Popularni biblijski stihovi iz Juan 5

Podeli

Ỹátaqta 'eesa dójo' 'ami s'axatema, ga' naquiáxana dójo' s'axátetac, qataxa ỹ'amaqten jiñi'me jaỹim namaq, qana'chi jega'me 'uo da' lec'alaxa 'me qaỹa 'te loiquiaqa'. Qana'chi sa qoỹa'uo qomle ga' ne'uaxánaguec, qá'a sóxote da' cá'ai da' neleuaxa da' ỹinoxoneuó'o da' nec'alaxa.

So' Jesús joca'li ỹilá'a jeso'me, qana'chi ỹaỹáten da' ma'le qaỹa'dailo saua' 'uóidi da' na'chi 'eeta't dójo' jeso'me. Qana'chi ỹinat jeso'me, 'enaaco': —¿Séetapega sétaaque da' 'am 'ademéegue?

'Ami 'me ỹátaqta 'uo da' 'adoouoqoi da' 'anapaxaguiñiỹalo naua' nedétrañi l'aqtaqa ñi' Dios, qá'a 'uo da' 'anaquitaxaquii da' 'ami taỹoto da' nec'alaxa 'me qaỹa 'te loiquiaqa'. Qaama'le jenaa'me n'aqtaqa 'me nedétrañi, jenaa'me jaỹim ỹ'axátetrac. Qaláxasa 'ami sa 'te da' jaỹim 'auanaiuó'o da' qaidi 'ami taỹoto dójo' nec'alaxa.

Qana'chi so' Jesús 'enapego' jeso'me, 'enaaco': —'Oñíseguem qomle, qana'chi 'aunana't na' 'adetala', qana'chi 'oc qomle. Huá'a, qana'chi jeso'me siỹaxaua ỹiméegue, ỹinana't so' letala', qana'chi ỹiuoỹapiỹe't. Qana'chi ỹasouaxat so' nolo' mataxaqui

Qana'chi so' Jesús 'enapego' so' judiopi, 'enaaco': —Ỹátaqta 'eesa dójo' 'ami s'axatema, da' jen'me lec'óxot ñi' Dios, jen'me qaỹa ga' ỹí'et da' 'uootaxa mai'chi nedotelégue, qá'a jen'me ỹí'et ga'me ỹauáachiỹi da' ỹí'et ñi' let'a. Ỹima jen' ỹí'et ñi' let'a, nataq'en ỹí'et jen'me lec'óxot.