مزامیر ۷۰
۷۰
خوداوندأ، دِئرَ نوکون
پیله رهبرٚ وسی کی سرود خوأنأنَ هیدایت کونه. داوودٚ مزمور یادگارٚ ره.
۱ خودایا، می نجاتٚ وسی عجله بوکون،
اَی خوداوند، هر چی زودتر مرَ کومک بوکون!
۲ اوشأنی کی خوأییدی مرَ بوکوشید
شرمنده و خجالت زده بیبید.
اوشأنی کی آرزو دأریدی می زندگی تیره و تار ببه،
اوشأن وأگردید و روسوا بیبید.
۳ اوشأنی کی مرَ رخشنَ گیریدی،
خجالت خوردنٚ وسی وأگردید خوشأنٚ جا سر.
۴ ولی اوشأنی کی تی دونبأل گردیدی،
تی مره شاد بیبید و ذوق بوکونید.
اوشأنی کی تی نجاتَ دوس دأریدی
هَی بیگید:
«خودا عظیم ایسه!»
۵ ولی من ستم بیده و فقیرم،
خودایا، هر چی زودتر می ورجه بیأ!
تو کی مرَ کومک کونی و خلاصَ کونی
اَی خوداوند، دِئرَ نوکون!
Trenutno izabrano:
مزامیر ۷۰: گیلکی (رشتی)
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2010-2019 Gilak Media