Popularni biblijski stihovi iz Umshumayeli 1

Podeli

Ngobe kuhlakanipha lokukhulu kutala lusizi lolukhulu: Umuntfu utsi angaba nelwati lolukhulu, nekuhlupheka kwakhe kube kukhulu.

Lokwake kwaba khona kuyawuphindze kube khona futsi, lokwase kwentiwa kuyawuphindze kwentiwe futsi; kute intfo lensha, lapha ngaphansi kwemtfunti welilanga.

Tonkhe tintfo tiyadzinana, kute umuntfu longatichaza. Liso alizange leneliswe kubuka, kantsi nendlebe ayigcwali ngekuva.

“Lite lelite!” kusho uMshumayeli. “Kulite mbamba! Konkhe kulite.” Umuntfu utfolani ngawo wonkhe umshikashika lawusebentelako lapha ngaphansi kwemtfunti welilanga?

Ngikubone konkhe lokwentiwako ngaphansi kwemtfunti welilanga; konkhe kulite, kufanana nekucosha umoya.

Titukulwane tiyefika, titukulwane tiyendlula, kodvwa umhlaba uyakusala unjalo phakadze naphakadze.

Bantfu bakadzeni abakhunjulwa, nalabo labalandzelako abayiwukhunjulwa ngulabo lababalandzelako.

Ngatimisela engcondvweni yami kukwati kuhlakanipha, nebuhlanya nebulima, kodvwa ngefika lapho ngibona khona kutsi nako loko kufanana nekucosha umoya.