास्या सुं बच्यो रेऊ अर यरूसलेम मं रेबाळा परमेसर का पवितर मनखा बेई ज्यो दान म लेर जार्यो छु वो वान्अ चोखो लाग्अ। 32जिसुं परमेसर की मरजी की जस्यान म राजी होर थां कन्अ आर आण्द मना सकु। 33सान्ति देबाळो परमेसर थां सबळा की लार रेव्अ। आमीन।
Trenutno izabrano:
रोमियों 15: डि एच डि
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
(c) 2010-2017, New Life Computer Institute. All rights reserved