Саалтыр 97
97
1Псалом.
Ыллааҥ Айыы Тойоҥҥо саҥа ырыата;
сөҕүмэр суоллары Кини оҥордо.
Кини уҥа илиитэ, сибэтиэй илиитэ,
кыайыыны Киниэхэ аҕалла.
2 Айыы Тойон быыһабыллааҕын көрдөрдө,
кырдьыгы көрөрүн норуоттарга биллэрдэ.
3Кини ахтан-санаан кэллэ
Израиль дьиэтин бигэтик таптыырын,
киниэхэ бэриниилээҕин.
Сир бары уһуктара көрдүлэр
биһиги Таҥарабыт норуотун быыһыырын.
4Сир үрдэ бүттүүнэ, Айыы Тойону айхаллаа,
үөр-көт, өрөгөйдөө, ырыа ыллаа.
5Арфаҕа оонньооҥ Айыы Тойоҥҥо,
арфаҕа оонньооҥ, псаломнары ыллааҥ.
6Турбаҕытын, муоскутун эһиги үрүҥ,
Айыы Тойон Ыраахтааҕы иннигэр үөрүҥ.
7Ньирилии тыаһаатын байҕал уонна онно баар барыта,
ньиргиччи ыллаатын аан дойду уонна онно олорор барыта.
8Ытыстарын таһынныннар өрүстэр;
хайалар бииргэ үөрүстүннэр –
9 Айыы Тойон иннигэр; Кини сири дьүүллүү кэлэн иһэр.
Кини аан дойдуну көнөтүк дьүүллүөҕэ,
норуоттары кырдьыгынан көрүөҕэ.
Trenutno izabrano:
Саалтыр 97: СБК
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Институт перевода Библии, 2008-2022