Popularni biblijski stihovi iz Zuize 7

Podeli

Tawamhã Uburé Danhib'apito, te Gidiãhã ma tinha ãne: — Ate aibâ norĩ ahâ uptabi di. Tahawa midiãnita norĩ ãma ai'uté za'ra wa'aba da, te aima sa'ré waihu'u za'ra wa'aba õ di za. Te aima sa'ré za'ra wa'aba wamhã, te za asina irosa'rata za'ra wa'wa, te aipawaptob za'ra wa'aba õ nherẽ, asi'uihâ na ãma i'ai'uté za'ra wa'aba na hã.

Tawamhã Uburé Danhib'apito, te Gidiãhã ma tinha ãne: — Aibâ norĩ 300 na tinhib'rata na te te i'âhuri norĩ me hã, wa za wa hã asõ'reptu za'ra wa'wa, midiãnita norĩ ãma i'ai'uté za'ra wa'aba zém na hã. Tahawa ma'ãpé isiré norĩ ma tãma nharĩ za'ra na, apâ tinhorõwa u si'aba'ré da.

Tahawa ma'ãpé ãne a'uwẽ norĩ ma nharĩ za'ra na: “Ni'wam norĩ hã pahi sina hâimana za'ra wamhã, te za ẽne Giliadi na isisi hawimhã ai'aba'ré apâ, 'ri u hã.” Tawamhã ãne na Gidiã te te tãma rowasu'u za'ra wa, ma tô 22 miu na dahâiba na apâ hã dasina siri za'ra ni. Tane nherẽ, 10 miu na dahâiba na te zahadu isiré tahâimana za'ra ni.

Tawamhã Uburé Danhib'apito, Gidiãhã ma te duré tãma tinha ãne: — Zahadu da'ahâ uptabi di. Ma'ãpé tahawa, uburé â u hã danhimroi mono. Tawamhã tame wa za aime isi'aba'ré da hã ãma aipo'o za'ra. Tawamhã duré wa hã ni'wa asiré morĩ da, te nharĩ wamhã, te za tô ta hã asiré mo. Duré ni'wa asiré morĩ dai õ wamhã, ta hã duré asiré imorĩ da hã, mare di za.

Tawamhã Gidiã, âi ba isib'a'uwẽ te te si'ra za'ra da hã, ma tô te te simro. Tahawa, Uburé Danhib'apito te duré tãma tinha ãne: — Uburé aibâ norĩ, wapsã te te 're i'âhuri mono ne, tizoto na te te i'âhuri hã te za ãma i'aipo'o za'ra, hi'rãtitõ tãma isi'ubumro norĩ nhiti. Tawamhã aibâ norĩ 300 na ma tô tinhib'rata na hã âhu. Duré uburé isiré norĩ hã ma tô hi'rãtitõ tãma asimro, te te âhuri da.