Popularni biblijski stihovi iz Ezekieli 37

Podeli

Mpawo wakandaambila kuti, Sinsimina zifuwa ezi akuzyaambila kuti, O zifuwa ziyumu, amuswiilile ijwi lya-Jehova. Mbuboobu Mwami Jehova mbwaambila zifuwa ezi. Ncobeni ndaleta muuya wabuumi, unjile mulindinywe, mupone.

Alimwi ndamubikila milambi akumusyuusizya nyama akumusamika cikanda. Lino njoomubikila muuya, kuti mupone, nkabela muyooziba kuti ndime Jehova.

Lino wakandibuzya kuti, O mwana amuntu, sa ezi zifuwa zilakonzya kupona? Ndakavuwa kuti, Nduwe oozi, O Mwami Jehova.

Lino ijanza lya-Jehova lyakali alindime, nkabela wakanditola munguzu zya-muuya wa-Jehova, wanditula akati kagundu. Nkabela moonse mugundu mwakalizwide zifuwa. Lino wakandizyungulusya kulinzizyo koonse koonse. Ndakabona kuti mpozili zinji loko mpoonya awo agundu, alimwi zyakali ziyumu loko.

Mpoonya awo ndakasinsima mbubonya mbondakalaililwa, nkabela nendakacili kusinsima, kwakamvwigwa ijwi akuzungaana, azifuwa zyakaswena cimwi acimwi kucifuwanyina. Alimwi nendakali kulanga, kwakaboneka milambi anyama, acalo cikanda cakazivumbilila, pele muuya wabuumi kuutamo