Popularni biblijski stihovi iz Maleko' 9

Podeli

Lavo Izesu' ti' lo lo-imine': Do lamine' o-delinido' o neivo ma ve laine' ma nene naza ma lokuvo gelezo. Gele ele'vole' o minelive ne'mo nene amaa' nitekisi ha oloseive.

Lavo izipeli'mi meleho geto geke' naba lo line': Idise geikumu' gele ele'vole' o nouve. A'mine gele ele'vole' o nouvoni' ne'mo vo damida nene hize ele' o-nedezo.

Ne'mine ogavo Izesu' aza numungu' dizavo izipahala zuhosi angisevo' mini ti' li longo' i-dani': Sikalahu' goloso nene laza naniteli'mo imisele hulamolonido' ine' neve. Ne'mine li longo' i-dikevo ti' lo lo-ngimine': Inite' atotunu' nene sikalahu' goloso ne'mine nene ngelo ngimiselamolosune. Asi O'mosola laadunukovo' nene ngimisele hulolosune.

Guvo nene lamine' neine'za guvo lanite've ma osu' lavo ma gohi nado do lanite' o-delone. Noso' niteku' guvo hulokunivo lanite' oga' neine' ne'mino lingine lutingu' guvo ne'minosa lanite' o minivo mini a'mida a'mida hongu li minilo.

Ve ma ingine nenikumu' ve li izipe ngomo me'mine ma ngele'mize lamine' ilizani' nene neni' nele'mize lamine' ani' geleleseive. Ido' neni' nele'mize lamine' ilizani' nene nenikovo' nele'mize lamine' ami nimiselive nesi nene ele'mize lamine' ani' geleleseive.

Naza lamine' Ma lo-lengemelove. Ve ma aza nene lingine neni' Kilisito' zuho nizangumu' ve lo noso kapuu' ohizo lengemeline' ne'mi meni've nene damilivoba daloseive.

Ido' nenikumu' gili ele'vole' igi minaa' nani' izipaha'ne zuho limi minani' engikuti' hamo' ma evene' mali'mo goloso nite' daline' akau' ele'mize molalosa neivo ma a'mine ve nene O'moso'mo mulumo gono naba' naba emalinako nemu' nene goloso nite' daline' akau' nene olihe ele'mize molamivo gomu' nene luvonou' genivesi geheni naba nene nalava izi-di noso ohuno nabau' ehuso' i hulikevo a'mingu' lemo heleline' nene lamine' oloseive.

Ido' veka sitakisi ha nanivo O'moso'mo lihime gemo oko'nine naliza ginine osu' lamavo olo' lihizamiline' galeseu' gehuso' o huliline' nene edamoloseine' nenako nemu' nene veka gulo mali'mo lihime daa' akalo' gele'mize molalosa neivo ma gaza o've lo a'mine veka nene kuluhize hulaine' gilivosa minezo. Veka hamokovo' minine' gilivo mino O'moso'mo gizebo o neingu' viline' nene ede voloseive.