Popularni biblijski stihovi iz Xhun 8

Podeli

As ech tal ve't u Jesús ile' xo'l unq'a tename': —Ine' txijun tetz u taanxelal unq'a uxhchile' skajayil. Ab'il uve' la xekeb' svi', as ye'xh jatu la xaan ve't tu u q'ej toktoe', tan at ve't in sk'atz, tan ine' u txijun tetze' uva' la aq'on itiichajil u taanxelale',— ti'k u Jesús.

As la pal ve't ex stuul uva' kam isuuchil u jikla yole', tan a' u jikla yole' la q'alpun ex,— ti'k u Jesús.

As ech tal ve't u Jesús ile' te unq'a uxhchile' uve' ni niman ve't Aak: —Asoj la enima unq'a yole' uva' ni val sete, as ex ve't unchusulib' la ib'ane'.

Esti'e' ni val sete, tan asoj a' viK'aol u Tiixhe' la q'alpun ex, as q'alpinal chit ve't ex la ib'ane'.

As ya'ltik chit chajnaj ti' ich'otil ok te Aak ti' u ixoje'. Txakpu ve't Aak. As ech tal ve't Aak ile': —Ab'iste umaj ex uva' ye'l epaav ati as ex la sutin u k'ub'e' b'axa ti' u ixoje',— ti'k Aak.

As ech tal ve't Aak ile': —Ile' jik chit tuk val isuuchil sete, tan jank'al unq'a uxhchile' uve' a' kuxh u paave' nib'ane', as a'e' ik'am u paave'.

As txakpu ve't Aak unpajte. As ech tal ve't Aak ile' te ixoj: —¿Kech unq'a naj uva' ni xochon axh? ¿Moj ye'xheb'il ni alon akame'?— ti'k Aak. As ech tal u ixoj ile': —Ye'le, Pap. Ye'xheb'il ve'te',— ti'k ixoj. As ech tal ve't Aak ile': —Mita'n in la alon akame'. Pet kuxh ve'te'. As ye' paavin ve't axh,— ti'k u Jesús.