Luùm 14
14
Ɓɔ̀ mùŋ gbaì àŋ wùìyaum nyàŋ
1Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀. 2Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù. 3Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì. 4Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.
5Anyùùŋ nyaŋ bà nyiŋ gongà kɛ̀ ke ɗɔɔɛ̀ bà nyiŋ kuwa e sɛmɛ e nìàŋ maŋ ɗɔɔ gbànaŋ màŋ. Aŋ bà nyiŋ zà gongà kɛ̀ maŋ ɗɔɔ màŋ gbiŋ yaà e ɗèwè guùŋ nɛ. Kɛɛ tɔ̀ wo nyùùŋ gbiŋ wo kɛ̀ɛ̀ e kìtì wuŋ biɛ̀ ke jiiuŋ nɛɛ̀ŋ sùà. 6Anyùùŋ nyaŋ gongà kɛ̀ ke ɗɔɔ titi kuwa e sɛmɛ e nìàŋ ke bàa yɛ̀, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà. Anyùùŋ nyaŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, esaɓù kɛ̀ àŋ kiɛ̀ŋ ke sɛ̀ ge koɓɛ̀ wo Kanaà wèè e nɛ̀ŋjeɛ̀ àŋ jè lɛ. Anyùùŋ nyaŋ gè maŋhɛɛ wèè aŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, yèè nyiŋ pɛɛ àŋ kiɛ̀ŋ ke sɛ̀ ge koɓɛ̀ Dayài. 7E fèìŋ wɔ̀ŋ nyiiŋ gèeɔ̀ sùà wèè yàwi bi nɔŋ, e kìlà e fèiŋ fà wèè yàwi bi nɔŋ. 8Sèè è nɔ̀ìŋ wɔŋ nyiiŋ gèeɔ̀ sùà, kɛ̀ è yaà wèè esàɓù wo Kanaà è yààìŋ wɔŋ nyiiŋ gèeɔ̀ sùà, e kìlà sèè è fàìŋ, kɛ̀ è yaà esàɓù wo Kanaà è naiŋ fɔ̀. Weètii sèè eiŋ nɔ̀ŋ wɔŋ nyiiŋ gèeɔ̀ sùà ɔ̀ɔ̀ eiŋ fà, wo Kanaà nàŋ kanaŋ yàwi nààŋ gbiŋ. 9Esaɓù kɛ̀ wo Jisɛ̀ Kulaì naŋ fɔ̀ yèè wò naŋ yèwè e fàaà dìì wɔŋ nyiiŋ gèeɔ̀ sùà, wèè kɛ̀ wo nɔ̀ŋ Kana wèè anyuùŋ gè nyiiŋ nyàŋ yaà anyuùŋ fàa nyàŋ. 10Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ. 11Wɔŋ fɛ̀ì Dayàa naŋ woò wààŋ,
“Wo Kanaà Dayà naŋ woò wààŋ, ‘Nààŋ è yaà tɔɔɓaa kɛ̀ miàŋ nàŋ yaà wo Dàyà nyiiŋ gèeɔ̀ lɛ,
anyùùŋ nyaŋ gbiŋ do nàŋ dè maŋ gɛ̀ɛ̀nìŋ nyiŋ màŋ dìì ko fɛɛ̀fenìim,
yèè anyùùŋ nyaŋ gbiŋ do nàŋ kìlìè dèè kɛ̀ miàŋ nàŋ yaà wo Kanaà Dayà.’ ”
12Yàwi nààŋ gbiŋ doiŋ wa nàwèè nàŋ kìɛ̀ŋ e jìwààjɛ̀wɛ̀ koɓɛ̀ Dayài wèè e yèɛ è naiŋ nyɛ̀nɛ̀ŋ lɛ.
Ɓɔ̀ mùŋ nyɛ̀nɛ̀ŋ àŋ wùìyaum nyàŋ àŋ do sɛ̀ɛ̀ màŋ jùumù sùà
13Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà. 14Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum. 15Sèè maŋ nyɛ̀nɛ̀ŋ wo wùìya mɔɔ̀ŋ bà wo kɛ̀ɛ̀nɛ̀ŋ ke jii mɔ̀ɔ̀nɛŋ wèè e nɛ̀ŋjeɛ̀ mùŋ manaŋ wèè jèe lɛ̀, kɛ̀ muŋ kuwà è mànaŋ kè jii mɔɛ̀ŋ sùà. Ɓɔ̀ mùŋ dangè è wànàŋ nɛ̀ŋjeɛ̀ mùŋ jè lɛ e jìwà e hààwè wo nyùùŋ màŋjɛ̀wɛ̀ Jisɛ̀ Kulaìɔ bà gbiŋ kpɛlɛmɛɛŋ. 16Ɓɔ̀ mùŋ woò è keì naanààŋ è nyaàiŋ dè e yèɛ mùŋ naŋ woò mààŋ è yaà tɛ̀ɛ̀ lɛ, wèè e kɛ̀ɛ̀nɛ̀ŋ deè naanààŋ. 17E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ. 18Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.
19Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà. 20Ɓɔ̀ mùŋ dangè esàɓù è wànàŋ nɛ̀ŋjeɛ̀ mùŋ manaŋ lɛ̀ è do pɔ̀ɔ̀pɔ̀ɔ̀ è tòmoɛ̀ wò Dayà naŋ nyɛ̀nɛ̀ŋ lɛ. Wo nyùùŋ wò wɛ̀i ɓɛ̀nɛ̀ŋ jè manɛ̀ŋ je màŋ gbiŋ, kɛɛ è do nàŋ nɔ̀ŋ e keì ɓàa wèè maŋ jè e nɛ̀ŋje ɗewe gbiŋ e yèɛ do nàŋ nyɛ̀nɛ̀ŋ wo nyùùŋ ɓà ke dòmaŋ sìaŋ yèè wo sɛ̀ɛ̀ maŋ jùumù sùà. 21È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà. 22E hààweɛ̀ mùŋ kuwa e nyaàiŋ dè manɛ̀ŋ mɛɛ̀ŋ lɛ, kùwiè niŋ ke gbùnu sùà e fèèmàŋ Dayà yèè muàŋ bi. E zɔlɔ̀ do nàŋ nɔ̀ŋ anyùùŋ nyaŋ gò gbàì nyiŋ bi e kìlà aŋ jèè nyiŋ bi è keì nyaŋ sèè àŋ nyɛnɛŋ maŋ nɔnɔŋ tùaŋ yèè àŋ yɛmɛ̀ kɛ̀ e nɛ̀ɛŋ àŋ naŋ nyɛ̀nɛ̀ŋ lɛ è yaà tɛ̀ɛ̀. 23Kɛɛ sèè àŋ go kɛ̀ɛ̀nɛ̀ŋ hààwe e nyaàiŋ dè e nɛ̀ŋjeɛ̀ àŋ jè lɛ, wo Dayà do nyiŋ nàŋ hèè e kiti diɛŋ, esaɓù kɛ̀ aŋ gò nyìnìàŋ è keì bi è hààwe sùà. Ke nyɛ̀nɛŋ gbiŋ ke yèɛ gò jàànè kòɓɛ̀ è hààwe lɛ̀ è yaà e jùumù.
Trenutno izabrano:
Luùm 14: WFESD
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Gola New Testament Translation and Literacy Project © Bible Society in Liberia, 2019.
Luùm 14
14
Ɓɔ̀ mùŋ gbaì àŋ wùìyaum nyàŋ
1Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀. 2Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù. 3Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì. 4Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.
5Anyùùŋ nyaŋ bà nyiŋ gongà kɛ̀ ke ɗɔɔɛ̀ bà nyiŋ kuwa e sɛmɛ e nìàŋ maŋ ɗɔɔ gbànaŋ màŋ. Aŋ bà nyiŋ zà gongà kɛ̀ maŋ ɗɔɔ màŋ gbiŋ yaà e ɗèwè guùŋ nɛ. Kɛɛ tɔ̀ wo nyùùŋ gbiŋ wo kɛ̀ɛ̀ e kìtì wuŋ biɛ̀ ke jiiuŋ nɛɛ̀ŋ sùà. 6Anyùùŋ nyaŋ gongà kɛ̀ ke ɗɔɔ titi kuwa e sɛmɛ e nìàŋ ke bàa yɛ̀, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà. Anyùùŋ nyaŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, esaɓù kɛ̀ àŋ kiɛ̀ŋ ke sɛ̀ ge koɓɛ̀ wo Kanaà wèè e nɛ̀ŋjeɛ̀ àŋ jè lɛ. Anyùùŋ nyaŋ gè maŋhɛɛ wèè aŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, yèè nyiŋ pɛɛ àŋ kiɛ̀ŋ ke sɛ̀ ge koɓɛ̀ Dayài. 7E fèìŋ wɔ̀ŋ nyiiŋ gèeɔ̀ sùà wèè yàwi bi nɔŋ, e kìlà e fèiŋ fà wèè yàwi bi nɔŋ. 8Sèè è nɔ̀ìŋ wɔŋ nyiiŋ gèeɔ̀ sùà, kɛ̀ è yaà wèè esàɓù wo Kanaà è yààìŋ wɔŋ nyiiŋ gèeɔ̀ sùà, e kìlà sèè è fàìŋ, kɛ̀ è yaà esàɓù wo Kanaà è naiŋ fɔ̀. Weètii sèè eiŋ nɔ̀ŋ wɔŋ nyiiŋ gèeɔ̀ sùà ɔ̀ɔ̀ eiŋ fà, wo Kanaà nàŋ kanaŋ yàwi nààŋ gbiŋ. 9Esaɓù kɛ̀ wo Jisɛ̀ Kulaì naŋ fɔ̀ yèè wò naŋ yèwè e fàaà dìì wɔŋ nyiiŋ gèeɔ̀ sùà, wèè kɛ̀ wo nɔ̀ŋ Kana wèè anyuùŋ gè nyiiŋ nyàŋ yaà anyuùŋ fàa nyàŋ. 10Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ. 11Wɔŋ fɛ̀ì Dayàa naŋ woò wààŋ,
“Wo Kanaà Dayà naŋ woò wààŋ, ‘Nààŋ è yaà tɔɔɓaa kɛ̀ miàŋ nàŋ yaà wo Dàyà nyiiŋ gèeɔ̀ lɛ,
anyùùŋ nyaŋ gbiŋ do nàŋ dè maŋ gɛ̀ɛ̀nìŋ nyiŋ màŋ dìì ko fɛɛ̀fenìim,
yèè anyùùŋ nyaŋ gbiŋ do nàŋ kìlìè dèè kɛ̀ miàŋ nàŋ yaà wo Kanaà Dayà.’ ”
12Yàwi nààŋ gbiŋ doiŋ wa nàwèè nàŋ kìɛ̀ŋ e jìwààjɛ̀wɛ̀ koɓɛ̀ Dayài wèè e yèɛ è naiŋ nyɛ̀nɛ̀ŋ lɛ.
