Popularni biblijski stihovi iz Ezodu 31

Podeli

— Wa hã, Hur nhihudu hã Urihi 'ra, Bezareu hã, Zudaha nhihudu hawi a'uwẽ hã wa tô pisutu, ĩpẽ'ẽzani sa'ẽtẽ na te tãma sõmri da. Wa tô rowaihu hã, isipe hã, duré uburé marĩ te te ãma 're i'ab'manharĩ waihu'u pese mono zé hã tãma tisõ, ropodo te te ãma 're i'ab'manharĩ mono zéb da hã, oru na hã, ẽtẽ waipo prã prata na hã, duré isi'uwazi waipo na hã. Ẽtẽ nhihârizé, duré marĩ nhi'riti wa te te 're i'aza'ra mono da hã iwa, wa tô isimiromhuri nhipe hã tãma tisõ, wede umozéb da hã, duré uburé marĩ imono bâ tinhib'rata na te te ãma 're i'ab'manharĩ mono zéb da hã.

ma tô Mozésihi ma waihu'u ãne: — Ma'ãpé sabadu hã 're wazé pese za'ra wa'aba mono, ĩwa'utuzé bâtâ wa. Ã hã a norĩ wa'aba me iwasisaze za'ra zé hã te wasu'u, duré asihudu aba mono sidâpâsi, wa hã Uburé Danhib'apito ĩnhib'a'uwẽ da, te ĩsima i'aipisutu za'ra wa'aba zém na asiwi ãma 're ĩwaihu'u za'ra wa'aba mono zéb da hã.

Õne u'â Izaraéu nhihudu norĩ me iwasisaze za'ra zé hã te tô wasu'u. E marĩ wa. Wa hã Uburé Danhib'apito, 6 si bâtâ 'remhã wa tô hâiwa norĩ ti'ai me hã 'manharĩ zahuré. Duré 7 bâtâ ãma hã wa tô romhuri hã sazâ. Wa tô oto wa'udu taha na.