Popularni biblijski stihovi iz Mataio' 19

Podeli

Ne'mine likevo Izesu' aza vonu' ngebelo ti' lo lo-ngimine': Evene' angise'nidati' lukuvo ngeli ma namilisaha O'moso nene inite' muki' oga' amuzo do neine' nenako nemu' evene' do ngu' izelido' lisihe' o neive.

Nemu' nene O'moso'mo inite' do hamo' ogo molo neinguti' ve malike do ize' molaa' nene nomive.

Ti' li longo' i-dikevo ti' lo lo-ngimine': Mono' godolou' gamazi ma ti' lo minine' nene lingine mo gati gili nizani' ma nene gilamani' nehe: Gomu' inite' muki' do soto' molaa' ive'mo vegi veneki lolo' o-ngidine' ve. Ne'mine ogo ti' lo line': Nemu' nene ve nene izelehingi melehingi hulo elenahida bizo minavo ingine hamo' lolo' asine' gelavo minilisasive. Nemu' nene ingine nene sita' nizasive ma lo-ngedamolosune. Mo hamo' nene nizasive.

Izesu' aza ti' lo line': Izipe ngomo ngomo me'mine minave nene O'moso'mo gizebo o neingu' ngele'mize molaa' neinako huli-ngimikavo nenita ha alizaze. O'ove li-ngidamilo.

Ne'mino neine'za dizi nilizani' aleveuti' linge muki' nene limi minilisave. Ido' limi nilizani' aleve nene dizi minilisave.

Ido' evene' ma ingine neni' ne'metilisa numu'ine ebe'ine nehe uvo'ningine naku'ningine nehe ate'ningine aluno'ningine nehe ize'ningine me'ningine he izipaha'ine nehe ido' misubo'ine nehe muki' huli ne'metave nene O'moso'mo gohi a'mido' imine' molo ngemavo muki' goloso dalisave. Ido' O'moso'mo gohi minevo' minevo' ngemeni dameni nesi ngemavo dalisave.

Ne'mine lavo Izesu' ti' lo lo-imine': Gaza mo evene' lisihe' lamine' gehepeve minelo ma nene vo henenika inite' mataka maketi molo moni daline' nene ize' molo goho' gahali' ize' molo ngemezo. Ne'mine iline' ne'mo Okulumokuko henenika ma mineleseive. Ido' ne'mine ogo ogo ne'metezo.

Ne'mine lo longo' o-do line'za Izesu' aza ti' lo lo-imine': Monovo lamineli'mi Meleho nene hamokovo' neine' nenako neni' nene monovo lamine' ogakumu' nene nanitekumu' longo' o-nedane. Minevo' minevo' gemeni dameni nene dalove lo ma aka gamazi e'metaa' olosane.

Ido' gohi nolo-lingimuve: Kamela' ize nene naba neine' nenako nemu' nene inite' ongotilisa nakeseu' nala' loloso' iga' ani' veleu' nene ma volosa iline' nene ge'nebe goloso oloseine'za heneni ve nete a'mine nene ivile' ivosa O'moso'mo gizebo o neine' ebeku' vilisa ge'nebe goloso ilisave.

Ido' naza ne'mine lo nolo-lingimuve: Ve ma elenaho aza ve gohi masi monamivo inite' atokumu' hulo-do vene' gohi ma daline' nene O'moso'mi lou' gamazi avuto' ogo lihime naba daloseive.

Ne'mine ogavo Izesu' aza izipahala zuho ti' lo lo-ngimine': Heneni ve minanguti' linge ma Okulumoku' minive'mo gizebo ingu' vi hilalizani' nene ge'nebe igisavo' a'mingu' vi hilalisave.