Popularni biblijski stihovi iz Zozué 23

Podeli

— Ãhã na romhutu di oto ĩdâ'âzé hã. Uburé aima waihu'u pese za'ra wa'aba di, 'râwi aipẽ'ẽ aba mono na hã, Uburé Danhib'apito, ate 'Re ihâimana u'âsi mono 'wa hã, uburé marĩ iwẽ te te aima 're isõmri za'ra wa'aba mono na hã te te iropisutuzéb zarina. Õ hã ma tô uburé pese ãma uwaimra, te te duré ãma upai ãna.

Tahawa ma'ãpé asimi'ẽ na Uburé Danhib'apito, ate 'Re ihâimana u'âsi mono aba si asiwi 're sawi za'ra wa'aba mono.

Izaraéu nhihudu si misi nherẽ, te za tinhitob'ru norĩ ma hã te te arob'manharĩ, miu na ihâiba ma, sisa'rei mono da. E marĩ wa. Uburé Danhib'apito, ate 'Re ihâimana u'âsi mono 'wa hã, ai'ãma za'ra wa'aba 're si'wapéi mono wa, te te iropisutuzéb zarina.

Uburé Danhib'apito 'Re ihâimana u'âsi mono siré si, 'râwi 're aihâimana za'ra wa'aba mono, we 're i'aihâimana za'ra wa'aba mono ne, ã bâtâ u hã.

Tahawa te za sada asiptete za'ra wa'wa, uburé pese Mozési te te ãma irob'ui'érézé hã 're 'manharĩ za'ra wa'aba mono da, niha na nima niwĩmhã isimiroti nhiti 're aihâimana za'ra wa'aba mono ãna.