Ɓɔ̀ mùŋ nyɛ̀nɛ̀ŋ àŋ wùìyaum nyàŋ àŋ do sɛ̀ɛ̀ màŋ jùumù sùà
13Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà. 14Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum. 15Sèè maŋ nyɛ̀nɛ̀ŋ wo wùìya mɔɔ̀ŋ bà wo kɛ̀ɛ̀nɛ̀ŋ ke jii mɔ̀ɔ̀nɛŋ wèè e nɛ̀ŋjeɛ̀ mùŋ manaŋ wèè jèe lɛ̀, kɛ̀ muŋ kuwà è mànaŋ kè jii mɔɛ̀ŋ sùà. Ɓɔ̀ mùŋ dangè è wànàŋ nɛ̀ŋjeɛ̀ mùŋ jè lɛ e jìwà e hààwè wo nyùùŋ màŋjɛ̀wɛ̀ Jisɛ̀ Kulaìɔ bà gbiŋ kpɛlɛmɛɛŋ. 16Ɓɔ̀ mùŋ woò è keì naanààŋ è nyaàiŋ dè e yèɛ mùŋ naŋ woò mààŋ è yaà tɛ̀ɛ̀ lɛ, wèè e kɛ̀ɛ̀nɛ̀ŋ deè naanààŋ. 17E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ. 18Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.
19Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà. 20Ɓɔ̀ mùŋ dangè esàɓù è wànàŋ nɛ̀ŋjeɛ̀ mùŋ manaŋ lɛ̀ è do pɔ̀ɔ̀pɔ̀ɔ̀ è tòmoɛ̀ wò Dayà naŋ nyɛ̀nɛ̀ŋ lɛ. Wo nyùùŋ wò wɛ̀i ɓɛ̀nɛ̀ŋ jè manɛ̀ŋ je màŋ gbiŋ, kɛɛ è do nàŋ nɔ̀ŋ e keì ɓàa wèè maŋ jè e nɛ̀ŋje ɗewe gbiŋ e yèɛ do nàŋ nyɛ̀nɛ̀ŋ wo nyùùŋ ɓà ke dòmaŋ sìaŋ yèè wo sɛ̀ɛ̀ maŋ jùumù sùà. 21È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà. 22E hààweɛ̀ mùŋ kuwa e nyaàiŋ dè manɛ̀ŋ mɛɛ̀ŋ lɛ, kùwiè niŋ ke gbùnu sùà e fèèmàŋ Dayà yèè muàŋ bi. E zɔlɔ̀ do nàŋ nɔ̀ŋ anyùùŋ nyaŋ gò gbàì nyiŋ bi e kìlà aŋ jèè nyiŋ bi è keì nyaŋ sèè àŋ nyɛnɛŋ maŋ nɔnɔŋ tùaŋ yèè àŋ yɛmɛ̀ kɛ̀ e nɛ̀ɛŋ àŋ naŋ nyɛ̀nɛ̀ŋ lɛ è yaà tɛ̀ɛ̀. 23Kɛɛ sèè àŋ go kɛ̀ɛ̀nɛ̀ŋ hààwe e nyaàiŋ dè e nɛ̀ŋjeɛ̀ àŋ jè lɛ, wo Dayà do nyiŋ nàŋ hèè e kiti diɛŋ, esaɓù kɛ̀ aŋ gò nyìnìàŋ è keì bi è hààwe sùà. Ke nyɛ̀nɛŋ gbiŋ ke yèɛ gò jàànè kòɓɛ̀ è hààwe lɛ̀ è yaà e jùumù.
Trenutno izabrano:
:
Istaknuto
Kopiraj
Uporedi
Podeli
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Gola New Testament Translation and Literacy Project © Bible Society in Liberia, 2019.