Popularni biblijski stihovi iz Zozué 7

Podeli

Izaraéu nhihudu norĩ hã ma tô tiwasété za'ra. Te te sima 're tété za'ra mono da, ĩnhimiroti te i'manharĩzé hã ma tô siwi tirẽ. Te te siwi prub da, te tãma i'ru za'ra 'remhã ma tô marĩ hã tãma tihâimana za'ra. Ã hã ma tô ta norĩ hã simi'uri za'ra. Ma tô sadawa hapese za'ra. Tinhimarĩ wazari ma tô sa'ra za'ra.

Tahawa ma'ãpé aiwahutu, a'uwẽ norĩ ma, waihu'u za'ra da aimorĩ da, ta norĩ hã sipese za'ra da, ĩnho're simasab da, awẽmhã. Tawamhã te za wa hã Uburé Danhib'apito, Izaraéu nhihudu norĩ te 'Re ihâimana u'âsi mono, tãma ĩzadawa wasu'u za'ra, ãne: “Izaraéu nhihudu norĩ, ma tô marĩ asisa isa'ra wa'wa, prub za'ra wa'aba da, wa hã te i'rui 'remhã. Tawamhã marĩ ma, tãma rowairébé za'ra wa'aba õ wamhã, asitob'ru norĩ da, asiptete na i'aihâimana za'ra wa'aba da hã mare uptabi di za.

Ãne wa, tinhitob'ru norĩ da, Izaraéu nhihudu norĩ, sada hâimana waihu'u za'ra õ di tô oto. Tãma sisa'rei zei mono di. E marĩ wa. Ta norĩ hã isi'utõrĩ da si, te tãma pisutu za'ra wa. Marĩ te te isimi'uri za'ra hã asiwi uprosi aba õ wamhã, wa hã asiré za'ra wa'aba ĩhâimana da hã mare di za.